[نجدية حرة]

اقتباس المشاركة الأساسية كتبها بودرة نونو نجدية ياقلبي .. جاني نفس شعورك بالضبط .. بس الحمدلله سحبت نفسي من هون .. وصرت اسير كل اسبوع عشان اضحك على تخلف البعض .. البعض وليس الكل .. نصيحتي لك .. ارجعي لمنتديات الذوق والعقول الحكيمة .. لاتعبين نفسك .. وابشرك .. ترا في طبقة كثيير من مجتمع بريدة .. راقي و..ذوق لاتحبطين ... بس انهم .. مثلي .. ومثل الكثير تركو المنتدى .. لاصحاب العقول المتأخرة للاسف .. رغم وجود اعضاء راائعين .. لكن اللغة السائدة هي للهمج والمتخلفين وعقليات مفتونة بااي شي اجنبي اللهم لاشماته !! اجل كبيرة اللي عمره 25 .. وانت ياابو 29 ؟؟ صغيروووون؟؟

ياحبيلك يابودرة نونو اخيرا حصلت احد عنده نفس شعوري شكيت بعمري والله!!
بس والله اني قاعدة احرق دمي واعصابي ومحد حاس فيني!!
على قولة زوجي كل مالمح بالصدفة وشافني فاتحة المنتدى يقولي لا تعبين نفسك ماراح يتغيرووووون !!
بس مدري ليه صار عندي زي الادمان عليه ماقدرت اخليه ادور وارجعله رغم اختلافي الجذري مع قناعات كثير من الاعضاء! يمكن روح المنافسة والاصرار عندي قوية او الموضوع عناد مدري وش السالفة بصراحة؟!

[بودرة نونو]

اقتباس المشاركة الأساسية كتبها نجدية حرة ياحبيلك يابودرة نونو اخيرا حصلت احد عنده نفس شعوري شكيت بعمري والله!! بس والله اني قاعدة احرق دمي واعصابي ومحد حاس فيني!! على قولة زوجي كل مالمح بالصدفة وشافني فاتحة المنتدى يقولي لا تعبين نفسك ماراح يتغيرووووون !! بس مدري ليه صار عندي زي الادمان عليه ماقدرت اخليه ادور وارجعله رغم اختلافي الجذري مع قناعات كثير من الاعضاء! يمكن روح المنافسة والاصرار عندي قوية او الموضوع عناد مدري وش السالفة بصراحة؟!

>> >> نجدية ياعسل طنشي ... وعيشي واحمدي ربك ان اللي حولك متفهمين ومثل عقليتك .. تخيلي لو كان زوجك من عقليه هولاء !!
الله يسعدك ويوفقك .. ويسعدني تعقيبك ...

[قناعتي سعادتي]

البركه مقدما ........
والله ياخوي بالنسبه لعمرها مررره مناسب لك ولاهي كبيره بالسن حراام عليك صغيرره وهذا العمر المناسب للزواج وتحمل المسؤليه وعاد انصحك بالاستخاره وتوكل على الله الله يوفقكم ...

[مغيب الشمس]

الله يوفقكم ويجمع بينكم بخير

استخر اخي وتوكل على الله انا ارى ان الفتاه اذا كانت اخلاق ولا فيها عيب الا ان عمره 25فهذا خطا تفكر تلغي زواجك
لانه تناسبك العمر بينكم جدا مناسب انت مو عمرك 27او26لا اكبر منها باربع سنوات اواكثر يمكن انت حاط ببالك تاخذ عمره عشرين واحدوعشرين عشان كذا حاس انها كبيره ولا هي بالنسبه مناسبه مره وصغيره

الله يوفقكم ويسعدكم

[برنسيسهـ]

بصـــــــــرآحه قمة في التخلف !! للاسف موضوع طول وعرض ونقاشات عشان شي مايستاهل

بأي زمن حنا !!

