[شبيه نايف]

احترامي ... أهم شي الوطن في المقام الاول ومصلحته وبعدين ما تفرق لو نقلنا الدوائر الحكومية من مدينة الى آخرى ما دام هناك مصلحة

اكل الميتة وشرب الخمر محرم في الدين لكن وقت الضرورة جائز

ذي الدرعية كانت عاصمة المملكة والآن الرياض .. ليش ما زعلوا اهل الدرعية ينقلون الدوائر الحكومية عندهم

واذا على وظائف لآهل بريده وش افرقت دوام في بريده والا عنيزة .. به مئات بل الالوف يدوام من 60 الى 200 كيلو عن الرياض

أن معك في ان نقل الدوائر بسبب بعض الحرج لآهل بريده .. لكن ما المانع لا كان النقل بيرتاح المواطن والموظف وتقدم الخدمه على أكمل وجه


متفائل احترامي لوجه نظرك واشكرك على حصرك على بريده واهلها وكلن له نظرة ولك نظرة احترمها

شبيه نايف ؛؛ نواف ؛؛

[شبيه نايف]

اقتباس المشاركة الأساسية كتبها متفائل جدا اخي وحبيبي الميدان الجامعه التي اعني وجاري التحضير لها هي جامعه عنيزه >>> غير جامعه القصيم طبعا لو تسال اي واحد في جامعه القصيم علمك طبعا لها ارض كبيره ومدينه جامعيه في الجنوب من عنيزه نواتها حاليا كليه الطب بعنيزه وبعض الكليات التي ستفتح بالتدريج <<< ماقصر العطيه واحنا نايمين بالعسل اخي الحبيب وقرينه على ذلك وسبق طرح اعلان بجريده الجزيره بعنوان جامعه عنيزه <<< ولم يحصل بعدها تصحيح للخطا بالاعلان تحياتي الغاليه

سؤال كل ذا حسد لعنيزة أن بيفتحون بها جامعه وان بعض الدوائر نقلت لها

المسافه قريبه بين بريده وعنيزة حنا نقطع دبلها مرتين يوميا 100 كيلو ولا تغير فينا شي

صحيح من بريده وديرتي وديرة اهلي وبني عمي .. ولكن تصل الدرجة الى ان اطالب بجامعه في بريده عشان عنيزة لها جامعه والا اقول ليه بمدينه او حتى قريه تفتح بها جامعه وحنا لا

يعني لازم تفضل بريده على عنيزة في كل شي


لو الدعوة مقارنة نفتح في الرياض جامعات ما دام اهل المناطق تحضر تدرس في الرياض وليه نفتح جامعات في مناطق المملكة ماله داعي

[الصباخ]

الحقيقة أنني أرى أن أهل عنيزه يعملون حثيثاً لخدمه مدينتهم، على عكسِ بعض أهل بريده الذين لا همّ لهم إلا مصالحهم الذاتيه.

[الميدان]

اقتباس المشاركة الأساسية كتبها متفائل جدا اخي وحبيبي الميدان الجامعه التي اعني وجاري التحضير لها هي جامعه عنيزه >>> غير جامعه القصيم طبعا لو تسال اي واحد في جامعه القصيم علمك طبعا لها ارض كبيره ومدينه جامعيه في الجنوب من عنيزه نواتها حاليا كليه الطب بعنيزه وبعض الكليات التي ستفتح بالتدريج <<< ماقصر العطيه واحنا نايمين بالعسل اخي الحبيب وقرينه على ذلك وسبق طرح اعلان بجريده الجزيره بعنوان جامعه عنيزه <<< ولم يحصل بعدها تصحيح للخطا بالاعلان تحياتي الغاليه

