 |
|
|
|
|
16-07-2009, 07:11 AM
|
#1 |
|
عـضـو
تاريخ التسجيل: Jul 2009
البلد: القصيم
المشاركات: 15
|
صيفنا مع اهلنا تعاسه..!!
::صيفنا مع اهلنا تعاسه..!!
 السلام عليكم ورحمة الله وبركاته اخباركم واخبار الاجازه ..؟! اسمحولي بدخل بالموضوع على طول مو مني من اللي قاعد يصير لنا اقسم بالله صرت احس اني مو سعوديه من اللي يسووه فينا :: ابدا لكم بقصتنا حنا ربي انعم علينا بأبو مثل العسل كل خميس نطلع طلعه عائليه مع الوالد ... ::المهم مره طلعنا دائري بريده وهاذي قصتنا فيه نزلنا ونزلنا اغراضنا وطبعا استقبلونا بزران جيرانا بقصايد وخلوها ومن هالخرابيط اللي تصك الرأس سكتنا وشبينا ضونا وحلة الجلسه (بمعنى صارت حلوه )مادرينا الا يجينا واحد من بزران الجار اعطيه من العمر ٦ سنوات قال وهو يكلم الوالد ما(عاينت) جربوعي ابوي رد عليه بتوكل على الله تدرون وش رد؟! قال والله لا امشيك واذانك على كبوت سيارتك؟؟ سكت ابوي مو معقوله يرد على واحد كبر ولده المهم رجع البزر لاهله واستقبله اخوه وهو يصرخ بصوت عالي وش يقول رد البزر يقول نعلن الحرب ويرجع لنا قال انتم حضر سكت ابوي مادرينا الا التراب يطفي ضونا وصوت البزر يتعالي طف نارك طف نارك قام ابوي لمه قال وين ابوك انت البزر رد ابوي رايح يجيب مويه رد اخوه الثاني ابوي راح يجيب عشاء ؟؟!!سكت ابوي ورجع لنا وحنا نناظر البزران اللي اتجهوا لابوهم اللي منسدح بالسجاده ؟! قالوا يبه سألنا عنك قلنا له رايح رد ابوهم بكل رجوله احسن طبعا قمنا ورجعنا للبيت حتى عشانا ما اكلناه.. ::الخميس اللي بعده طلعنا حديقة الإسكان اللي قدام ملاهي الاسره نزلنا واغراضنا معنا جلسوا الأهل وحنا قمنا نتمشى وبينما نحنوا كذلك الا براعي سياره من ورا الشبك يلحقنا ويقول كلام عساكم ماتسمعونه صرخ بزر عمره اذا هو كبير ١١ سنه قال يكلمنا ماعليكم منه هذا انا اعرفه (ب...)مو راعي بنات انا راعي بنات سكتنا ومشينا بطريقنا وهذا اهون شي من اللي سمعناه رجعنا لاهلي قبل نوصل ختمتها بنت لابسه عبايه ومتغطيه قالت تكلمني اموت انا على الجسم اللي كذا التفت لها مو مستوعبه كلامه ياناس وربي عبايتي يدخلن فيها ثلاث بنات من وسعها سكت وكملنا طريقنا لاهلي وبينما انا جالسه وقفن ثلاث بنات قدامي ناظرت وحده اشرت لي بمعنى تعالي قلت لها وش تبغين اشرت بمعنى ابصور تدرون من هاذي هي نفسه اللي قالت اموت عالجسم اللي كذا المهم عدا هالخميس مثل غيره.. ::جا الخميس اللي بعده طلعنا منتزه الجال بالشماسيه جلسنا نلعب بالمراجيح حسيت بقصف جاينا قمنا لاهلي مادرينا الا بقصف على اهلي كمان قام ابوي حده الزمن يتفاهم مع بزران قد عياله قال ابوي عيب عليكم وش تبغون قال البزر الالعاب للبزران مو لبناتك كبار ويلعبن عليهن بناطيل الله لايخسف بنا قال ابوي عادي كلكم تلعبون جلس يهاوش البزر تركه ابوي ورجع وكالعاده شلنا اغراضنا ورجعنا .. ::ولا زلنا نردد صيفنا مع اهلنا تعاسه:: ::سؤال لكم كيف العالم تاركه اطفاله تسوي هالشي وين التربيه على الأدب حنا نجلس مؤدبين مو خوف منهم خوف من اهلي ..؟! آخر من قام بالتعديل بقايآ شوق; بتاريخ 16-07-2009 الساعة 07:16 AM. |
|
|
16-07-2009, 07:22 AM
|
#2 |
|
عـضـو
تاريخ التسجيل: Jun 2009
البلد: على أارصفة الضياع
المشاركات: 1,429
|
الله يعينكم على هذة الحياة ...
