 |
|
|
|
|
29-01-2009, 02:43 AM
|
#1 |
|
عـضـو
تاريخ التسجيل: Nov 2008
البلد: بالقوايل !
المشاركات: 257
|
دش المجد وبزعة عربجي عربسات قااضي هالمدزفي ؟!!
. من منا لا يعرف قناة المجد >> يسمع بالمقدمات الحلوة  المويهم كلكم تدرون بنكبت المجد بيوم وليلة صارت ظلماء طفت ما حولك أحد بسمة راحت وراحت معه ( بسمه بسمه كلمه ورسمه ) وروضة هاللي أشغلتنا قسم بالله عجزت انام الظهر منه يليتهم مبطي فاركين القمر أشغلونا منول أتوذا من الغسالة تسلط الوالده عقب الظهر وتزعره وأنا انام بالغرفة اللي بجنبه والحين هالروضة أوذتنا المويهم ذات مساء قالت سلما إني اتعبني المشوار المويهم أكا اليوم الظهر قمطت المجد خير شر بدينا ما نشوف إلا السنيدي يبربر علينا وإلا تقلب الموجه وتهب دين ونشغل حقت القرآن عاد به حدى أخوتي ألتزم هاليومين بسبت قناة الحديث الشريف والعلمية  هالكلاك أصلاً لعب به الفراغ وغصب يقعد يناظرهن عاد جايبن دفتر وشغل ويسجل صار طويلب علم هالفويسقه وإنك تشغله أو تحاتسيه هالحين كتب دفترين والله ما ندري أخاف ولاهن شخاميط المويهم يوم صار هالظهرية اليوم اشغلتن الوالده ورنة على راسي قالت قم زين ( التفزيون ) >> هذا مسطلح للوالده والحقوق محفظه قلت وش به قلت إنه أجلد ( يعني اسكت ما عاد يشتغل ) قلت افا يذا العلم انا اللي أوريتس يا أميمتي به قالت أي والله خصوصاً إن خواتك يبي يجتمعن اليوم همن يصجوننا بزرانهن نشغل لهم ( النجد ) >>> المجد يهبطهم شوي قلت أبشري يا أميمتي ما للصاليب الا أهله واتشعمط للسطح تسن هنا علم واقعد احبرش بالدش يوم راحت العامه والقرآن والعلميه قلت أبلش يوم قعد يلج أخوي طالب العلم متابع حدى الدروس وأنا حست الدش عاد فات عليه الخير وخذ يا دعاء عاد انا بلشت قلت الشكوى لله ( يوم اطقـ××××ت راحت تصم فخو××× ) >> اتحدى احد عرفه المويهم قلت مالك إلا راعي الفزعات والنخوة وعلطول وأمعط لتحت وأخذ الجوال وازهم على عربجي قاااضي ! جوالي : طووووووووووووط ؟! جوال العربجي : طوووووووووووط ؟! جوالي : طووووووووووووط ؟! جوال العربجي طووووووووط ؟! جوالي : طوط طوط طوط طوط ؟! قلت هالسحاة والله لا أشغله لما يرد واتصل مره ثانيه : جوالي : طووووووووووووط ؟! جوال العربجي : طوووووووووووط ؟! جوالي : طووووووووووووط ؟! جوال العربجي طووووووووط ؟! جوالي : طوط طوط طوط طوط ؟! وأزهم ثالثه ويرد هذاك اللي يبربر يقول إن العربجي القاااضي لا يمكن الزهم عليه هالحزه الحزه حزة قوايل تحسب الناس كلهم مثلك يا حصان القايلة إقاله يقلد هذاك حق الشركة قلت علينا يالعربجي تحسبن دبشه قال يا أخي لا تشغلنا أزهم عليك العصر قلت اصبر تعال : فززززززززززززززززززززعه يا خلف النوري عاد العربجي لا تنخاو على طول يروح كشنه يحسب عندنا بنات يبينا نزوجه وإلا مهب كله مرجله  خبيث هالعربجي بس تراهن قاضيات بناتنا ما عندنا إلا أم سليمان تسانك تبيه ما به أحدن يبي يزوجه بلشن بروحه أحد قالك خلك عربجي وتتن المويهم ويجيك الذيب قال أبشر وش تبي ؟! عاد انا عارفن له : قلت إن خالك اللي هي أمي تقول صلح ( النجد ) أنه خربانه وحقين النجد يقولون أفركوا الدش اللي بالسطح وجهوه شرق وأنا ما أعرف له يالعربجي ؟!!! وش رايك  قال أفا هذاي جاي قلت يالله لا تصيف أنزل من السطح وإلا جيت قال هذي جيت وشوي ولا سيارة عربسات عربجي قاضي واقفه عند الباب أنا قاعدن اناظره مع السطح أحتريه يجي يوم جاء مشخص عليه جنز وحركات ومعه جوال شاشته كبيره ودريل ومفكات وعيون ورسيفرات قلت بس هذا اللي مهب أنا هذا اللي يبي يشغل الدوري الياباني على المجد أحد يعرف الدوري الياباني >> مالحقتوا عليه خلكم بالاوربي أصرف لكم المويهم ويقعد يحرج