[الـصـمـصـام]

[ 4 ]

::: خراباااااات السيارة و حرص مدري منين جاي :::

كعادة الشعب السعودي غالبا أنه ما يعطي موتره وجه .. يعني شيء اسمه صيانة لا تفكر به ، و محاكيكم زود بعد .. حتى الزيت عادي يقعد قرنين و نص ما غيرته ، و لا غسلت السيارة ، و الفحمات هالحين تمن سنتين ..

يعني بالعربي : ماشين بالبركة ..

و جانا هالأخ في الله .. يبي يعدل طبعي اللي مافيه أمل يتعدل ..
عاد تصدقون ماعرفت إن السيارة به خرابات إلا منه ..! تمسك معه له يوم .. و يدقدق علي كل حزة .. و أنا أعطيه خيارات . و يششششغلن ، الصبح و الليل و النهار .. يعني مافيه فكة .. لاااحول ..

طبعًا لو ما أرد يجيك و يدق جرس الببيت .. يعني بالعربي تحجير .. و الله إني لا بغيت أطلع أزمل لشوفته لأنه بيصكن بست مية خراب <=== ثلاثة أرباعهن من العصر الحجري دارين عنهن مسوي لي فيها أبو العرّيف جايبن لي معلومة جديدة ..

و لا مني رديت عليه بالجوال بعز القايلة يقول : مدير إنتا و ين وهو يشوف موتري عند البيت .. يعني أنا وين .. أكيد البيت أقول له : أنا في بيت : يقولي إطلع برا سرعة سرعة

سم طاااااااااااال عمرك دقيقتين و أنا عندكـ

همن لا طلعت يبدا يشرح لي إنه في خراب : أنا مافي روح سيارة مافي كويس .. همن يبدا يتجطل تحت السيارة .. و يبين أتجطل معه يبي يورين المشاكل اللي بالسيارة .. فااااااااااااااااااضين قروشة حنا ..

طبعًا الرجال يبي الموتر مابه ولا طقه .. والله ياهو يحلم به بعد .. عاد صلحت اللي أقدر عليه ، أما بعض الخراابات و الله لو يموت ما صلحتهن .. ماندري وشن .. و أصلاً موجودات بكل سيارة ..

عاد أنا أقول لأمي : هالسواق لازم يتأقلم على أجوائنا بالسيارات .. يعني لازم يتعود على الاهمال بصيانة السيارة مثلنا .. مهب كل شوي مشغلنا .. سيارة خربان سيارة خربان ..

مرة جينا نبي نكزه مشوار .. قال : أنا مافي روح .. سيارة خربان <=== كالعادة يعني
كنت وقته أعطيه خيارات إذا دق و أصرفه .. ههههه الصدز بلشت به ..

يوم عيا يروح مير أطلع أشوف وش هالخراب اللي يخليه ما يروح .. و أثر به طقطقه بالمرتبة اللي ورى <==== شلدز بصل ...


بس نعمة إنه ما يقرب موتري ... من كثر خراباته ما يعرف يسوقه إلا أنا


نحتريكم الشوط الجاي ..

و أنت يالجني العبد أنت و الصباخ .. رحوا ذاكروا شاطرين ..
بس انتبهوا لا تشرون نفيخات عقب الاختبار ..