[المتحد 112]

اقتباس المشاركة الأساسية كتبها دمعة حزين الله يعينك على سداد الديون والأقصاد ويسهل أمرنا وأمرك الصراحة ياخوي في نظري أنا أنصحك إنك تصبر سنتين لين يخلص قصد السيارة ثم بعد ذلك أنصحك إنك تشتري شقة بــــ 250000 مئتين وخمسين ألف ريال وتجلس لمين يخلص قصد الفيزا يعني سنتين ويبي يصفي لك 5800 ريال ثم بعد ذلك إذا تستطيع أن تجمع فلوسك مثلاً تصرف على بيتك وأولادك بس 2800 ريال يصفي لك 3000 ريال وتفتح لك حساب بدون بطاقة صراف وتحول فيه الباقي من الراتب اللي هو 3000 ريال و تجلس في الشقة ثلاث سنوات أوربع إذا كان ثلاث سنوات فستكون جمعت مبلغ وقدره 108000 مئة وثمانية آلاف ريال وتشتري لك أرض شمال بريدة بعد الإشارة اللي بعد كبري الراشديات على اليسار فيه سيدين يدخلن يسار ادخل معهن ثمن في هالمنطقة على اليمين مساحاتهن على خمس مئة بمئة ألف ريال ثمن تبدأ تعمر لك بيت إذا بتجمع فلوسك مرة ثانية أو تاخذ قصد بعد ما تشتري أرض بحيث تدفع من الراتب للبنك 3000 ريال وبكذا إنشاء الله بتتيسر أمورك ، وحط في بالك وفي إعتقادك إن الله بيساعدك ويعينك ، وترى ياخوي العزيز الشقة إذا صارت ملك أبرك وأزين من شقة آجار ولو سبحان الله الواحد مايدري وش يصير عليه لو تتفوى لو سبحان الله بعد عمر طويل إنشاء الله ولا زوجتك وأولادك ببيت مُلك اللي هي الشقة ما أحد يضايقهم ولايضايقون أحد وبعدين فرصتك ما دام إن عندك بس طفلين ، وترى كل هذا وأنا ماحسبت الـــ 1200 آجار الشقة . وإعذرني إن كان فيه خطأ وإن كان فيه خطأ فمن نفسي والشيطان فمن صواب فمن الله وحده . وطبعاً ترى كلٍ له وجهة نظر الله يسر أمورك وأمور كل مسلم ويطرح في دنياك وأولادك البركة . وادعلي الله يجزاك خير وش رايك عاد في فكرتي . أخوك في الله : دمعة حزين

يسر الله امرنا وامرك ياعمي دمعة حزين
والله كلامك جميل ... وفكرة الملك -حتى لو كان شقة - شي جيد
ولكن ياعم والله ان الشغلة محيرة ... يعني لو الشقة بمية الف مثلا
او ميه وخمسين كان ممكن يتحمل بس (ربع مليون ) وبشقة !!
اتكاثرها شوي ..
وحلو فكرة حساب بدون صرافة .. عشان التوفير بس لو الواحد يقدر
يمسك يده .. وشورك مبروك عن منطقة الاراضي الرخيصه شوي
بس زي ماتعرف عقارنا يااهل بريدة سنة ولاه مدبل .. لكن بيسر الله
منطقة حلوة ومعقول سعرها

فكرتك مبروكة وانت اجمل منها ... واعجبني جدا مقولة حط في بالك ان الله
بيساعدك ... سبحان الله .. فوالله لو الامل بالله .. لتكالبت علينا امور الدنيا
لكن الرحمن الرحيم موجود والامل به سبحانه لا ينقطع نعم المولى ونعم النصير سبحانه
لله الحمد حتى يرضى ولله الحمد اذا ارضي ولله الحمد بعد الرضا عز وجل


اشكر لطفك وحضورك ياعم ورايك على راسي ولا تنسانا من دعوة بظهر الغيب ولك عندي مثلها

والسلام