 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
12-11-2003, 03:09 PM
|
#1 |
|
عـضـو
تاريخ التسجيل: Sep 2002
البلد: UK
المشاركات: 1,683
|
صور الجامعة آخر يوم ( حقائق - غرائب - طرائف ) اشبعوا صوررررررررر
السلام عليكم ورحمة الله وبركاته..
أسعد الله مساءكم بكل خير.. ذهبت اليوم إلى الجامعة >> مهب جود بي بس أبتفرج.. قلت يابو الشباب خذ الكميرا يمكن تلقى شي ويعجبك .. قلت يالله توكلنا على الله المهم ..يوم وصلت الطريق اللي يدخل الجامعة من ورا قلت هذا أول ما نبدا به طريق الحوادث والله من واحد وواحد قلب به وهذا هو :  ( على فكرة كل الصور لم يستخدم فيها الفلاش لأني بصراحة بازع وخايف يشوفونن وبعض الصور أيضا غير واضحة بسبب أني أبعد الكميرا قبل التقاط الصورة كاملة >> شغل الخواف .. لاتلومونن وتحملوا التحميل ترا الصور كثيرة : أكثر من 20 صورة ) يوم دخلت الجامعة فركت عيوني قلت هاه وين حنا فيه ؟؟ لايكون اليوم خميس ؟؟ لا والله اليوم الاربعاء قلت يمكني جاي بدري ناظرت ،، لا والله متأخر بعد خمس دقايق المهم .. الجامعة قاع صفصف لاترى فيها إلا بعض السييرات المتناثرات مني ومني وهذي الحال :     وأيام العادة تعال دور لك محل.. افلقن ان لقيت كككككككككككل المواقف اللي تو مليانات عن بكرة أمهن .. المهم شقت خاطري هاليتيمة وحطيتها :  مريت على الأسياب ... ماش ماعندك أحد فااااااضية :  دخلت بعض القاعات لقيت الماصات والكراسي يصيحن ما عندهن أحد:  وأول الغايبين :  ولقيت في حدا السبورات خبر يقول :  وآخر يسدي نصيحة:  وآخر رفع ضغطي بكتابته اللي قعدت أحلله نص ساعة ياااالله فهمت قصده ناظروا واحكموا :  وآخر يقول إن الأمر دبر بليل :  صحيح والله ناس مجتهده جاية تطلب العلم الله يخلف بس .. بعدين قلت خل أروح أشوف وش عند الدكاترة والباشوات دخلت أحد الأقسام ووجدتها فااااضية لكن تبون الصراحة مايلامون لأن الوقت الساعة 10 يمكن عندهم محاضرات بس أرجع وأقول كيف عندهم محاضرات والقاعات فاضية .؟؟؟ إلا هم نايمين بعد والدليل المواقف اللي بنحطهن بعد شوي :  مريت على مكتب العميد لقيت مدير المكتب زي الربع .. بس علشان ما نظلمه هو جاء بعد الساعة عشر >>>> أححوووول الرجال قاعد يحضرهم .. وما أدري هو دوامه من تسع ونص أو عشر:  وايضا : إذا كان رب البيت بالدف ضاربا ... فشيمة أهل البيت كلهم الرقص :  بس لانظلمه بعد لأنه جاء الساعة عشر و27 دقيقة >> ما قلت لكم محضرهم ؟؟ *** بعدين قلت : ختامها بصل خل نشوف التنابل اللي ينامون ( عمال النظافة ) محذا يهزون روسهم بالبهو عند المراوح والقاعات وسخة والغريب إن أحد رؤساء الأقسام عيا عليه العامل ينظف غرفته ببداية الترم إلا بخمسين رياااااااااال !!!! عموما اللي تحت غدوا عن بالي لكني صورت بعض اللي فوق صورتين وحده مهيب واضحة والثانية أوضح شوي خبركم اللي خايف وشلون يصور والحمد لله ماطاح بي العامل والا كان كوفنن :   بعدين نزلت لمواقف المدرسين قلت خل نكون على بينة ولقيت التالي :   بعدها حبيت أسير على المسجد وللأسف وجدته مغلق (رمضان كريم ) :  وفي النهاية رأيت رسالة من الجامعة لعموم الطلاب تقول اذلفوا ممنوع الدخول خروج فقط :  ولكم تحياتي .. هذا الموضوع للتسلية .. ولعله أن يكون فيه بعض النفع .. أرجو منكم إبداء رأيكم نقدا أو موافقة .. والسلام عليكم
__________________
Behind every successful man, there is a woman
And behind every unsuccessful man, there are two. |
|
|
12-11-2003, 03:24 PM
|
#2 |
|
عـضـو
تاريخ التسجيل: Feb 2003
البلد: اللهم الــجنة
المشاركات: 1,135
|
رهييييييييييييييييبه
والله رهييييييييييييييييبه المفروووض تاخذ جائزه بس مااراد الله تمر على قاعتنا يقهونك الربع طبعنا مب الطلاب . الجن حقين قاعتنا هم اللي فالييينه هناك اليوم حاطييين عزيمه لعيال عمومتهم .