علي بالشارع يا حصان القايله أدخل تسدامي أحد يدعي يحسب عندنا بنات إقاله رجل قلت أدخل ما قدامك إلا أم سليمان وغظ البصر وأنت داخل المويهم ويجي الذيب لمي بالسطح واناظر هالقش قلت الله يستر منك يالعربجي مشتغلن عند علي صغير أكبر هاليومين قال رزقنا يالحصان هاليومين الله يجزا المجد خير حركت سوقنا قلت كفو الله يقويك وش ازين وش نصلح  قال أبد أزهله بس أشبك لي هالتوصيله قلت بس أبشر لو تبي أشبكه بكيبل شبكته المويهم ويلبس البرنيطه توقعون وشوله يقول عن الشمس قضت المخاكر إلا عليك يالعربجي ولحظات ويبدا يجخر بهالدريل قلت خير إن شاء الله ؟ قال لا زم نغير محله هذا محله تحت الجدار لأنه منول فاتحن بابه غرب والحين المجد قايلين حطو وجهه يفتح شرق قلت كفو الله يساعدك ولحظات ولا مركبه بالسطح بالجهة الثانيه  عاد هماو شغل الدريل كل بزران الخبوب تجمعوا عندنا شي غريب ببيت حصان القايلة يجخر الجدران يوم شبك الشاشة والرسيفر ويبدأ يرزرزه يمين ويسار وكل شوي يويدز بهالشاشة وأنا ما غير أربيه يا ما راح شمال يما راح جنوب قلت يالعربجي وشلون رايحن به شمال وأنت تقول شرق ؟ قال ألفقه أنا ابخص قلت سم قال لي الله لا يهينك يا حصان رح شف تحت أشتغل أو لا قلت طيب ؟! وعندك بذا وراه ما تناظر من عنده ؟!! قال خربانه الشاشه شكله قلت خل اجيب شاشه لك قال جبه وأروح أجيب له تلفزيوننا الخشب اللي يالله يالله يشيله ثلاثه القديم ابو فرار يوم جبته ونفس المشكله وشلون يالعربجي ؟!! قال شكل شاشتكم من الأصل خربانه وتحسبونه المجد خربانه قلت علينا يالعربجي هالحين هم اللي يقولون أفركوه وتقول خربانه ثاني شي وش دخل الشاشة بالوزن قال اللي ما يدري ينام بدري ر ح جب لي رسيفركم ؟! قلت وحقك قال شكل البلاْ منه قلت تدري والله وشو البلا وأروح أجيب له الرسيفر ونفس الطريقه يبدأ يرزرزه يمين ويسار ولا صار شي قلت يالعربجي انجز أذن العصر يبي يقوم ابوي ويبي يجن خواتي هالحين ولازم نقضي قال أبشر وصلنا وصلنا القمر قلت خير إن شاء الله يحسبن دبشه ما اعرف قال الله لا يهينك يا حصان جب لي ماء عطشت  قلت تراه كثرة المشاوير يالعربجي  قال تكفى تراي عطشان لا تجازي المعروف بالنكران قلت سم أنا شكيت بالوضع كل شوي كازن وأجي الوذ ورا باب السطح  ابشوف وش السالفه ولا الماخوذ قاعدن يكلم له بنقالي ؟!  أيوه أنا هطه هالحين قدام شمس يمين شوي ؟!  يسار ايوه لا ما يطلع يا كوبير ! رجع كيف رجع طيب رجع بعدين ما فيه شغل يا كوبير اثره زابنن هالبنقالي ويكزكزن علشا يكلم وأجي أدخل عليه قلت أثرك تسذا يالخسيس ؟!  قال أسمع كوبير يقول حطه على 26 درجه شرق  قلت وشلون قال أنه يقول أرسم دائرة وقسمه لثلاثين قسم وخل الشرق يبدا من 22 وإذا وصلت 26 وجه الدش لمه قلت زين والله والمطلوب يا اخ قال فحمه قلت فحمه يا كثر الفحم يبي يرسم خطه الولد ونقعد نشخط ونخطط لما وصلنا 26 ونحط الدش عليه ولا الولد مدزفي قلت يالعربجي قل ما أعرف وريحنا هالحين أنت حستنا لا قناة طالب العلم اشتغلت ولا قناة البزران اشتغلت وش الراي قال خل نجيب كوبير يازنه بـ 30 ريال بس قلت ما جبت جديد يالعربجي أنت لو أنت من أوله جايب هالكوبير تسان أرتحنا قلت جبه ويجيبه ويقعد يضحك علينا ورانا ناقلين الدش حاطين وجهه يفتح شرق قلت بلى والله من دباشة العربجي قال لكوبير ترا هالخبوبي هذا سوا سوا بدو هو سوي كذا طريق هو ما فيه مخ ويقلبه علي فشلنا عند الكوبير عاد ضبطت واشتغلت واستانست الوالده خفت عنه صجة البزران يوم رحنا نوي كوبير وجدعناو قلت للعربجي هالحين أنت تعلم علينا وإلا وش قصك قال لا والله تبي الصراحة ولا تزعل قلت إيه ؟! قال أبشوف بيتكم 7ـــــــــصان الـــــQــــــــايلــq .
