[شووق]

خبز امك ولايهمك

[فـــــ1997ـــــارس]

والله مشكله عاد

الحين السلمان يبيون يسكرون

ما فيه احد يبي يشتري منه خلاص

عقب الخبر هذا

اجل صغرو الصامولي

عز الله مالهم داعي

[ابو ريان الرياض]

الحين صدق وش يبون ذولا

والله انكم فاضين الحين ابوسليمان خيررررره على أهل بريده والقصيم بشكل عام كثير .
ورغم كل الي سواه جالسين تعيبون في مخابزه والله من قلة الخاتمه .
وبعدين تعالو الحين كل شي زاد سعره حلو . يعني السلمان لو زودو والله مو حسافه عليهم هني وعافيه لنهم يستاهلون

رحمك الله يا ابن بريده البار يا صــــــــــــــــــــــــــــــــالح السلمان

[نصراوي بريده 11]

واقفه يعني مالقيت غير خبز السلمان كل الارياف والاالعثيم والابركتين وبعدين مافيه تلاعب

[نصراوي بريده 11]

اقتباس المشاركة الأساسية كتبها جمراوي خبز السلمان كرم الله النعمه من سنتين خارب يتفتت كود تاكله عندهم بالمخبز وذا برد يخلف الله الصامولي غير انتاج العربي ما فيه بس مشكلته يباع باماكن محدوده

عاد هم منادينك يقولون تكفى تعال اشر

[هايين]

جرب الصامولي مع الكودو ماينشبع منه
هني وعافيه

[حفيد اعقيل]

.
.
.

كان لي رد هنا

ولكن لعله قال حقيقة مؤلمة

جعلت من قرأه بعد أن قام من سباته يمحشه

يالله حسن الخاتمة (:

.
.

[صاحب الجوال]

اقتباس المشاركة الأساسية كتبها اخو دريحم صاحب الموضوع هو لايعلم ارتفاع السعر البروالطحين والابيض في هذا الوقت بالذات لان الصوامع تنتج وتصرفه الى منطقة مكة الان على شان موسم الحج وكل سنة يكون فيه أزمة ومخابز السلمان يأتون بالطحين من خارج القصيم لان صوامع الغلال تقنن للمخابز القصيم عموما وهذه معلومة والله المفروض لااتحدث فيها لان من سياسة مخابز السلمان ويكلفون بعض المخابز للاخذ باسمه ويبيعه على السلمان حتى لايتأثر انتاج مخابز السلمان ويصل الى المواطن دون عناء يذكر نص ريال يالرزيل

اخو دريحم يبدو أنه دافعته العاطفة ولم يحكمه العقل ليس المصقود النص ريال او الريال لاكن رفع السعر بالوقت الذي بدأت الأسعار تنزل .
أنا الآن ادخل الأسواق واخذ خبز السلمان بدون تردد خبز لا يعلى عليه وسبق ان اشدت به بردود السابقة . ولاكن سياسات المخبز تغيرت وهذا يؤثر عليه . ولم اكتب الموظوع تحاملا عليهم ولاكن لعل الكلمة تصل الى المسئولين ويتداركو مخبزهم .
واعرف ان المخابز كثيره والخبز البيت العربي ينافس الآن ولاكن يبقى السلمان .

واذا كنت لاتقتنع بكلامي اذهب إلى اسواق السلمان وانظر إلى الاسعار وادخل بقالكم الي عند بيتكم وشف الأسعار فرق واضح .

[سلطان1234]

بالنسبة للشيخ صالح السلمان 1000000 نعم فيه والله يجعله بجنات النعيم ويعلم الله اني اعتبره مثل والدي لأني كان لي علاقه قويه فيه بحكم ان والدي رحمه الله كان من اعز اصدقائه ويكفي منه رحمه الله تواضعه الشديد وقيامه بعدة مشاريع افادت القصيم بصفه عامه وبريده بصفه خااااصه ودائما نراه بالمقدمه
لكن مسألة الخبز هاذا ــــ شي ثاني وبصراحه وللاسف انه تغير خاصة الصامولي بس الرهيف مااااشي مع انه صغنون
بس بصراحه لما جربت خبز العثيم الصامولي من يومها وانا ماجيب غيره 8 حبات وماشاء الله كبار وطعمه لذيييييذ
وبالنسبه للمفرود فيه عند بنده بطريق الشاحنات شييييييييييييييي بس قليل اجيبه لأنه بعيد
وبالهناء والعافيه

[ابديما]

اذا كنت مقتدرا على الشراء فربما غيرك يصعب عليه
فهناك اسر فقيرة وفقيرة جدا يؤثر في ميزانيتها الريال ونصف الريال اليومي
نرجوا عدم الخلط بين تقديرنا لعائلة السلمان التي نكن لها كل التقدير وغيرها من الأسر المحترمة ومخابز السلمان التجارية
حتى لاتتحرك المشاعر فقط.

[أبوإياد]

اقتباس المشاركة الأساسية كتبها اخو دريحم لن نقاطع مخابز السلمان مهما قال بعض الاعضاء الشيخ صالح رحمه الله له أيادي بيضاء على بريدة وعلى القصيم عموما

انت لعلك أخذت المثل الذي يقول ( خالف تعرف )
أخي كن مع الحق سائرا.
( الإختلاف لا يفسد للود قضية )

[اخو دريحم]

اقتباس المشاركة الأصلية بواسطة صاحب جوال ولاكن سياسات المخبز تغيرت وهذا يؤثر عليه

ممكن تذكر لنا مثل واحد غير النص ريال

[عاشق الريف]

اقتباس المشاركة الأساسية كتبها صاحب الجوال من منا لا يفضل خبز السلمان يعتبر من أفضل الخبز ولا كن في الأاونة الأخير بدئت المخابز تتغير يصغرون حجمه بطريقة مضحكة حتى انك لاتعلم هي خبزة أم كعكه / ولا الأسبوع هذا جرأ تطور جديد رغم تصغير الحجم ارتفع سعره إلى ريال ونصف ( الصامولي البر )

ياصحب الجوال اولاً اشكرك على الموضوع
ثانياً خبز السلمان فعلاً متغير مو مثل قبل انتم خبرتو ان السلمان مايخبزون بالفتره الاخير انتم شفتو جاله فترات وينقطع ولا نلاقيه بالأسواق والحين ودافع البلا لا شفت الصامولي كنك شايفٍ بيض صعو
<< تقبل مروري >>

[صاحب الجوال]

اقتباس المشاركة الأساسية كتبها ابديما اذا كنت مقتدرا على الشراء فربما غيرك يصعب عليه فهناك اسر فقيرة وفقيرة جدا يؤثر في ميزانيتها الريال ونصف الريال اليومي نرجوا عدم الخلط بين تقديرنا لعائلة السلمان التي نكن لها كل التقدير وغيرها من الأسر المحترمة ومخابز السلمان التجارية حتى لاتتحرك المشاعر فقط.

كلام سليم بارك الله فيك ( نرجوا عدم الخلط بين العائلة والمخابز والأعمال التجارية