عموما والله انك برزت بذي عاد
__________________
اللهم أرحم موتانا وموتى المسلمين .. اللهم انر قبورهم واغفر ذنوبهم , واجمعنا بهم مع الذين أنعمت عليهم من النبيين والصديقين والشهداء والصالحين ,, |
|
|
|
12-11-2003, 03:30 PM
|
#3 |
|
عـضـو
تاريخ التسجيل: Feb 2003
البلد: اللهم الــجنة
المشاركات: 1,135
|
والله انه يعتبر احسن موضوع مر علي اليوم
كفو يالذيب وشو سعفه وشو مرصاع . الحقيقه انك رق4يت القمه اليوم كفو والله
ميمو ... ميييمو .. ميييييمو .... ميييموووووووووو ميموووووو . مييموووو . اوه اوه . 
__________________
اللهم أرحم موتانا وموتى المسلمين .. اللهم انر قبورهم واغفر ذنوبهم , واجمعنا بهم مع الذين أنعمت عليهم من النبيين والصديقين والشهداء والصالحين ,, |
|
|
|
12-11-2003, 04:04 PM
|
#4 |
|
عـضـو
تاريخ التسجيل: Sep 2003
المشاركات: 83
|
والله حركات حلوة ...
شكلك فاضي..
__________________
almtfjr@hotmail.com 
|
|
|
|
12-11-2003, 05:39 PM
|
#5 |
|
عـضـو
تاريخ التسجيل: Aug 2002
البلد: بريدة
المشاركات: 1,719
|
والله انك فنان
ما شاء الله عليك كبيت عشاهم وبيني وبينك سألت حدى الشباب رحت للجامعه السبت؟ قال ايه وانفقنى الأحد ما احد يجي الوعد بعد العيد!! يوم رحت الأحد ومريت على قاعته واثر الدعوى نكبه والأثنين والله مثل لاكن الله يخلف
__________________
اللهم اهدني قل امين |
|
|
|
12-11-2003, 07:11 PM
|
#6 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
أخس عليك يالمخرج
ممتازات
__________________
|
|
|
|
12-11-2003, 07:32 PM
|
#7 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
================================================== =========================
خياااال خيااااال
تبتل تقول خيال بس يا ألبهم كلهم انتااااا هالصور وراهن كبااااار أعلمك كمرتك بحومة لازم تصور كل الي قباله :D:D يا حبيلك شف /// النوبة الثانية لا صورت حاول تصور كثااااار علشان تختار الزينة منهن وتختار الي منورة مهب الي بضلام أما الصبورة والله ياهي صياح هههههههههههه يا حبيلك يا أم ميو يسلم لي على هيك صور وشو سعفة عندك يا ألبي هين أنا صايرن كرتون من تالي عندكم بس عاد غطيت على كل المصورين فيذا المنتدى <<< ولا حرف الهرج تعيش المنافسة بين المرصاع وميمو ولا أنا خلون احتياط  :D:D:D/ـ/ـ/ـــــــــلام
__________________
 |
|
|
|
12-11-2003, 07:35 PM
|
#8 |
|
عـضـو
تاريخ التسجيل: Dec 2001
البلد: مدغشقر
المشاركات: 1,317
|
عاشت ايامك عاشت ايام الصور الهبااااااااال
وش سعفة وش يصير عندك بائيس ياهومااااارة<<< تكرونية تزاعق بالحرم :Dالله يسلم كمرك المهبووووولة والله ياهي على ماقال سعفة مشفووووحةٍ بحومة تصور كل الدنياااااااااااااااااااا اما الهنوود ههههههههههههههههههههههههههههه والله من التصفييييييير سعفة ياشيص نخلتنا رد على الرسايل الخاصة اللي جنك بامان الله خلف شيص نخلتنا
__________________
^&)§¤°^°§°^°¤§(&^ياحول يااللي ماله بريدة^&)§¤°^°§°^°¤§(&^ |
|
|
|
12-11-2003, 07:48 PM
|
#9 |
|
عـضـو
تاريخ التسجيل: Mar 2002
البلد: هنـــــــــــــــــــــا
المشاركات: 2,712
|
هلا البي ....ميمو ....
