[فؤادعنتر]

كعادتي أحب الخير للجميع وابحث عن الخير ( مالك بالطويلة)
كنت أنا وصديقي المقطوع من شجرة نبحث عن زوجات مناسبات لنا
هو يريد مدرسة لحاجتاً في نفس يعقوب (يعني داج) وأنا مادري وش أبي
كل يوم مواصفات المهم تزوج الرجال من مدرسة حسب طلبه
وأنا ما لقيت المواصفات اللي ابحث عنها هو اشترى ارض وقرر يبني دبلكسات بمشاركة زوجته(الدببلكس هي فلتين متجاورتين صغيرات الحجم)
وطلب نصيحتي وحذرته من مشاركة زوجته وقلت
(قدر الشراكه ما يفوح)
هذا قدر الرجال وشلون الحريم ما طاعني وشترك مع زوجته و بنو دبلكستين
وحدة له ووحدة لها باع نصيبه وحاول يقنع زوجته تبيع نصيبها لدخول بالأسهم
رفضت قالت :ما صدقنا نسكن ونستقروبعدها بفتره
جاني يشكي رفض زوجته قلت له زوجتك غلطانة وشبيت عليه وقلت بعد تعبك بالعمار وملاحق العمال ترفض تبيع وتساهم معك ما فيها خير قلت لك قدر الشراكه ما يفوح
(طلقها شوري عليك الحرمة تحب نفسه أكثر منك) رفض مبدأ الطلاق
ودبر نفسه وسكن مع زوجته في بيتها (قوية هذه رجال مع زوجته !!!!)
ودخل الأسهم وخسر كل شيء قال:اشو ما بعت نصيب زوجتي ولا كنا بالشارع
ولا سمعت كلامك عن الطلاق
( لو سامع نصيحتي كان ما خسر لأنه راح يعرس بالفلوس قبل يساهم)
و بعد سنة توفي صديقي العزيز وترك زوجته المدرسة وقلت في نفسي أنا أولا من غيري
أبتزوجها وسكن معها صلينا على الرجال و رحت أنا وخوي للمقبرة
وشفت أخوها يبكي حاولت أفاتحة بالموضوع وما قدرت من كثرت الناس0
قال اخوي لا تكلمه الحين العجلة شينه اصبر لين يطلع من المقبرة
ومسكه بالشارع وحنا نتكلم اختفى الرجال ما دري وين راح دورته وحصلته في بيت أخته
(بيتي مستقبلاً)
يتقبل المعزين جلست معه قال : ما قصرت أتعبناك معنا قلت عادي حق وواجب (أيه هين )
وكل ما ابغي أكلمة يدخل احد علينا وحريم داخلات طالعات
وأطفال يلعبون وأنا بصراحة خايف يخربون البيت أو يكسرون شيء اتعرف بيت جديد والعفش بقراطيسه رحت وجبت ذبيحة وعطيتها الطباخ وجبت عشاء لهم أتعرف لابد من النذخ والترزز عند خال العيال مستقبلاً 0
بعتبار ما سوف يكون وبعد العشاء طلع ما كلمته وسافر
ما دريت بعد شهر لقيته وطلبت يد أخته قال بعد العدة اسئلها وخبرك بكل برود!!!!!!
نسى الذبيحة وعلوم الرجال اللي أنا سويتها ؟؟؟
فعلاً ودك تصور عزا يمك الناس مالهم أمان و أنت مالك عذر جوال الكامرة بيدك
بعد يوم بسم الله رد وقال:
ما عندها نية تزوج وما راح تتزوج لأنها بتعيش على ذكرى زوجها
وقال من حبها له قالت فيه شعر0
قلت سمعني بعض اللي قالت الخنساء بنت الملوح قال تقول :

المقبرة صكوا أبوابه 00000 أخاف أنسى وجي يمه
رجال من خيرت أصحابة 0000 قلبي تغذى على دمه
قلت المعنى قال ما فيه نصيب 0
(وراحت الذبيحة على بكل بساطه)
وقال راح تبيع بيتها وتشتري بيت بجنب المقبرة على شانه 0
وفعلاً شرت بيت ما بينها وبين المقبرة ألا قطعت ارض عشان كل يوم تشوف قبر زوجها
أنا بصراحة ما صبرت رحت وأخذت أقساط وشريت الأرض اللي بين بيتها والمقبرة
وعمرت عمارة ثلاثة ادوار وقفتها عظم بس حسد عشان احجب الرؤيا عنها
بعد بعد مابقى ألا تروح المدرسة والدبلكس و ذبيحتي

لتواصل
salehfrf@ hotmail.com

[حامل الراية]

اضحكت قلبي مع انك قااااااااااااااسي تبي تخطب الحرمة وين ؟؟ بالمقبرة اعوذ بالله ..؟ لكن مقبولة منك

[فـــــ1997ـــــارس]

,,,

وش دخلك فيها كلن على راحته
يعني تبي تتزوجها بالغصب
وبعدين الذبيحه وما الذبيحه مو لله
احسن نيتك عشان الله يكون معاك مو كل شي بالغصب
انت ماعليك الا تخطبها طاعت الحمد لله ماطاعت شي راجع لها
يعني كل ما رفضك احد تبي تروح تهاوشه وتسوي معاه مشاكل
والله حاله

,,,

[السباح n80]

كفو ياشنب ..!
أقول شف ماوقفت عليه تراه به مدرسات ازين منه 1000 مره لالا 2000مره

[الشمعدان]

والله يانت مطرطع صراحة قصة نذالة من الدرجة الاولى

[عبدالله الصالح]

الله يزيدك من خيره..

والله أشتاق لحرفك دوما..

كم يشدني أسلوبك عميق المعاني ..

لا أظني مخطئاً إن لم تكن دكتور الفلسفة والنقد..

تقبل مروري وتحياتي..

ونرجوك ان لا تتأخر بسلسلة قصصك المعروفه والمعنونه بــ {{ بعد بعد ...!!! }}

[لو ثم لو]

مشكور على الاسلوب الجميل

[بدر بن عبدالله]

اقتباس من مشاركة فؤاد عنتر:

اقتباس بعد بعد

والله يا أنا مبطي ما قريت هالعنوان.

[العفالقي]

ههههههههههههههههههه خخخخخخخخ -الله يقطع ابليسك قطعت مصاريني من الضحك =والله لوهي عبلة حقت عنتربن شداد -ياعنترههه-ايادارعبلة بالجواءتكلمي==وعمي صباحادارعبلة وسلمي-خخخخ 000 بس عندي هل القصة حقيقية ---وان كان هي من خيالك كمل المشهد---ايها الاديب الساخر------شكريااااااات خييووووو

[..احساس..]

أحسن الله عزائك في ذبيحتك

أسأل الله أن يخلفك خيراً منها

[ابـ قصمه ـو]

والله انك كفوو
كمل كم دور حق العناد

[فؤادعنتر]

شكراً للجميع على لردود.............................. الله يقدرنا على فعل الخير ويرخص الحديد والبلك على شأن نكمل العمارة
ياجماعة فؤاد يرغب بتوقيع رائع تعرفون مقبلين على موضوع قوي جــــــــــــــــــــــــــــداً سوف يغير مجرى السيول بالمنطقة.................

[سامي بريدة]

بشر أخوي فؤاد
عساك ماطحت من السرير ... بس ؟

[Moonlight]

مع إحترامي أحس موضوعك متكلف نوعا ما وأظن كل الكلام هذا من أجل أن تصل إلى بعد بعد مدرسة ودبلكس

وذبيحتي ، يعني عافس القصة كلها عشان تقول كذا