[عزام وعزومه قويه]

ياخواني ليش تفكيرنا بس لليوم ليش ماتكلمون عن المؤسسات اللي تسد الشوارع عشان خرابيط

ماتلاحظون انكم حاطين دوبكم ودوب الراجحي واذا طق عود من عود قلتو ليش بريده ما ترتقي وشلون

ترتقي وانتم كل يوم والثاني كاتبين عن الراجحي ياخوان ماطور بريده بعد الله الا هو فليت دورون احد الزم

من الراجحي عشان تشهرون فيه وكانه قاعد يهدم لبريده والله ماراح يضرك اذا ديورت واخذت كم تحويله

واسف على الاطاله بس غصب انقهر اذا شفتكم تسبون احد يطور بريده الغاليه

[المتلولس]

اقتباس المشاركة الأساسية كتبها عزام وعزومه قويه ياخواني ليش تفكيرنا بس لليوم ليش ماتكلمون عن المؤسسات اللي تسد الشوارع عشان خرابيط ماتلاحظون انكم حاطين دوبكم ودوب الراجحي واذا طق عود من عود قلتو ليش بريده ما ترتقي وشلون ترتقي وانتم كل يوم والثاني كاتبين عن الراجحي ياخوان ماطور بريده بعد الله الا هو فليت دورون احد الزم من الراجحي عشان تشهرون فيه وكانه قاعد يهدم لبريده والله ماراح يضرك اذا ديورت واخذت كم تحويله واسف على الاطاله بس غصب انقهر اذا شفتكم تسبون احد يطور بريده الغاليه

كلام عين العقل الى متى ونحن نحارب رجال الاعمال كله لجل تطوير مدينتك

هم لقينه من الامانة او من قرقكم في المنتديات؟؟

تقبلواااااااااااااااااااا خالص التحية..............

[الشعبي]

تتوقعو لو فتح الراجحي على هالموضوع وشاف ردودكم وش بيكون ردة فعله وهو قاعد يخدم هالديره وصرف جزء كبير من ميزانيته الضخمه فيها
إذا فتح وشاف هالردود سب وشتم فيه تتوقعن انه بيتشجع انه يواصل تطوير مدينتنا أو بيوقف على ماصرفه فيها

تكفون فكرو قبل ماتسبون وتكتبون كلام ما لأمه داعي


وبالمناسبه أحب اقدم شكري لرجل الأعمال القدير عبدالله العثيم اللذي بدأ بفتح الأستثمار في مدينتنا

[جمراوي]

اقتباس المشاركة الأساسية كتبها الشعبي تتوقعو لو فتح الراجحي على هالموضوع وشاف ردودكم وش بيكون ردة فعله وهو قاعد يخدم هالديره وصرف جزء كبير من ميزانيته الضخمه فيها إذا فتح وشاف هالردود سب وشتم فيه تتوقعن انه بيتشجع انه يواصل تطوير مدينتنا أو بيوقف على ماصرفه فيها تكفون فكرو قبل ماتسبون وتكتبون كلام ما لأمه داعي وبالمناسبه أحب اقدم شكري لرجل الأعمال القدير عبدالله العثيم اللذي بدأ بفتح الأستثمار في مدينتنا

رجل الاعمال عبدالله العثيم اخطا في مكان المشروع لو كان الموقع ببريده لنجح اما الان اتوقع يبي يزرع بقدونس بمكانه الذي يبعد 50 كيلو عن بريده
يدور الرخيص وتبي تجي سالفة جزر البندقبه من جديد فالحذر

[زوم20]

زين خل الناس تمشي مع هالشارع وتخف الزحمه اشوي