بصراااااااااااااااااحة .....تحقيق اكثر من رااااااااااااااائع ..... منتب سهل يا البي ...... تحياتي لسعفة ....خخخخخخخخخخخخ لك كل الود محبكم
__________________
فلاش والله لن تندم إذا رأيته [/COLOR][/c] اللهم احفظ البلاد والعباد ....... اللهم احفظ البلاد والعباد........ اللهم احفظ البلاد والعباد........ MOHIBKM@HOTMAIL.COM 
|
|
|
|
12-11-2003, 09:07 PM
|
#10 |
|
عـضـو
تاريخ التسجيل: Sep 2002
البلد: UK
المشاركات: 1,683
|
السلام عليكم /
شكرا لكل من شحط .. والله يا أنتم تخلون الواحد ينابط من الربشة .. أخوي الظاهر بيبرس / تسلم والله ياخلفهم تصدق بغيت أطلع أفحط عقب هالشحط والتشجيع يعيش الظاهر بيبرس .. والله انك رهيب ( بس لو ماقتلت المظفر قطز كان تصير أحسن واحد هههههههههه ) إلا أقول وين قاعتكم عشان ببداية الدراسة أروح أتقهوى مع ربعكم شكلهم يوسعون الصدر .. عشت..
__________________
Behind every successful man, there is a woman
And behind every unsuccessful man, there are two. |
|
|
|
12-11-2003, 09:12 PM
|
#11 |
|
عـضـو
تاريخ التسجيل: Sep 2002
البلد: UK
المشاركات: 1,683
|
حبيب القلب أبوس ..
تسلم والله .. ووين البحتري عنا الله يبعده عن موضوعنا ولا يبعدك عنا والا الجامعة مثل ماقال بحتوري ( دلع البحتري ) عمرت وقت رصد الدرجات فقط.. تشكر على مرورك ياأجغف..
__________________
Behind every successful man, there is a woman
And behind every unsuccessful man, there are two. |
|
|
|
12-11-2003, 09:19 PM
|
#12 |
|
عـضـو
تاريخ التسجيل: Sep 2002
البلد: UK
المشاركات: 1,683
|
المتفجر عساك ماتنفجر... والله ياألبي لو مانيب فاضي كان ماصورت
شكرا لك أخوي أبو مالك/ والله هالأيام الخيانات لابد منها خصوصا من بعض اللي يقعدون قدام عشان يطقونها علاقة مع الدكتور وهو محذا يدربي الدميجة تشوفه مع الشباب طالع .. ماتاخذ لك لفة وأنت راجع إلا وهو متنبل بالماصة.. ونهاية السنة تلقاه دبشة صقعا ما عنده ما عند جدتي شكرا لك على مرورك المنخرش / الله لا يخرشك إلا بخير والله يانت منتب صاحي بالشحط أخس صرت مخرج مرة وحده؟؟ شكرا لك على دورياتك قصدي مرورك
__________________
Behind every successful man, there is a woman
And behind every unsuccessful man, there are two. |
|
|
|
12-11-2003, 11:29 PM
|
#13 |
|
عـضـو
تاريخ التسجيل: Sep 2002
البلد: UK
المشاركات: 1,683
|
تنبيه : بعض الصور فيها البريد خاطئ والصحيح m436m@hotmail.com
مستر سعوفي / حبيب ألبي الصور أنا مكبرهن وش دخلك إذا حطيتهن أنت حطهن صغار وإلا أنا بكبرهن خلاص؟؟ بعدين لاتعير صوري وتقول بحومات .. البحوم جابته أمك ثانيا: الصور مصورهن وأنا أتلفت لايتصن واحد مع الرقبة وشلون تبيني أخذ أكثر من صورة ثم أتخير منهن .. صح عندي صور كثيرة للمواقف والجامعة من برا بس عادية البلا وقطع الأرقاب بالداخلي .. عرفت يا سعوفي والا الظلما وش نسوي بدون فلاش إلا يخب ويخبن.. ثالثا: مستر خوصة ، والله يا كلامك أحيانا يبي له قاموس حتى يفهم .. ياخي اخلط بكلامك كلمة بالفصحى لو انها خاطمة..>>> مطغيني زين هرجي والا تبي أحسن اقتراح : نخلطك أنت وأبوس وتصيرون دوا مامثلكم.. وش رايك أخيرا ياعزيزي / الأصل هو اللي يبقى دائما صح أننا مهب كراتين بس الحمد لله نمشي أرواحنا عشت
__________________
Behind every successful man, there is a woman
And behind every unsuccessful man, there are two. |
|
|
|
12-11-2003, 11:33 PM
|
#14 |
|
عـضـو
تاريخ التسجيل: Sep 2002
البلد: UK
المشاركات: 1,683
|
شيخ بريدة
مرحبا بك.. ياخي شوي شوي علينا.. ترانا ننشحط.. راجع ردي على سعفة للاختصار... وخلوا هوشتكم برا ههههههههه شكرا لك محبكم أهلا بك.. شرفتنا.. ياألبي والله وصار تحقيق .. أثري منب سهل شكرا لك على تشريفك
__________________
Behind every successful man, there is a woman
And behind every unsuccessful man, there are two. |
|
|
|
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
