[* برد ودفا**]

لـم اصدق ماقيل عن مستشفى التخصصي ببريده ؟؟؟
رغم انني كنت منهم من عالم " مرضى الكلى "
كتبت انقل معاناتي الى مدير المستشفى د / يوسف المنصور اتحدث فيها عن معاناة مرضى الكلى وبلخصوص "الغسيل الكلوي " والأطباء الاستشاريين المسؤولون عن قسم الكلى الذين غيرو مهنتهم من الطب الى العمل الاداري الذي لايبت الى مهنة الطب بصله لامن قريب ولابعيد!!!!
ونشغلوا باالمناسبات والحفلات التي بدأت تزداد بشكل ملحوظ والترقيات والعلاقات الاجتماعيه وخصوصا ((الأجانـب منهـم))
والضحيه منهم ياترى ؟؟!!
لاتتوقعوا ان يكونوا المرضى بل هم الأطباء الذين من الدرجه الأخيره؟؟
اطلقت عليهم ذلك المسمى لانهم لاحول لهم ولاقوه فهم اطباء مقبمين او اخصائيين اوكلت لهم جميع المهام بلا استثناء (المرضى ومشاكلهم في غسيل الكلى والمنومين في اقسام الباطنه وملفاتهم ومراقبة وضعهم الصحي )
واحيانا المريض تطلع روووووحه التاسعه ماتكرم حضرة الاستشااااري وشاااافه
لأن حضرة جنااابه مشغول على قوولة احد الاخوه (ذبحـــتووناااا بترزز والتصووير نبي افعااااال
وانــا اضــم صــوتي لصــوووته ياااعاالم المستشفى يستغييييث
ومرضـى الكلــى المنكوووبييين يصرخووون مااانبي تحــطون كيــكه وشمووووع ورررد مجفف ويجتمع عليــه المديررر والاستشااريين يصفقوون احتفالا في اليوووم العااالمي للكلى في غرفة منسقة الغسسسيل
وكــان امفــروض ان يلتــقو بالمرضــى وينــاقشو وهم وجهــا لوجــه ويســتمعو الى شكاويهم واقترااحاتهم وبذل النصح والارشاد لما يعوود عليهم باالنفع والتخطيط للأرتقااء بمستوى خدمااتهم
مرضى الغسيل يعانووون من الاهماااااال لان الطبيب من الدرجه الاخيره ترااكم العمل على راسه وصااار يعاامل المريض دووون اي اهتماام لمــاذا يتعــب نفسه
والاستشاااري الذي يستلم راااتب اضعاااف اضعاااف ماايستلمه ذلك المسكييين تحت التككييف يتناااول القهوه في مكتبه اوفي حفله او مسافر في مؤتمر ليرتقي بسلمه الوظيفي !!!! :
امااا ماايدورر في كوااليس الغسيل حدث ولا حرج ؟؟؟!!!
لاتوجد اغطيه كاافيه ولاتغير الشرراشف عدم العنايه بتنظيف اسرة الغسيل بعد المرضى ناااااهيك عن المعااامله السيئه من المممرضااات نعــم الممرضاات اللي يصبن جاام غضبهن على المريييض المسكيين الذي لاحول له ولاقووه
ياااأهل بررريده اسألكم با الله من يعرررف مرريض كلى في الغسيل او في اقساام الترقييد لم يعااني؟.؟.؟
حتى مرضــى الكلى في الترقيد يجلس المريض يوميين ماشاااف الاستشاارري ولإذاا جاااء يجــي مستعجل لاانه مشغوول بالعمل الاداري او المناسبااات او المؤتمرررات والبعض يكلمك وهو عند الباااب واذاا اسأله المريض يجااوب بااقي الاجااابه بالسيب "الممر " وتنتهي اجاابته عند كونتـترر الاستقبااال وكــانه يقوول بلهـجة اخـوااننا السودانيين : ارجـــوووك إإععععفـنييي
آآآآآآه نسييت اقوول لكــم سبب اعداام مقاالي في مووقع وزارة الصحــه؟؟؟
لأني كـتبت مقـال وضحـت فـيه مـايحدث في عااااالمهم ففوجئت بحــذف مشااركتتي والسبب المزعووم انني لم اكتبهاااا في المكاان المخصص لشكاااوي حيث كتبتهاا في قسم الفشل الكلوي ثم جااءت رسااله مفاادهاا ان مشااركتي نقلت الى المكاان :
هكذا انتهت الرسااله
يعععنيي بيباااي
رغــم ان رساالتي كاانـت في منـتهى الاستعطــاااف
اذكــر انني خـاطبت مديـر المسـتشفى قــائله: ياحـانيـا كـن اعــطف بــهم من التي جــائت من عااالمهــم
ايســتحق مــوضــوعي الطرد والأعداااااام:

