[*بريداوي*]

السلام عليكم ورحمة الله وبركاته ..



صباح الخيرات والمسرات ..


وش اخباركم ؟.


خلوني ادخل بالموضوع .. بدون مقدمات << بتخطب ؟


المهم ..


أنا اشتريت جهاز لابتوب جديد << طيب وش نزين لك ؟


المهم وماله شهر الحين معاي من شريتوه والحين بدت الاحرف حقت الكيبورد تنمسح من كثر الكتابه .. وبصراحه اضيع بعض اماكن الحروف اللي انمسحت .. فكتبت هالموضوع على اساس ابي اعرف هل ارجع الابتوب للمحل اللي اشتريتوه منه واعطيهم الضمان واقول شوفوا وراه تسذا ؟ .. ولا بيرفضون هالشئ ؟..

واذا رفضوا الضمان مثلا وقالوا هذا من استخدامك .. وش السوات اغير الكيبورد كامل ولا فيه طباعه ؟



الله يعطيكم العافيه ..

[عبدالعزيز19المطيري]

انا اصلأ ما اناظر الحروف ابدا لا عربي ولا انجليزي ..

لأني درست بالكلية مادة طباعة وسهلة بالحيل يعني تخليك تكتب بالكيبورد بسرعة وتحفظ اماكن الحروف

انصحك بتحميل البرنامج الي هو مدرب الطباعة وحجمه تقريبا 80 ميقا كبير بس والله راائع

هذا الراي وخل الحروف تمسح بسلامته احسن علشان ما يكتب غيرك

ههههههه

تقببلي تحياتي

[*بريداوي*]

الله يعطيك العافيه اخوي ..


بس انا ودي تكون موجوده الاحرف .. عشان الابتوب يصير احلى شكل

[دندون]

رح وده للمحل وجرب...

وبعدين فيه ستكرات تنباع بالمحلات تلزق على الحروف الممسوحه.... ستكرات راح تعجبك لانها شفافه يعني ماراح يغير الألوان..

[*بريداوي*]

دندون ..



مشكووووووووور الله يعطيك العافيه ..

[كلاسيكيه]

السلام عليكم

غريبه انمسحت الاحرف معناته ردي الصنع اكيد تودينه ويشفون لك صرفه

بالتوفيق+_+

[طارق العتيق]

اقتباس المشاركة الأساسية كتبها *بريداوي* .. أنا اشتريت جهاز لابتوب جديد << طيب وش نزين لك ؟ المهم وماله شهر الحين معاي من شريتوه والحين بدت الاحرف حقت الكيبورد تنمسح من كثر الكتابه .. وبصراحه اضيع بعض اماكن الحروف اللي انمسحت .. فكتبت هالموضوع على اساس ابي اعرف هل ارجع الابتوب للمحل اللي اشتريتوه منه واعطيهم الضمان واقول شوفوا وراه تسذا ؟ .. ولا بيرفضون هالشئ ؟.. واذا رفضوا الضمان مثلا وقالوا هذا من استخدامك .. وش السوات اغير الكيبورد كامل ولا فيه طباعه ؟ الله يعطيكم العافيه ..

اعاني من نقس المشكله .! ارجو الافاده يا اخواني .