[رابعة]

لو قلبت الادواار كاان شعرنااا بالالم والغيرة..


ورجاالنا قلة الذين هم اهل للعدل..

والان للاسف بعض البنااات عمرهاا ماكمل العشرين وتفكر بالعنوووسة ..ماعندك يقين بالمكتووب و مهماا شلتي هم وحزنتي المكتوب لك بتتزوجينه سواء اليوم او بعد عشر سنين.

وصرااحة انااا لو عرفت ان وااحد تزووج على زوجته سواء شخص او شيخ على طووول يطيح من عيني ومستحيل بعده اسمع له شي على ان البعض له اعذاار للزوااج والبعض يمشون على ماسوى النااس بنسويه وهو مااعطى البيت الاول حقوقه عشان يعطي الثااني..


والخيرة فمااا كتبه الله,,,

[كتكوته]

حلوووووووووووووووووة ذي شباب مايبون الزواج ؟؟ وبنات عوانس ؟؟ وغصب بتلفقونهن للرجال المتزوجين؟؟
عسى الرجال المتزوجين يسدون بطون عيالهم؟؟وزوجاتهم .. أجارات وفقر ؟؟؟؟والخافي اعظم..
الحل الوحيد وهو أن التجار يزوجون الشباب اللي ماعندهم فلوس و ودهم يتزوجون...
اللي يحب الخير يسوي جمعيات للشباب للي يبون الزواج مو معقولة يلجاون للحرام..؟؟ والبنات يحتدون يصيرون زوجه ثانية.؟؟

[أحن امرأه بالعالم]

اقتباس المشاركة الأساسية كتبها سامي بريدة بسم الله الرحمن الرحيم ! : واقول لك وارجو الا تغضبي اذا اراد زوجك الزواج من اخرى لا تمنعيه بل شجعيه أنا اعرف العنوسة ثم تزوجت لسوف تقولين لزوجك تزوج باختي واسترها.. .

هل معقول فيه زوجه تبي تشجع زوجها على الزواج بأخرى,,,من وجة نظري مستحييييييييل اقوله وش

يضمن لي انه يبي يعدل وحتى لو عدل( المرأه بطبعها غيوره),,,خصوصا ان فيه كثير من البيوت خربت

بسبب التعدد لأن الرجل بدأ يهمل واجباته ومسؤلياته <<طبعا لااقول الجميع فيه رجال متزوجين

وعادلين ,,,

الله يرزق بنات المسلمين

[الجمان]

اولا..وش يثبت لنا ان اللي كاتبة هالكلام حرمه؟؟
ثانيا..التعدد مهب حل للعنوسة ابدا..طيب حلينا مشكلة البنات وزوجناهن من معددين ..
كيف نحل مشكلة الشباب اللي يبون العفاف ومايقدرون لصعوبة الحياة..
الله اكبر احد ياخذ ثنتين وثلاث واحد مايحصل ولاوحده؟؟؟!!!!
ثالثا..هاللي فاتها قطار الزواج مثل ماتقول..فاتها ليش؟؟مايعقل فيه بنت ماخطبها احد..
لكن تبي رجل عنده راتب ضخم وهذا غير متوفر بالشباب هالوقت فلذلك يفوتها القطار مثل ماتقول..
ولو انها اقتنعت بشاب وظيفته محدودة كان ماصار عندها مشكلة..
رابعا..اللي يقولن عادي رجالنا يعرسون لكن بشرط يعدلون اقول يازين الكلام..
الهرج كثيير والصامل قليل..
والله يزوج رجالكن قولن آمين..
خامسا..التعدد مايصلح لوحده توها بادية حياتها..وهذا سبب المشاكل اللي تحصل بسبب التعدد بوقتنا..
تلقاها بنت وتحلم بهالزواج وبانية امالها واحلامها على هالرجل
واذا تزوجت تفاجأت انها مهب اكبر همه (وتسبده مليانه)على قولتهم زوجة وعيال وبزران وبيت وشغل
اخيرا..الحلول كثييييرة..
واذا استنفدت كل الحلول ولابقى الاالتعدد ذيك الوقت....
يحله الف حلال....

