[دندون]

اقتباس المشاركة الأساسية كتبها كاكاو سايل من رأيي ارى انه لا يصح للمرأة الكشتات والخروج للنزهات ...

اعتقد أكثر سؤال يسألونه للشباب: تحب تكشت مع الشلة أو العائلة؟؟

اقتباس المشاركة الأساسية كتبها كاكاو سايل لايجوز امتلاك المرأة للجوال ,, بنوعيه الكاميرا او بدون ..

جوال الوالدة يكفي وبعدين الا منها تزوجت البنت تسطفل هي وزوجها..

اقتباس المشاركة الأساسية كتبها كاكاو سايل لا يصح لها ركوب الدباب .. ولاحتى السيارة الا للرجال هي يجب ان

الدباب الا منكم طلعتم للبر اركبنه لين تملن اما السيارة فلا ...

اقتباس المشاركة الأساسية كتبها كاكاو سايل لا يصح لها القراءة والتثقف .. لانه من اهتمام الرجال فقط .. الرجال فقط فقط همن من يملك القدرات والابداع بالكتابة ..

عاد هنا ظلم كبير ... انا بكل هديه لاختي لازم يكون فيها كتاب ... ودائما تكون قصص وروايات
وانا اشوف كل البنات يحبن القراءه اكثر من العيال

اقتباس المشاركة الأساسية كتبها كاكاو سايل لا يجوز لها النظر للفضائيات ... كليا لانها ناقصة عقل ودين وذات عاطفة سريعة التعلق ..!!!؟

ما يحفظ المسلسلات مثل البنات... والعيال الحين يعانون من مشكلة [قناة بداية]

اقتباس المشاركة الأساسية كتبها كاكاو سايل لا يجوز لها ان تلتفت يسرة او يمنه لانها قد تفتن احدهم والعياذ بالله لا يجوز ولا يجوز .....و و و ..

هههههههه البارح كنت عند بقاله وكان قدامي جيب وكانت فيه حرمه بس تتلفت ولما ناظرتني عجزت امسك نفسي من الضحك ههههههه بالله تخيلوا حرمه بس تتلفت

وبعدين صح البنت مايصلح تتلفت لانه ماهو لايق عليها انها تتلفت لان من عادة البنت الحياء وما تجي حياء مع كثرة التفات....
وبعض البنات فته
والله سبحانه قال:
إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ

اقتباس المشاركة الأساسية كتبها كاكاو سايل لا يجب ان تتكلم او تناقش لان مهمتها تربية الاطفال وحل مشاكل الزوجية الرجل يفتعل المشكلة وهي فقط من يتعب ويجد لها حلا .. هي فقط من تربي والرجل خارج البيت حتى بغير اوقات عمله ,,

التربية على الرجل والمرأه ... وتذكري انها تربي أطفال فيصبحوا رجال ...
وليست في كل الحالات الرجل هو من يفتعل المشكلة..

اقتباس المشاركة الأساسية كتبها كاكاو سايل لايجوز ان تجلس بمكان لوحدها الا مع امها او مع ذي محرم ولايجوز ان يكون لها غرفة خاصة مستقلة الا مع احد اخواتها (( ياويلي ياللي وحيدة اهله)) ربما قد تفعل شيئا محرما كيف وهي ناقصة عقل ودين .؟؟؟؟؟

أذكر البنات يحبن يجلسن مع بعض؟؟؟
وبعدين احمدن ربكن ... حنا يالعيال بس نسحب فرشنا من البيت للمجلس ومن المجلس للبيت

اقتباس المشاركة الأساسية كتبها كاكاو سايل لا يجوز لها ان تلبس اللون كذا والشكل كذا ... لانها قد تصبح مسترجلة ..!! نعم..

هذي يرجع حكمها للدين... واتمنى ما احد يحاول يبيح لبس الشماغ للبنت!!