[تواصل على المحبة]

برد ودفا000هي وقفت عند غسيل الكلى بس كل الاقسام فيها الترزز000وخاصه المدراء امام الاطباء وغيرهم000يعني بلعربي انت يالمريض بنار ماراح احتاجك في حاجة لكن الدكتور احتاجه لي احد اقربي او فزعه مع احد النساء ؟؟لكن الله يرحم الحال وانت على بالك رئيس التخصصي معنده خبر بل يعلم في كل صغيره وكبيره 00الكل يعاني في الولاده والتخصصي والكل مكبر راسه شكونا على الخلق يعلم بالحال واقسم بالله انا وانت يسعودي بتراب والاجانب لهم كل حاجة طيبه اسئل احد يشتغل في المستشفيات وهو يخبرك اللي يقطع قلبك

[جـلـوكـوز]

ودي اقرأ موضوعك بس طوووووووووويل ومالي خلق

لكن ماقول الا الله يعينك >>>> احسن ان ماله دخل

[انترنت]

كلام سليم100% والناس يسمونه التخرصي ولازم رقابه على العاملين من اللاستشاري الى عمال النظافه ولازم نسوي حمله عشان الحكومه تدفع ملاين وهاذولاء الله يهديهم انا ماقول مايتعبون لاكن ياليت التعب على سنع

[إيقآع المطر ..~]

حسبي الله وهونعم الوكيل ..
فعلا هذا الواقع في هذا المستشفى << كثيره عليه كلمة مستشفى المفروض مقبره
عانت جدتي منهم الكثير .. لدرجة أنآ لا تدخل تغسل إلا بواسطه ( السبب في ذلك أنه جلست فتره بالرياض )
إلى هاذي الدرجه وصلت المذله والإهانه داخله للمستشفى لشي فيه حياة أو موت ولازم واســــطه ...
حسبي الله على من أهمل فيه واسترخص الأرواح ...

[عبدالله]

للظلم نهاية..............................

[ابو عبدالله.]

اول شي الله يشفيك يابعد قلبي

والله انك صادز شف يابيي ادفع دراهمك للحبيب وخلهم يغسلونه غسل ويهتمون بزيادهـ<<<< دعايه واعلان

الصراحه مستشفى التخصصي عيا يدخل مخي كم مرهـ جيته وانواع قلة الأهتمام يعني ماتدري وش تزين بهم ...

لكن ماقول الا حسبي الله ونعم الوكيل ياخذون رواتبهم كاملات ولا يهتمون بالمرضى والله حرام,,,

[بلبل الغابة]

والله انك صادق وماشفت شي
والدتي اطال الله في عمرها كان عندها ورم في البطن قالوا لازم نضربها ابر وافقنا المهم بدو يبطونها ويبطونها حتى تعيت كثيرا و بعد فترة انتفخ بطنها بزيادة وكذلك صدرها .المهم رحنا فيها الى مستشفى خاص واذا بي الدكتور يصرخ ويحزن . فقلت مالامر . قال ان الابر الذي اخذتها اضـرت بها حتى ان الدم متحجر في بطنها وهي في خطر كبير . ولاحول ولاقوة الابالله ولافــــــــــوق الله كل من وراء هذا التلاعب في المستشفى وهذه المهازل. حتى اني ذهبت لكي اسال الدكتور عن ماجرى واذ بي اقابل شخص لايرى الناس شئء من الكبر الذي فيه . والى الله المشتكى

[****LAMAR****]

الله يشفيك ان شاء ولاتحتاجينهم ,,,لانه مفقود الامل فيهم واوضاع المستشفى جداً مستعصيه .
الي يدخل المستشفى يتعالج كانه يتسول من الدكاتره يذلونه مذله وكانهم دافعين شي
واذا تكلم المريض قالو وش عرفك ؟
انت بس الي تشتكي ,اول مره نشوف مثلك انت مالك دخل بالعلاج << هاذي الاسئله صارت لقريبه لي مرافقه مع بنته
ووو ووو ووو ووو ...................

بس ما اقول غير الله يشفيك ,, وعلى فكره ترى الواسطه تنفع بالمستشفى اكثر من رسائل الشكاوي لان الرسائل مصيرهن الزباااااااااااله (كرم الله السامعين)

[بنت الشيخ]

كلامك صحيح 100%

الله يكون بعون مرضى الكلى

انا كنت مرافقة لوالدتي رحمها الله رحمة واسعه واسكنها فسيح جناته

لامبالاة بالمريض ..قلة النظافة.....قلة الممرضات

اللهم اشفى مرضى المسلمين

[قضايا شائكة]

الشكوى لله ..

يعني المستشفى يبيله مستشفى.