__________________
وها بس يا جفنشي وش بريدة ستي بدونك هذا التوقيع اللي يبي زيه يدبل جفنشي تراو ما يقصر :)
  للتواصل |
|
|
|
29-01-2009, 02:48 AM
|
#2 |
|
ألا ليت الشباب يعود يوماًً
تاريخ التسجيل: Dec 2006
البلد: بريدة / :
المشاركات: 3,681
|
طويل الموضوع وأنا دايخ أحتاج إلى شيء من النوم
لي عودة وشكرا مقدما
__________________
|
|
|
|
|
29-01-2009, 03:04 AM
|
#3 | |||||||||||||||||||
|
عـضـو
تاريخ التسجيل: Nov 2008
البلد: بالقوايل !
المشاركات: 257
|
.
وشوله ترد وتكلف روحك رح نم أصرف لك يا عدي يكد الولد .
__________________
وها بس يا جفنشي وش بريدة ستي بدونك هذا التوقيع اللي يبي زيه يدبل جفنشي تراو ما يقصر :)
للتواصل |
|||||||||||||||||||
|
|
|
|
29-01-2009, 03:19 AM
|
#4 |
|
Bn Ibrahim
تاريخ التسجيل: Jan 2007
البلد: بريدة
المشاركات: 9,058
|
طيب متى تنزل الترجمه
__________________
. . |
|
|
|
|
29-01-2009, 03:44 AM
|
#5 |
|
عـضـو
تاريخ التسجيل: Jan 2008
البلد: بريدة ..!
المشاركات: 828
|
هههههههههههههههههههههههههههههههههه
يوم اطقـ××××ت راحت تصم فخو××× <<<(يوم اطــــ***عت راحت تصم فــ***وذهـ<<<<اقاله ماقاله الله يقطع بليسكـ ياحصان القايله تصدق للحين وحنا مافرين هالبلشه ذا وشوله الحين نفرهـ<<<<<شايب تستاهل ختم التميز <<<<مب عاقل ابوسر
__________________
سابقا .. المشمل \ سأل الممكن المستحيل : أين تقيم ؟ فأجابه : في أحلام العاجز آخر من قام بالتعديل مختلف; بتاريخ 29-01-2009 الساعة 03:51 AM. |
|
|
|
|
29-01-2009, 04:23 AM
|
#6 |
|
الباش مهندس
تاريخ التسجيل: Aug 2007
البلد: where I can live comfortably ~~
المشاركات: 5,052
|
ههههههههههههههههههههههههههه الله يقلعكم يالمهابيل قاعدن أتخيّل العربجي بالجنز ويندزل هالشاشة والعدّة , تنسييييييييييييييييييييييم بشر عن طالب العلم وش صار عليه عساااو اسفهل الله يزيده ~ موب زيّك ياهالسحاة من الدوري الياباني وأنت مدحدر
__________________
|
|
|
|
|
29-01-2009, 06:33 AM
|
#7 |
|
عـضـو
تاريخ التسجيل: Jul 2008
المشاركات: 47
|
خخخخخخخخخخخخخخخخ
هع هع هع هع هع هع لا عمرك تقمص شخصية غيرك ياأخوي ..