,,
تقبل مروري,,,

[ahoak2002]

ليس الموضوع تعدد أو زواج عانس هو الحل لها صدقوني هناك زوجات يتعذبن كل لحظة مع أزواجهم الذكور باسم رجال ... كان رجل معدد أو ليس عنده الا زوجة واحدة فلا تغامر البنت وتهرب من العنوسة وترضى برجل لا يقدر ولا يحترمها وفي الأخير تقول عنواستي هي راحتي وخير شاهد مطلقات يشترن راحتهن بالطلاق من أزواجهم الوحوش كما يصفن ذلك بعض الزوجات .. الحل هو الدعاء والصبر والرضاء بما قسم الله لها فالسعادة ليست بالزواج وليس الزواج واجباً إلا لمن يخاف على نفسه .. وهناك طرق إرشدنا لها المصطفى حبيبنا صلوات ربي وسلامه عليه فالصيام منها والدعاء والرضى بالقضاء من الخالق سبيل لراحتنا وذهاب همومنا من عنوسه وغيرها
تحياتي لكم

[MEHWAR]

اقتباس المشاركة الأساسية كتبها قليل الدسم واقول لك وارجو الا تغضبي اذا اراد زوجك الزواج من اخرى لا تمنعيه بل شجعيه أنا اعرف ان هذا صعب عليك ولكن احتسبي الاجر عند الله اخي بعلق على كلامك الان بمجتمعناا اللي يتزوج ثانيه يلقبونه [خاين العشره الزوجيه] الله يستر على بنات المسلمين وجزاك الله خير ~

وحاوك مره وحده تشجعه ههههههههههههـ

شي غير معقول الا من بها مشكله اي انه لا تنجب مثل بعد ياله ياله

الله المستعان

[صاحب الجوال]

والله ياهو يطيعين لاكشتنا يومين قعدن يحققن معنا

[أبو رزان]

المشكلة كثير من النساء وبعض اللي ردن على الموضوع


يقولن بس بشرط إنه لازم يعدل ,,


ولو تسألهن قالن لك إنه لازم يعدل بكل شي بكل صغيرة وكبيرة


حتى النفس اللي تنفسته عند الأوله لازم تنفس كثره عند الثانيه



تراهن يحطن شروط تعجيزية يعني بالعربي لاتاخذ علي ثانيه



والله ياعليهن تفكير ثعالب الصحراء



,,

[مدحت شوقي بريده]

هلا بالبي سامي بريده ..

يابعدي انت .. مشكلة البنات إن الوحدة ترد بتفكيره ( وعمره ) هي ..
يعني تلقى عمره من 18 الى 22 وجايك موحفة شايلتن شراااااااعة ..
وتومي بأيدينه .. وينهم عيال قريح اللي يؤيدون التعدد ..
<<((== تومي .. هذا راعي هيلوكس يبيع تمر بشارع القناة بواشنطن ..


أما كاتبة الرسااااالة تلقاه متعدية الثلاثين .. وتتمنى زوج وأطفال وبيت ..
وتقول ابي زوج لو يكون متزوج ومعدد ..
ونظرته أن التعدد هو حل لمشكلته ومشكلة من هم بسنه ..


لكن ماأظن الحل يأتي من النهاية .. الحل دائما يجب ان يكون من البداية ..
ليه البنت ماتزوجت وهي بسن الزوااااااج المعقول ..
من هنا تبداء المشكلة ومن هنا يجب ان تكون الحلول ..

غلاء مهور ..
بنات يتشرطن ..
شباب ماهم قد المسئولية ..
شباب شروطهم تعجيزية ..
وأشياء مايمكن حصره ..


أعتقد إن حل المشكلة من جذوره ومن بداياته افضل من التباكي في نهايته ..


ونسلم عليك يالبي ..



سي يو ..