العمر والله ضحكتني شكلك جاي من كوكب آخر 25 قال وانت 29 وين الغلط ؟؟

من الاخر انت مو كفو زواج ولاتتحمل مسؤلية التفكير حتى بموضوع يخصك ,,
ع العموم نصيحتي اذاقررت اطلب من الاداره حذف الموضوع لاتفشلنا ..


قسم بالله الشعب الوحيد المتخلف في العالم والجاهل بامو ر الحياة ..
والدليل نسب الطلاق !!
* انصحك بقراة الكتب عن الزواج ومسؤلياته
وعدم التركيز بالتفكير الهمجي المتخلف
وسلملي على امك عساها بالجنه ماقالت لك لانها اعرف بولدها وجهله ..

[المبتسم1000]

اتوقع يكون فيه زواج ان شاء الله >>>>> شكلك تحبه >> واضح من عباراتك <<


ان شاء الله تولدو وتعيشو بهنا .. وتجيبو بيبي .. صغير .. مثل امه ..

[anooda]

اقتباس المشاركة الأساسية كتبها على بركة الله أخي الفاضل .. نسيت أن أخبرك بأمر مهم جدا .. وهو كذلك لك وللشباب ( ويرجى من الفتيات عدم القراءة ) .. هناك قاعدة ذهبية جدا لمعرفة السن المناسب للزواج .. وهذه القاعدة تنطبق تماماً على الواقع .. فيقال أن أنسب عمر المراءة للزواج أن تقسم عمرك على اثنين وتزيده أربع سنين الناتج يكون هو العمر المناسب للفتاة لكي تكون زوجة .. مثلا رجل عمره 26 عاماً ÷2= 13 +4= 17 عام هو عمر البنت المناسب .. رجل عمره 40 عام ÷2=20+4=24 عام رجل عمره 18عام ÷2= 9+4=13 عام هو عمر الفتاة المناسبة .. هذه القاعدة تكاد تكون منضبطة بدرجة كبيرة .. وللمعلومية أيضا فالبنت تحمل جمالين .. الأول جمالها الحقيقي .. وهذا يتفاوت بين فتاة وأخرى .. وهناك جمال الشباب أي الجمال الذي يكون في فترة شباب الفتاة منذ بلوغها وحتى العشرين أو قبله .. فهذا العمر تحمل فيه ( كل الفتيات ) جمال الشباب والمقصود به الغضاضة والرقة .. لكن هذا الجمال لا يدوم طويلاً لأنه في فترة الشباب فقط ..وهي الفترة المذكورة أعلاه .. وكلامي عام لا يخصك حالتك .. فهناك بعض الفتيات تستحق الزواج حتى لو عمرها 40 عام لأنها تحمل عقلا راجحا وجمالا ومن نسل كريم .. لكن هذا كلام عام للفائدة فقط .. وأما البنات اللاتي عندما يأتي الخاطب وهي في عمر 18 أو أقل أو أكثر وتقول لازلت صغيرة وتريد الدراسة .. فدعوهن للمسيار والمسفار والعنسة..

اجل نصف عمر الزوج +4 سنوات
عز الله اخذنا شيبان

بس اسمح لي اخي الكريم كلامك مافي ولا واحد بالمية من الصح
تقريبا تقيربا كله غلط بغلط

[رمانسي]

ماتدري وين الخيرة فيه

[الورد الابيض]

1000 مبروك مقدما

مناسب جدا ً

الله يوفقكم حياة سعيده باذن الله

[الوزير الفدرالي]

وشوله تتزوج !!!!

أقصد غريبة من عمرك انت كبييير ,, لكن من كلاااامك مع احتراماتي أنت موب جااهل

لكن قريب من الجهل ,,

عمرك انتصف وجاي تسائل الاعضاء وش اللي يناسبك ..

لو أنت تسأل عن سياره , أثاث , ساعات , عطورات كان ( بلعناه )

لكن جاي تسأل عن زواج وعيال ومسؤلية

نصيحتي أنتظر لين يصير عمرك 50 وفكر بالزواج أحسن لك ولبنات الناس