__________________
:052::052::052::052::052: |
|
|
|
|
29-01-2009, 07:12 AM
|
#8 |
|
Registered User
تاريخ التسجيل: Jan 2009
البلد: ماني قايل عشان مااحد يبندن !!!!!!!
المشاركات: 99
|
اصبحنا واصبح الملك لله ......
 اما الموضووع رااايق قبل الكشته >> بعلمكم انه بيكشت تسلم ياحمار القايله قصدي حصان القايله >>امزح |
|
|
|
|
29-01-2009, 11:30 AM
|
#9 |
|
عـضـو
تاريخ التسجيل: Aug 2007
البلد: حَيثُ أكُونْ .. !
المشاركات: 7,119
|
[COLOR="black"]ههههههههههه
هههههههههه هههههههههه واللــه انـــكـ هستره ياحمـــار القايلــه  تـــقبل مروري .. .[/COLOR]
__________________
http://www.buraydahcity.net/vb/member.php?u=25706 فَقْدُكَ مُوْجِعٌ يَ طيّب القلب : ( ! غفر لك يـ عبدالرحمن وأسكنك فسيح جناته .. : ) |
|
|
|
|
29-01-2009, 12:06 PM
|
#10 |
|
عـضـو
تاريخ التسجيل: Jun 2008
البلد: بريدة
المشاركات: 543
|
,
هههههههههه وااخره تصفى على كوبير ,
__________________
[FLASH="http://files.shabab.ps/store/1/1001251052377XGN.swf"]width=400 height=350 t=0[/FLASH]
|
|
|
|
|
29-01-2009, 01:20 PM
|
#11 |
|
عـضـو
تاريخ التسجيل: Nov 2008
البلد: بالقوايل !
المشاركات: 257
|
. نسيت أقولكم ترا هالموضوع تابع لمسابقة ملوك السرعة  .
__________________
وها بس يا جفنشي وش بريدة ستي بدونك هذا التوقيع اللي يبي زيه يدبل جفنشي تراو ما يقصر :)
للتواصل |
|
|
|
|
29-01-2009, 08:48 PM
|
#12 |
|
أبتاه ، فقدك آلمني ..!
تاريخ التسجيل: Jan 2008
البلد: لا إلى هؤلاء ولا إلى هؤلاء
المشاركات: 5,958
|
قسم انكم تنسيم وكمان <<< هاجتن بكم
وش جاكم يوم جت الاختبارات نزلتوا المواضيع انت والريس على العموم تسثر بس بغير الوقت متشكر أوي |
|
|
|
|
30-01-2009, 12:38 AM
|
#13 |
|
Registered User
تاريخ التسجيل: Oct 2007
البلد: سآآعوودي آآريبيآآآآ ..
المشاركات: 856
|
أبنكس لك يالفضيحة .. صدز لامنهم قالو إنك ستر عنز هماك اكاليوم تقولي والله ماأعلم أحد ..  راااجع لك راااجع لك .. بس خل أروح أرد على دريمووهــ |
|
|
|
|
30-01-2009, 01:35 PM
|
#14 |
|
عـضـو
تاريخ التسجيل: Sep 2007
البلد: في الأحلاآآآآآمـ
المشاركات: 1,057
|
ههههههههههههههههههههههههههههههههههه
أجل ماجاء على بالك إلا عربجي ! صدز الطيور على أشكالها تقع  كلكم تجمعكم الهجه  يعني هاجتن بكم أحس إنه فيه جزء من الموضوع مفقود !!  وهو يوم بدى يفرك بالدش يمين و يسار .. أكيد إنه طلعت لأخوك اللي يطلب العلم قناة الإكس إكس شسمه همن بدى يهز وسط  و مير ينتكس عقبه  أعرف العربجي زين و أعرف وشي ثقافته  حصان القايلة و الله إنك كفو كفو و بيضت وجيهنا قدام المجموعات صدز مجموعتنا ما أخذت المركز الأول عبث
__________________
~ أصعب ( حـُلم ) ذلك الذي يبدأ دون أن نعرف لـه نهايـة .؟!  موضوعي قبل الآخير ذذ .. 【ツ】●• النظرهـ الآلآلآولى لك حلآآآآل عليك .. والثآآآنية لـ إبليس انتبه يلعب عليك •●【ツ】 موآآآضيعي ذذ الآخيرات في .. 【ツ】●• دروميآآآآآآآآآآآآآت •●【ツ】تمت اضافة 5-5 بموضوع مستقل <<- موب معقول كلش ممنوع .. ايميل روابط .؟! مير راجع الملف الشخصي |
|
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