[أبو رزان]

اقتباس المشاركة الأساسية كتبها مدحت شوقي بريده هلا بالبي سامي بريده .. يابعدي انت .. مشكلة البنات إن الوحدة ترد بتفكيره ( وعمره ) هي .. يعني تلقى عمره من 18 الى 22 وجايك موحفة شايلتن شراااااااعة .. وتومي بأيدينه .. وينهم عيال قريح اللي يؤيدون التعدد .. <<((== تومي .. هذا راعي هيلوكس يبيع تمر بشارع القناة بواشنطن .. أما كاتبة الرسااااالة تلقاه متعدية الثلاثين .. وتتمنى زوج وأطفال وبيت .. وتقول ابي زوج لو يكون متزوج ومعدد .. ونظرته أن التعدد هو حل لمشكلته ومشكلة من هم بسنه .. لكن ماأظن الحل يأتي من النهاية .. الحل دائما يجب ان يكون من البداية .. ليه البنت ماتزوجت وهي بسن الزوااااااج المعقول .. من هنا تبداء المشكلة ومن هنا يجب ان تكون الحلول .. غلاء مهور .. بنات يتشرطن .. شباب ماهم قد المسئولية .. شباب شروطهم تعجيزية .. وأشياء مايمكن حصره .. أعتقد إن حل المشكلة من جذوره ومن بداياته افضل من التباكي في نهايته .. ونسلم عليك يالبي .. سي يو ..

جبته يالذيب


وهذا جدول حال بناتنا ...

-------------------------------------------------------------------

- من عمر 16 إلى 20 لا تهوجس أني أبي التعدد -
- ومن 21 الى 27 يجيب الله نصيب -
- ومن 28 إلى 30 أبي واحد مطلق أو ميتتن أم عياله -
- ومن 33 إلى 36 أبي معه وحدهـ بس به طقه ( مريضه ) -
- ومن 37 إلى up أبي أي واااااااااااااااحد -

---------------------------------------------------------------------



وشرايكم بها الجدول أصلح دكتور




,,

[سامي بريدة]

اقتباس المشاركة الأساسية كتبها ام الموذي والله لو زوجي تااااااااااجر وراح يحط لي فله بأسمي ومايقصر علي بشيء... راح ازوجه ثلاث مب وحده ودايم اقوله لو اني انا رجال ماراح اصبر مع وحده بس.... اكيد ابعدد... وجة نظري ..

كلام قوي جدا يا أم الموذي
ولا يقوله إلا منصف وذو عقل راجح
من المؤكد أن الأخوات لا ترضيهن هذه الشاهدة من جنسهن
لاعتبارهن هذا كلام يطير به الهواء
ولكن أعتقد أنه من المفترض أن يكون لدى كل الأخوات هذا الرد
لأنه رد عقلي ومنطقي لو فكرنا فيه بشئ من الرويّة
(سيأتي من يرد عليك ويقول أنك لست امرأة )
شكرا لك ولردك الصريح الجرئ .

["..SWEET.."]

اقتباس المشاركة الأساسية كتبها ام الموذي والله لو زوجي تااااااااااجر وراح يحط لي فله بأسمي ومايقصر علي بشيء... راح ازوجه ثلاث مب وحده ودايم اقوله لو اني انا رجال ماراح اصبر مع وحده بس.... اكيد ابعدد... وجة نظري ..

هاههاي والله ماندري وش تسوين لمنه اعرس تلقينك تقولين ليتي ساكته وتصيحين

انا ودي كل مره تقول هالكلام يتزوج عليه رجله حتى تعرف وشلون تستخف دمه مره ثانيه

والله اعرف وحد مثلك تقول كذا لزوجه وتزوج ثانيه والحين بس تراغي ومنقهره على كلامه

ودي اشوفك لمنه اعرس رجلك ان شاء الله وش بتزينين هههههههه

وجهت نظر اسخف من السخيفه الحمدلله على نعمه العقل اول مره اسمع مره تقو هالكلام

معني شاكه انك رجل......

[•°انكسار الأماني°•]

اقتباس المشاركة الأساسية كتبها سامي بريدة كلام قوي جدا يا أم الموذي ولا يقوله إلا منصف وذو عقل راجح من المؤكد أن الأخوات لا ترضيهن هذه الشاهدة من جنسهن لاعتبارهن هذا كلام يطير به الهواء ولكن أعتقد أنه من المفترض أن يكون لدى كل الأخوات هذا الرد لأنه رد عقلي ومنطقي لو فكرنا فيه بشئ من الرويّة (سيأتي من يرد عليك ويقول أنك لست امرأة ) شكرا لك ولردك الصريح الجرئ .

