 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
13-09-2009, 04:11 PM
|
#1 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
الأتصالات السعودية (وانتم بكرامه) فرع الشمال .. مهزله مابعدها مهزلة (صور)
السلام عليكم ورحمة الله وبركاته
صباحكم / مسائكم عسل اليوم حصل موقف غريب بعض الشي ,, ففي صباح هذا اليوم وكما هو معروف الانترنت عندي ,, عطلان من 3 رمضان والأتصالات (كل يوم ياحمد بكرا) وكل يوم رفع بلاغ وطلب فني .. لكن ماحولك احد ولا حياة من تنادي على العموم أنا ماراح أقص لكم مأساتي لهذه الفتره ال 20 يوم بلا راحه وحياة أصعب ذهبت وشريت بطاقة موبايلي كونكت ولكن للٍف البرج بعيد عن جداً ولا يدعم 3G وكل هذه 20 يوم كنت أحاول بطريقة أو بخرى لإرجاع الانترنت لكن الصباح ,, حدث أمر غريب وغير متوقع فكيت جوالي طلعت شريحتي .. وهي من الاتصالات السعودية .. وأنتم بكرامه دخلتها بالكونكت طلع طيارة يدعم 3G وبسرعه أنقز لم الأتصالات السعودية وانتم بكرامه وكل من يقرأ ذهبت لفرع الشمال اللي بجانب جرير  ذهبت وشفت مهازل وصلت مع أفتتاحهم الساعه 10 إنتظرنا انا والمراجعين حتى 10:15 دقيقه دخل الموضف الأول وطلع فوق (طبعاً الدور العلوي إيقاله للمؤسسات والدوائر) بس ماحولك أحد دخل الموظف الثاني.. مبرووووووووك أخذت رقم من الاله وجلست .. شوي ويناديني الاستقبال ,, وكأنه يهوش علي  ==>> والله طلعنا حشرات بآخر عمرناقال المكينه خربانه خذ رقم من عندي أنا أستلمت رقم من عنده وانتظرت ,, مملت من الجلوس والانتظار واللخبطة الي صايرة أنا أقولكم وش اللخبطة ,, أولاً / المكينه خربانه وعشوائية الدعوا والمشكلة حاطين عداد فوق كل كاونتر على الفاضي أنا طلبت شريحة برود باند قالي الاستقبال عب نموذج ولا عنده قلم للأسف نتناوب على قلم ناشف واحد للأسف الشديد جاء واحد بعدي وسحب من المكينه العطلانه وانا أنبه الناس انها خربانه صرت موظف عندهم الله يخلف يعني لو واحد سحب رقم غلط ,, خلوا يرعى مالقوله بال (مثلي) الشاهد انتظرت 30 دقيقه ,, والرقم مامشى رحت أسأل الاستقبال قالي ,, وش تبي؟ قلت ابي برود باند قال عب النموذج قلت معبيه خذ ,, أخذه مني وقالي وش اسمك انا لو أدري وش خانت النموذج اللي عطيته قال وش الخدمه اللي تبيها قلت ياخوي كل شي بالنموذج رد علي وقال طيب و الباقه ..؟ دلخ نمرة واستمارهقالي 75 ريال.. عطيته البطاقه قال خربانه الصرافه رح لصرافه البلاد لاحول ولاقوة رحنا لصرافه البلاد قلتله طيب اشحنها ب100 قال خربان الشاحن رح للبقاله واشحن قلت للموظف .. ليش ماتفتحون فرع بنشر.. ولا سمكره .. كلشي عطلان عندكم سويت اللي يبي وانتظر 30 دقيقه ثانيه واشوف الرقم مايتغير رحت للموضف وقالي رقمك غلط خذ رقم جديد  قلت يعني أبدأ من جديد ؟ قال الشكوى لله رحت أبكلم احد وأشوف هاك اللوحة الرائعة  هذا رقم الشكاوي وانتم بكرامه دوامهم من 10 الصباح حتى 4 العصر وطول هذه المدة مشغوووووووووول ياليت وانت تقرأ الموضوع دق على 8002444455 أتحدى أي شخص يقولي انه رد علي ولا على الأقل مسك الخط معاه انا مره دقيت ورن استغربت واثرنا الخميس الخميس والجمعه إجازة هذولا يبي من يشكيهم حقين الشكوى من تاريخ 5 رمضان وحتى هذه اللحظة وانا أتصل على الرقم يومين في ايام الأسبوع ومشغووووووووووووووووووووووووووووول ارستل فاكس وارسلت ايميل ماحولك أحد ,, الشاهد ماعلينا شفت اللوحة وازدادت حقد  رحت داخل ابي أكلم موظف او مسؤول شوفوا للأسف وش شفت  هذا مكتب عملاء التميز .. أعزكم الله ,, فاضي من يوم جيت حتى طلعت مافيه أحد وأنا إيقالي من أحد عملاء التميز للأسف رحت للموظف ابكلمه واشوف عنده زحمه هوشات ==>> ايقالي جاين أبهوش مادريت ان قضيتي تهون عندهم من ضمن الهوشات اللي سمعت الأول/ شريحتي مطلعها من اسبوع .. ولم يتم تفعيلها ,, ليش وش اسوي مليت الثاني/ طلعت شريحي من يومين وتفعلت لكنها استقبال فقط وش الحل؟الثالث/ انا من شركة الفلان .. مهزله تصير فوق في كاونتر 8 وكل يخطم على الثاني الرابع/ ياخوي ليش هالتأخير ,, 8 مكاتب وكاونترات مافيه فقط إلا مظف تحت وموظف فوق فقط ؟ ليش؟ طبعاً نا سحبت نفسي وخطمت على طول على بعض الشباب لأني شفت الدعوى خطم وخطيم وقلت للموضف ابي برود باند قال لحظة ودخل المخزن يبحث ويدور فلان وين شرايح برود باند خلصن لا باقي وحده وصارت من نصيبي الله يخلف على هالشركة .. لما جيت أستفسر عن طريقة التفعيل وزي كذا قال الموظف أسأل الاستقبال وقام بسرعه ==>>> شكله حسران شوي ويرجع وقالي افتح الكرتون واقرأ التعليمات كل شي واضح خلاص توكل على الله يعني بالعربي مهب فاضي يعلمني الطريقة آآخ بس لكن المثل يقول إذا كانت حاجتك عن الكلب .. قله ياسيدي مقوله رائعة يُقال أن اليهود أنقسمت إلى قسمين القسم الأول/ بنوا قريضة القسم الثاني/ الأتصالات السعودية (وأنتم بكرامه)
__________________
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي