[سراج الخير]

السلام عليكم

27 طريقه للبنات لعلاج الزهق والطفشششششششش...
هذي وسائل لعلاج الزهق داخل البيت ،وعلى فكرة تراها للبنات بسسسسسس ..

--------

1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة..

2- اطلعي الحوش ولا السطح وافرشيلك فرشة وانسدحي على ظهرك وتاملي النجوم واسترخييييييي وتاملي؟!؟!؟

3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة .

4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..


5-فرمتي الجهاز ثم حمليه من جديد

6-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها).

7-امسكي منشفة وفكي الشبابيك ونظفيهم ..

8-سوي عصير برتقال واشربيه ؟؟؟

9-اقروا مجلة اطفال (سنان...) ..

1.- روح للبيت واطبخي حلا

11-البسي ملابس رجال ثوب وغترة وخرعوا اهلكم !!

12-فتحي نوتة التلفونات واختاري ارقام من العائلة ودقي عليهم وسوي حركة صلة رحم..

13-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم..

14-روحوا مواقع بطاقات وكاردات وارسلوا لصديقاتكم ..

15-الفي مسجات جوال ونكات ماسنجر..خذي مجلات فواصل وديوان خالد الفيصل وطلعي منه ابيات شعر تصلح نكااات للماسنجر واكتبيها بورقة..

16-ادخلي غرفتك وحطي مكياج كاامل كانك رايحة لعرس ولطخي وجهك تلطخ وتصوري ..حركة صح؟

17-امسكي دفتر تلوين اطفال واقعدي لوني ...

18-اذا زهقتي افتحي دولاب ملابسك واقعدي قيسي ملابسك بدلة ورا الثانية<< يمكن يجي الصبح ماخلصتي من كثرهم ..

19-روحي المطبخ سوي كيكة (هذا وجهي اذا احد اكلها) ..

20-سوي ايميل جديد واقعدي العبي على اللي تعرفينهم ..

21-تعلموا لغة غريبة..مثلا كلمات معنية باحد اللغات واقعدوا اكشخوا فيهم وتفلسفوا فيهم ..

22-اركبي السيارة وهي موقفة جوا البيت وكانك تسوقين ..

23-اطلعي وانزلي الدرج عشرين مرة .. منها تتمشين ومنها تنحفين<< ذبحتكم القعدة والفضاوة

24-اقعدي على الكومبيوتر وحوسيه زي العادة ..

25-اطلعي الحوش..وصيديلك حشرة لطيفة (عنكبوتة مثلا ) وحطيها بعلبة واقعدي راقبيها..بس لا تخلونها وقت طويل عشان ماتتعذب <<<والله من العطف عندكم يالبنات ..

26-خذي مجلات قديمة واقعدي قصقصي صور ولزقيها بلوحة (بتطلع المواااااهب) ..

27-اطلعوا حوشكم ..والعبي كورة..وكسري انوار البيت ..

------------------


ها ايش رايكم مو صح علاج مافى زيه

[الصابونه]

اقول انثبر بس

وش اللي ريموت كنترول ويفركن بالرسيفر

وتبيهن يروحن للسوبرماركت يدفن العربيه

ازين لهن يلعبن ( دور ) ياقدموه
والا يلعبن فتاحيه ورده سكري ياورده

واللي عنده فراغ تقراء له جزء من القرآن ازين له

[سراج الخير]

كلها يا شباب استهبال

وش تيب مثل بنات حده متطلقات من أهلهن

مثل الولد عندنا

أم عيالهم

فالله المستعان

[بــ السكون ــوح]

سراج أبو تفله ..

مراكز ودور القرآن الكريم فإنها خير كثير ونعمة عظيمة وهي اغتنام لوقت الفراغ بأعظم كلام ..

فالذي يعمر أوقاته بتلاوة القرآن دائماً تعلو وجهه البسمة والنضارة ..

كيف لا وهو لايمر بآية رحمة إلا سأل ربه الرحمة ولا بآية عذاب إلا استعاذ وأناب !


ياقارئ القرآن حزت فضيــــلة **** ماحازها من قبل أصحاب الملل
إن كان غيرك عاكفاً في غيََه *** وبعينه كل الحـــــــــرام قد اكتمل
فلأنت في كنف الإله وحفظـه *** يحميك رب العـــالمين عن الزلل





.. بوح السكون ..

[هذا أنـا ... !]

ابوسعفه


اختك تسوي تسذا اذا حمقت ؟؟؟؟

[الضرغام]

والله شكلها كيذا

[ظل الخيال....]

ههههههههههههه


اخوي سراج يسلموووووووووو حبي

صراحه البنات ماغير تنبله بهالبيت كمبيوتر ودش وخربطه.....مافي امل يفيدون.........,


مشكور اخوووووي.,


تحياتي

ظل الخيال....

[لـــــين]

ظل الخيال ..

تف تف تف ..
باسم الله عليكم يالعيال ..

بالله وش تقضون وقت فراغكم فيه ..

اقتباس من ظل الخيال
____________________________________________
ماغير تنبله بهالبيت كمبيوتر ودش وخربطه.....مافي امل يفيدون.........,
____________________________________________

اقووول اللي على راسه بطحه يتحسسها ..

===========


ابو تفله ..

6-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها).
اما هذي اتحداك تسويها انت ..


20-سوي ايميل جديد واقعدي العبي على اللي تعرفينهم ..
تصدق هذي الفكره رووووووعه ..


27-اطلعوا حوشكم ..والعبي كورة..وكسري انوار البيت ..
يا اخي لا تقوله تنكسر رجولنا قبل اللمبه ..



اختكم .. لـــــين

[حارس المعسكر]

أقول أها بس أها بس البنات له بيته وزوجه وإذا ماتزوجت تطبخ لأمه وتساعده................................. ايــــــــــــــــــــــــــــــه يا زمان أول
......................................

[حارس المعسكر]

أقول أها بس أها بس البنات له بيته وزوجه وإذا ماتزوجت تطبخ لأمه وتساعده................................. ايــــــــــــــــــــــــــــــه يا زمان أول
......................................
ظل الخيال ما تبي فصفص