هل يعقل أن يكون من رجاحة العقل قول إمرأة لو كنت رجل لفعلت وقول الرجل لو كنت إمرأة لفعلت ؟؟
تأكد أستاذ أن من يتخيل المستحيل مجنون وليس من العقل قول هذه الإفتراضات .
لن أخرجها من دائرة النساء لأنها إمرأة سعودية ولاعجب أن تقول كلام يدل على ضعفها وإستسلامها .
فقط لأنها من فئة محبات المال بجنون وماأكثرهن في مجتمعنا اللاتي يعتمدن على مرتبات غيرهن لبناء البيوت وإستقدام الخادمات .
أما فتاة لاتفكر بالمال بل تفكر بالإستقرار مع زوج لايطمح كل سنة لزوجة جديدة فلن ترضى بزواجه من ثانية .
أمثال هذه الردود تجعل الشك يراودني في كونها فتاة لم تذق العيشة الراقية في بيت أهلها ولم توفق في حب زوجها من بعد فهي ترى الرجل بنك .
يؤلمني حال أشباهها وبقوة ,, وفقها الله وعجل في تجارة زوجها ومن ثم زواجه بثلاث ثم طلاقها والزواج بالرابعة حال كبرها .

؛؛

شكراً جمان كلام في الصميم أصبح الرجل يكتبون المواضيع على لسان الفتيات كذباً وإفتراءاً .
يفكرون في النيل من العوانس وجعلهن من نصيبهم ولم يفكروا في ملايين الشباب الثلاثيين الباقين بلا زواج .
لاأعلم إلى أي سخف هبط تفكير رجالنا مع وافر التقدير و الإحترام لشخصك أم عبدالله وليس لهم .
عانس مصطلح إختلقوه من صالحهم ليحصلوا على أكبر قدر من الفتيات المغرر بهن من خلال عبارة (( أنتن عوانس ))
بوجهة نظري الخاصة أعتبر هذا اللفظ إبتزاز مؤطر بالشرع كعادة مجتمعنا الطاهر حيث مايرونه يكون شرعاً ومالا يرونه يكون كفراً بواح .

لقلوب الصادقين مشاتل ورد .

,,

[سامي بريدة]

اقتباس المشاركة الأساسية كتبها عنيزاويه برستيج نعلم جميعا ان من حق الرجل التعدد وليست هذه المشكله ولكن الشاهد في الايه(فان خفتم ان لاتعدلوا فواحده) ابن عثيمين غفر الله له وهو الشيخ العلامه عندما سئل عن عدم تعدده قال اخاف ان لااعدل فيؤتى بي وانا شقي مائل لله درك ياشيخنا ويااخ سامي اللي نشوفه هالحين الشباب العزاب اللي ماتزوجو اكثر من العوانس!!! ليه هالشباب مايتزوجون هالعوانس حتى لوكانت الفتاة تكبره بعشرين سنه ايش المانع فاذا كانو الرجال بيقتدون بالرسول عليه افضل الصلاة والسلام بالتعدد ليه مايقتدون فيه عندما تزوج خديجه وكانت تكبره بعشرون سنه فخديجه رضي الله عنها هي من انجبت الاولاد وعمرها يزيد عن الاربعين والملاحظ في الوقت الحالي الرجال يتجهون للجنسيات الاخرى ؟؟؟ يعني شي طبيعي بيصير فيه عوانس !!! طيب ليه ماياخذ من بنات الديره!!! مجرد وجهة نظر

شكرا لك أختي الكريمة مشاركتك
الشيخ محمد رحمه الله يرى ذلك لنفسه ولكن لم ينصح به
ولايقول لمن أراد التعدد لا تعدد ...

نحن لانلوم الشباب الذين تجاوزا سن الزواج المناسب لأن منهم من لا يتحمل أعباء الحياة وليس لديه قدرة مالية
ثم إن الشاب لا يضره تأخره مثل ما يضر الفتاة
وهذا ثابت بما خلق الله بهما من صفات

والشاب لايرضى بمن تكبره مطلقا

فحينها ستبقى الأخوات حبيسات أربعة جدران
لا يلتفت لهن ولا يطرق باب أهلهن

وهنا لابد أن يقبلن بمعدد بشرط الدين والخلق

ولا يحس بحرارة الجمر إلا واطيه .