حبيبي متفائل جدا ...هذا طال عمرك خطة على مستوى المملكة وعنيزة من ضمن المحافظات التي سوف تحتضن جامعات في المستقبل ... فقد تم اعتماد جامعات جديدة في كل من الخرج والمجمعة وشقراء وهذه محافظات اصغر من عنيزة وهي بمثابة اثنين او ثلاثة احياء من بريدة ... حتى الدمام التي هي عاصمة المنطقة الشرقية لم يعتمد فيها جامعة الا في الفترة الاخيرة ومقر جامعة الملك فهد للبترول في ا لظهران ...فحسب ما اعنت وزارة التعليم العالي بانه تم الانتهاء من المناطق وبدأ العمل على مستوى المحافظات فمن ضمن الخطة القريبة حفر الباطن وينبع والزلفي ..


حبيبي متفائل كن متفائل ...تخيل منطقة القصيم لا يوجد بها الا جامعة واحدة فقط وهي القصيم يعني الرياض اللحين صار فيها ست جامعات من دون الجامعات الاهلية ومكة فيها ثلاث جامعات والشرقية ثلاث جامعات طبعا من دون الجامعات الاهلية فلوا صار هناك جامعة ثانية فهذا يعزز فرص الاستثمار والمشاريع التنموية الكبيرة في المنطقة ...

بس الظاهر المشكلة علشان الجامعة تبي تصير بعنيزة ولو هي بالرس او المذنب ما عندك مشكلة

[الميدان]

اقتباس المشاركة الأساسية كتبها الصباخ الحقيقة أنني أرى أن أهل عنيزه يعملون حثيثاً لخدمه مدينتهم، على عكسِ بعض أهل بريده الذين لا همّ لهم إلا مصالحهم الذاتيه.

والله ودي تدخل منتداهم وتشوف وشلون يقطعون جلود ربعهم شانين حمله على المهرجانات والاهالي والبلدية

[متفائل جدا]

حبايبي جميعا الاخ شبيه نايف والاخ الميدان

والله ان كلامكم على عيني وراسي واحبكم كثير فانتم ابناء بلدي ووطني

وصدقوني ماودي نطلع عن موضوعنا الله يخليكم خلونا في نقل ادارات الكهرب


والشي الثاني تراني ماحسدتهم على شي حصلوه

وفعلا هم ناس تشتغل لصالح بلدهم >>> وهذا من حقهم وانا اول من يصفق لهم


لكن يوخذ حقنا كمدينه بريده من نقل لادارات حكوميه اليهم >>> فهذي اشوفها لايعقل السكوت عليها

وبالنسبه للجامعه انا ماودي ادخل بتفصيل اكثر >>> لكن اليس بريده احق بوضع جامعه لها

لان جامعه القصيم خارج بريده !!!

همسه في اذن اخي الميدان >>> ارجوا انك مادخل بالنوايا ونكون بصلب الموضوع والنقاش

[الميدان]

اقتباس المشاركة الأساسية كتبها متفائل جدا حبايبي جميعا الاخ شبيه نايف والاخ الميدان والله ان كلامكم على عيني وراسي واحبكم كثير فانتم ابناء بلدي ووطني وصدقوني ماودي نطلع عن موضوعنا الله يخليكم خلونا في نقل ادارات الكهرب والشي الثاني تراني ماحسدتهم على شي حصلوه وفعلا هم ناس تشتغل لصالح بلدهم >>> وهذا من حقهم وانا اول من يصفق لهم لكن يوخذ حقنا كمدينه بريده من نقل لادارات حكوميه اليهم >>> فهذي اشوفها لايعقل السكوت عليها وبالنسبه للجامعه انا ماودي ادخل بتفصيل اكثر >>> لكن اليس بريده احق بوضع جامعه لها لان جامعه القصيم خارج بريده !!! همسه في اذن اخي الميدان >>> ارجوا انك مادخل بالنوايا ونكون بصلب الموضوع والنقاش