|
|
|
|
16-07-2009, 07:35 AM
|
#3 | |||||||||||||||||||||||
|
عـضـو
تاريخ التسجيل: May 2009
البلد: لاأنت وردة ولا قلبي مزهرية من خزف صدفة وحدة جمعتنا شوفي ويش لون الصدف ألتقينا في مدينة وفرقتنا ألف مينا أغفري للريح والموت والسفينة كانت الرحله حزينه .~
المشاركات: 4,896
|
ساده
من راقب الناس مات هم اختي احس كلامك في سر وفيه الغاز وفيه نوع من اممممممم لكن... الناس مو واحد واصابع يديك مو واحد ترجعون للبيت بسبب بزارين يالله لك الحمد والشكر بريدة وناسة روحو لحديقة الملك خالد الحضاري فله ووناسة ولاتنسى الملتقى النسائي مره حلووو ربي يعينكم يا......... ..
__________________
|
|||||||||||||||||||||||
|
|
|
16-07-2009, 08:06 AM
|
#4 |
|
عـضـو
تاريخ التسجيل: Aug 2008
البلد: وهـ فديت بريده واهلها ياحول يالي ماله بريده
المشاركات: 524
|
لاياوخيتي انتم ماتعرفن تصرفون ابوك ليش ماراح يصطر البزران ذولا وانتي ليه مالفعتي البنت ذي
|
|
|
|
16-07-2009, 08:12 AM
|
#5 |
|
عـضـو
تاريخ التسجيل: Jul 2009
البلد: السعوديه
المشاركات: 213
|
والله فعلا يااختي بقايا شوق الناس مو واحد والبزران الله يصلحهم تلاقين اهاليهم مايدرون عنهم ,,,,,عسى الله يونسكم ويهنيكم ويحفظكم
|
|
|
|
16-07-2009, 08:32 AM
|
#6 |
|
عـضـو
تاريخ التسجيل: Jun 2009
البلد: بسريري ابو نفر ونص
المشاركات: 212
|
ترجعون عشاااان بزااارين كبر يدس ؟؟!!!
الله يونسكم وتبقى الحيااااة حلوه بس نفهمها! |
|
|
|
16-07-2009, 12:51 PM
|
#7 |
|
عـضـو
تاريخ التسجيل: Oct 2008
البلد: الرياض
المشاركات: 854
|
إيه بنت كبريش تلعب بالمراجيح وعليه بنطلون الله المستعان
الله يهديك ويهدي بنات المسلمين |
|
|
|
16-07-2009, 01:12 PM
|
#8 |
|
Registered User
تاريخ التسجيل: Jun 2007
المشاركات: 1,897
|
ذكرتيني بجارنا اول ماسكنت جاني يقول انت زهراني خخخخخ يسمعني اتساتسي في الحتسي ويقول زهراني
يبي يحاول يفتح موضوع مو عارف يقول جارنا هو اللي يقوله قلت عمري ماتكلمت معه ولا اعرفه توهق البدوي طلع نصاب قلت له ايه انا حضري وولد قبايل يعني القبيلي لازم يصير بدوي سوالف بعضهم غريبة كانهم بيناسبون الواحد يوم ينشدون عنه مايقولون هذا صالح او طالح خخخ انت بدوي او حضري عقبة في طريق المجتمع المدني والزمن كفيل باستئصالهم فيه عنصرية في البلد ومااحد يقدر ينكر لكنهم قله فيه خراب بالبلد لكنه قليل وياشينهم وياشين عيالهم ليصاروا يتميلحون وانتم حظكم يرميكم في المكان الغلط مع الناس الغلط كل شي ولا هالبنت اللي تقول اموت بهالجسم اخسي مهيب سهلة ايش هالبجاحة في بعض الناس والجرأة حتى في الغلط وين جراتهم وبجاحتهم ماتطلع عند حقوق المواطن جيدين على الشعب المسالمين لكن مع النظام يسوونها على حالهم |
|
|
|
16-07-2009, 01:31 PM
|
#9 |
|
عـضـو
تاريخ التسجيل: Apr 2009
المشاركات: 2,316
|
ياخي سبحان الله البدو كلهم ملعن وبهم نحاسه واذا هارجت اول سؤال انت بدوي او احضري ذذذ
|
|
|
|
16-07-2009, 02:19 PM
|
#10 |
|
عـضـو
تاريخ التسجيل: Jun 2009
البلد: السعودية
المشاركات: 150
|
البنت الي قالت لك اموت على الجسم يمكن شافت بنطالك عشان كذا قالت كذا...