اقتباس المشاركة الأساسية كتبها كاكاو سايل لا يجوز لها الخروج لساحة بيتهم لان ابن الجيران قد يطل من النافذة ؟؟؟؟

عاد هذي ترجع لوضع بيتكم

اقتباس المشاركة الأساسية كتبها كاكاو سايل لا ولا ولا ولا ... والكثير الكثير من اللاءات ... (( مشكلة الكثير من الجهلة ... انهم خلطوا عادات جاهلية لاصحة لها بما يعتقدون انه شريعة الدين الاسلامي ))

قلتيها ... [ الجهلة ]
وبعدين والله متعوب عليها كلمة [اللاءات]

..... بالاخير أضيف الى لاءاتك...

لا تضرب البنت أبدا ... يعني يدخل الشايب طفشان .. يحط حرته في العيال ...

لا يرفض للبنت طلب أبداً

كلمة [للعوائل فقط] لا تشمل البنات من غير عوائلهم...

لا تقلق البنت من مستقبلها المادي

لا يجب على البنت تكملة الدراسه بعكس الولد

لا يجب على البنت الصرف على البيت


لا ولا ولا ولا ... والكثير الكثير من اللاءات

[كاكاو سايل]

اقتباس جوال الوالدة يكفي وبعدين الا منها تزوجت البنت تسطفل هي وزوجها..

يا اخي .. انا اقصد بشكل عام ... امتلاك الانثى للجوال لايصح عند بتاتا وربما يخرج عن الملة عند الغالبية ..

ولا يكفي كون الجوال مع الام فقط ... حتى الفتاة لها خصوصيتها التي لاتحبذ اطلاع الغير عليها ..

اقتباس الدباب الا منكم طلعتم للبر اركبنه لين تملن اما السيارة فلا ...

اعتقد انك لم تفهمني ...

مااقصده هو انه حتى خروجها للبر لا يصح لان الكشتات من اهتمام الرجال .. ههه

اكيد انا اقصد انه ممنوع حتى بالبر انه تركبه حرام عيب مايصلح .. المرة بس تزين لهم الشاهي والقهوة ان تكرموا وجابوه معهم ,,,

ولا اقصد بالسيارة اي قيادتها ... اقصد حتى ركوبها .. ايضا قد يصل للمنع من كثرة اللاءات ... عند الغالبية ...!

اقتباس ما يحفظ المسلسلات مثل البنات... والعيال الحين يعانون من مشكلة [قناة بداية]

انا اقصد حتى لو كان الفضائي اسلامي ... ممنوع .!. لان المرأة فقط يجب ان تغض بصرها ..
ونسوا تكملة الاية ,!!!! يعني معليش انا فكرتي عن هؤلا >> كلن يرى الناس بعين طبعه .!
لان الغالبية من الرجال .. تثيره المرأة لو رآها ,, ونجده يطبق مايراه في نفسه على من حوله .!!!!



انا مايغثن الا التعميم ... ! مب كل البنات .. هذا يعتمد على حسب الاهتمام عند البنت .!


يعني هذي مقدمة لتحريم قناة بداية .!! هاه .؟؟؟

احمد ربي واشكككره اني مااعندي ناس تفكر كذا .!!!!!!!

اقتباس عاد هذي ترجع لوضع بيتكم

ههههه يعني كلامي في محله .!! أُحرم من ساحة بيتي واموت اختناقا خوفا من ابن الجيران ان لايطلّ.!!

تفكير ومنطق غريب .!




لك ان تنظر لللاءات التي تمت اضافتها .. من عندك... هل تقارن بما كتبت .!!

ومن قال لك ان الحرة تصير بالعيال بس .؟.. انا ياما جتني من الحراااات بالعكس يكفي انه من ابوي ..



واخير ... حربي بوي .!

كلي شكر من قلبي والله على ردود وحمااااسك ...

لك كل تقدير واحترام ..

[دندون]

اقتباس المشاركة الأساسية كتبها كاكاو سايل يا اخي .. انا اقصد بشكل عام ... امتلاك الانثى للجوال لايصح عند بتاتا وربما يخرج عن الملة عند الغالبية .. ولا يكفي كون الجوال مع الام فقط ... حتى الفتاة لها خصوصيتها التي لاتحبذ اطلاع الغير عليها ..