والله يابن الحلال شف ....انا ما سمعت هذا الكلام الا منك وقلت لك اني سالت احد موضفي الشركة وقال بانها سوف تنتقل الى بريدة ...اما قولت انهم اذخذوا حقنا فهل هو اخذ ام مجرد كلام ..كن متفائل

[متفائل جدا]

اقتباس المشاركة الأساسية كتبها الميدان والله يابن الحلال شف ....انا ما سمعت هذا الكلام الا منك وقلت لك اني سالت احد موضفي الشركة وقال بانها سوف تنتقل الى بريدة ...اما قولت انهم اذخذوا حقنا فهل هو اخذ ام مجرد كلام ..كن متفائل

حبيبي الميدان ... اشكر لك حرصك على استياق المعلومه >>> تصدق اني حبيت كثير مع اختلافنا بالراي

انا وصلت الى ان المعلومه موكده >>> طبعا الموضوع ببدايته فاكيد لم يظهر على السطح

ثانيا الادارة الى تبي تجي لبريده ادارة مختلفه عن المذكوره <<< وهي اصلن من حينها ببريده بس كانت بالمحطة الى بطريق عنيزه ونقلوها للادارة الى برواق

مربط الفرس وانا اخوك ادارة نقل الطاقه والتي تحتوي على موظفين بالمئات مثل ماقال اخوي متميز انه معتمد لها 20مليون مباني

ومن وين يبي يكون الاعتماد <<<< الا من ابن بريده العاق >>>>المهندس على البراك


وليش عاق لان هذي ثاني مره يعمل شي معاكس ويضر بريده <<< قبلها ادارة الاتصالات نقلت ولا سواء شي وهو يدري

اخواني جميعا يحز بالنفس ان نجد ابناء مدينتنا يعملون ضد من تربوا فيها

اما اهل المدن الثانيه بالقصيم وغيرها بلا استثناء فهم يستميتون لصالح مدنهم في حال وصولهم لمناصهم
والامثله كثيره

اخيرا افتقدنا اعيان بريده الاوائل والذين كانوا يحبون مدينتهم ويسعون لمصالحها امثال ابن عيسى وعزيز الرشودي وعبدالعزيز المشيقح وغيرهم في السابق وحاليا في الحاضر صالح التويجري وصالح السلمان وغيرهم الذين لايحضروني والذين تركوا لهم اثرا في اماكنهم
>>> فالذكر الطيب هو الذي يبقى

[بدجت]

فعلا وضح للعيان محاولة تهميش وتغييب بريدة ولو يحصل لهم بعد ينقلون البرج انقلوه
ادارة المواصلات- بنك التسليف -شركة موبايلي - مستحيل تلقا موظف من بريدة والسبب معروف
ومستحيل يكتبون اسم بريدة يكتبون القصيم لتغييب اسم بريدة
سابقا كان مكتوب مدينةالملك عبدالله الرياضية ببريدة يوم كان المدير العمار بعدين صار المدير السناني وجته ضغوط وشال اللوحة وكتب مدينة الملك عبدالله الرياضية بالقصيم
باقي يفتحون القاموس ويطمسون بريدة

[متفائل جدا]

حياك اخوي بدجت


الله يخلف على حالنا ...


بريده كانت وين برجالها واعيانها والحين وين

[متفائل جدا]

نريد خطوات عمليه لايقاف عمليه النقل والمساعده في ذلك


ياليت الجميع يشارك خدمة لمدينتنا واهلها

وللجميع التوفيق

ولا تكون هي ثاني ادارة تذهب من مدينتنا العامره

[البركه]

انا عملت سنوات بعنيزه النظام على الجميع بعكس دائر كهربا بريده مصالح يوقعون وتجدهم الساعه التاسعة بسوق التمر وبالتعقيب وشد لي وأقطع لك وإذا مانت مصدق تواجد بالجوزات أو البلديه أو مكب العمل وشوف بنفسك

[عمر اليحيى]

يغلق

لتحول مسار الموضوع

دمتم