[أديل سليمان]

*

لــ هدى الجبرين


يا (هدى) لا تبكين باكـر تموتين
كلن على الميعاد يتبع ركابه

الموت حق ولا من الموت ناجين
والفايز اللي ناجين من عذابه

مير ادعي اللي له عباد مطيعين
الواحد اللي مابعد صك بابه

يغفر ذنوب اللي فقدتي تحبين
إدعيله والله سريع الإجابه

ياسعد عينه راح عمره على الزين
راح عبدالله ماأحدن جا حكى به

عسى مقره بين ورد البساتين
يالله يالمعبود خفف حسابه

والموت ما يترك ضعيف وقويين
حتى نبي الله رحل والصحابه

والموت ماشين زعيم السلاطين
اللي شيوخ القوم كله تهابه

والموت ياخذ رجال مسنين
وياخذ صغير ماهتنا في شباب

والموت ما فك الرجال الحريصين
اللي على ماقيل مثل الذيابه

والموت ماخلى الدبش والمساكين
وياخذ شجاع بلقاء ينتخى به

والموت ما خلى البنات المزايين
اللي خدوده بالدجى ينسرى به

والموت حاصل لو حلالك ملايين
ولا ضعيف ساكنن في خرابه

أحدن يجيه الموت ضربه بسكين
واحدن يموت ولا تبين صوابه

واحدن يجيه الموت بين المصلين
واحدن يشيله مغرمن بالربابه

وأحدن بطول العمر يصبح مليعين
وأحدن بطول العمر يكثر ثوابه

وأحدن حصاة موتته تسعد العين
وأحدن فقيده صالحن واسفابه

وترى الحظيظ اللي مسك سكة الدين
وراحت حياته والخطا ما وطى به

وصلاة ربي عد مايثمر التين
وإعداد ماهل المطر من سحابه


رحمك الله ياخالي ورزقك أعالي الجنان