من اللي محرمه بالعكس بشكل عام البنت عادي يكون معها جوال... بس لو نفكر زياده شوي .. نحصله ماهو ضروري مره ...
ترا الولد لو مايسوق ويسوع بهالشوارع ... والله مايحتاج للجوال... لانه قد يحصل له ضرف طارء

وبالأخير الكل يحترم خصوصيات البنت ... واللي مايحترمها [جاهل]..

اقتباس المشاركة الأساسية كتبها كاكاو سايل اعتقد انك لم تفهمني ... مااقصده هو انه حتى خروجها للبر لا يصح لان الكشتات من اهتمام الرجال .. ههه اكيد انا اقصد انه ممنوع حتى بالبر انه تركبه حرام عيب مايصلح ..

لا تعمين ... صح فيه ناس يمنعون ركوب الدباب للبنت .. بس لو تصرين اكيد راح يوافق..
اما اللي حرمه ... فهو أيضا [جاهل]

اقتباس المشاركة الأساسية كتبها كاكاو سايل المرة بس تزين لهم الشاهي والقهوة ان تكرموا وجابوه معهم ,,,

على فكرة ... عند العيال .. اللي مايعرف يصلح الشاهي والقهوة ... ماهو رجال

اقتباس المشاركة الأساسية كتبها كاكاو سايل انا اقصد حتى لو كان الفضائي اسلامي ... ممنوع .!. لان المرأة فقط يجب ان تغض بصرها .. ونسوا تكملة الاية ,!!!! يعني معليش انا فكرتي عن هؤلا >> كلن يرى الناس بعين طبعه .! لان الغالبية من الرجال .. تثيره المرأة لو رآها ,, ونجده يطبق مايراه في نفسه على من حوله .!!!! انا مايغثن الا التعميم ... ! مب كل البنات .. هذا يعتمد على حسب الاهتمام عند البنت .! يعني هذي مقدمة لتحريم قناة بداية .!! هاه .؟؟؟ احمد ربي واشكككره اني مااعندي ناس تفكر كذا .!!!!!!!

بهالمقطع من كلامك اعتقد بانك انشحنتي نفسياً.. وزاد الكلام شوي
خصوصا يو تقولين [ احمد ربي وأشكره اني ما عندي ناس تفكر كذا]
اجل من اللي مانع عنك كل ذولي
وبعدين قارني بين اعتقاداتي واعتقاداتهم!

اقتباس المشاركة الأساسية كتبها كاكاو سايل ههههه يعني كلامي في محله .!! أُحرم من ساحة بيتي واموت اختناقا خوفا من ابن الجيران ان لايطلّ.!! تفكير ومنطق غريب .!

المفروض واللي مطبق في اغلب بيوت أقاربي اللي بيتهوم تقريبا مكشوفه ...
انهم يجبرون الجيران بإغلاق النوافذ بحديد ... وهذا شايفه بعيوني وهو مطبق ببيوت كثيييييره وما اذكر انه فيه جار رفض... بالعكس فيه جيران يسوون هالشي قبل يطلب منهم! وهم من أقاربي انا شخصيا

حتى اللي مأجر الدور العلوي من بيته.. تحصلينه مسكر نوافذ الدور العلوي بشكل جزءي ... يعني مسكر الدريشه من تحت بحيث ان الساكن مايرا الا السماء... << مسكين


قولي لابوك يطلب هالشي من جيرانكم واكيد ماراح يقصرون!

اقتباس المشاركة الأساسية كتبها كاكاو سايل لك ان تنظر لللاءات التي تمت اضافتها .. من عندك... هل تقارن بما كتبت .!! ومن قال لك ان الحرة تصير بالعيال بس .؟.. انا ياما جتني من الحراااات بالعكس يكفي انه من ابوي ..

اللاءات كثيره وانا عديت اللي طرا في بالي ... وهو اساسا ماهو موضوعنا!

واذا على الحرة ... اذكر مره كنا نتناقش انا وبعض العيال عن ضرب البنات ... واجمع الشباب كلهم على شي واحد ... ان اللي يضرب البنت بشكل عام ماهو رجال ...



تقبلي كلامي بصدر رحب... وحاولي انك ماتنشحنين نفسيا ترا كله حروف مكتوبه!