والبزارين الي قالوا بناتك كبار ويلبسن بناطيل يمكن يخافون على بناتهم منك .. ياكثر التيوسه بها الزمن...
__________________
|
|
|
|
16-07-2009, 02:27 PM
|
#11 |
|
عـضـو
تاريخ التسجيل: Jul 2009
البلد: ............
المشاركات: 112
|
!!!!!!!!!!!!!!!!!!!!!!!!!!!!!!!!!!!!!!!! عفوا: احس من كلامك تبغين توصلين شي ماله علاقة بالموضوع |
|
|
|
16-07-2009, 06:15 PM
|
#12 |
|
عـضـو
تاريخ التسجيل: Jul 2008
المشاركات: 421
|
لبس البنات الصغار اللي عند اهلهم صغار وهن شوي ويبلغن واجسام بناطيل وخرابيط
لبس العباه المخصرة او النقاب والجنز والفلات هذي ماراح يتكلم احد لو البنت كانت مستستره ممكن العباه واسعه مرة بس تحت استرتش ونقاب ماغزينا الله يهديهم بس هذا اللي يخلي العالم تهج
__________________
[IMG]  [/IMG]
|
|
|
|
16-07-2009, 07:09 PM
|
#13 | |||||||||||||||||||||||
|
عـضـو
تاريخ التسجيل: Jul 2009
البلد: القصيم
المشاركات: 15
|
وش من راقب الناس مات هم شكلك داخل مطفي انوارك انت اي ناس اللي نراقبهم حديقه عامه هاذي يعني اللعب انا يلعب هو شي راجع لنا وش اللي مافهمته وتحس فيه الغاز ما اظن فيه شي من كذا لانه كنت كل مانركب راجعين اكتب لكم القصه ايه نرجع البيت بسبب بزرارين مثلا عندك البدو اللي بالدائري وش بتسوي لهم اضربهم ؟؟ كان يلحقنا لحد بيتنا ويثور بابوي معروفين ذولا الله يرضى عليك الواحد مايقدر يتفاهم معكم مره كتبوا على جدار بيتنا مسك ابوي واحد منهم وصفقه من بعد اسبوع يمكن كاتبين كلام استحي اقوله يعني ولا بتنادي لهم الشرطه((عيال عمهم)) ولا عاد بزران الششماسيه معقوله بكفخ ولد كبر اصبعي ولا بعد هو كان يقولي شفتي هاذولا كلهم اعرفهم عياال الحاره كلهم مجمعهم عندنا بكفخم واخرتها بنمشي لو يكسر قزازة سيارة ابوي لو ولو ولو يعني راح تبلش معاهم بشي ونقول ليتنا ماشين احسن اجل حديقة الملك خالد شكلك كاتب وانت مارحت لها خل خواتك يروحن بس من السجاده للخيمه ناظر وش يسوون فيهن الشباب بس لانهن مامعهم ولد طيب انا ماعندي اخوان وبطلع مع بنات خالتي ماعندهم عيال معقوله نطلع ابوي وابوه معنا..!! امين وتسلم عالرد نورت الموضوع يالغلا |
|||||||||||||||||||||||
|
|
|
16-07-2009, 07:11 PM
|
#14 | |||||||||||||||||||||||
|
عـضـو
تاريخ التسجيل: Jul 2009
البلد: القصيم
المشاركات: 15
|
الغااليه اقري ردي على العضو ::قليل الدسم اتوقع سبب مقنع انه مانضربهم |
|||||||||||||||||||||||
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
