[هجير]

]والله اذا كانت الروحه للمطعم بالسبوع مره ولا بالشهر 3 مرات عادي جدا جدا



ولكن ميكون كل يوم اصلن تمل من كل المطاعم لن اكل البيت له طعم ولذه

[فشخره]

اقتباس المشاركة الأساسية كتبها هجير ]والله اذا كانت الروحه للمطعم بالسبوع مره ولا بالشهر 3 مرات عادي جدا جدا ولكن ميكون كل يوم اصلن تمل من كل المطاعم لن اكل البيت له طعم ولذه

تلك وجهة نظرك 0 أشكرك

[ماهي]

بصراحة موضوع تاااافه جدا جدا

مطاعم وعوائل وخرابيط

الناس وين وصلت وانت توةك في مسألة مطاعم والعوائل لا حول ولا قوة الا بالله العلي العظيم

اذا في راسك مناقشة ناقش مواضيع حساسه في المجتمع مو تافهة

بعدين من زين ها المطاعم الموجودة
وع وع وع كلهم وع ولا مطعم واحد زين بإستثناء عمو حمزة

انا طبعا ما اروح مطاعم هنا لسبب واحد عدم وجود مطاعم جيدة

سلملي عل جدة والرياض تحتار وين تروح

[فشخره]

اقتباس المشاركة الأساسية كتبها ماهي بصراحة موضوع تاااافه جدا جدا مطاعم وعوائل وخرابيط الناس وين وصلت وانت توةك في مسألة مطاعم والعوائل لا حول ولا قوة الا بالله العلي العظيم اذا في راسك مناقشة ناقش مواضيع حساسه في المجتمع مو تافهة بعدين من زين ها المطاعم الموجودة وع وع وع كلهم وع ولا مطعم واحد زين بإستثناء عمو حمزة انا طبعا ما اروح مطاعم هنا لسبب واحد عدم وجود مطاعم جيدة سلملي عل جدة والرياض تحتار وين تروح

طيب بما أنه تافه ليه تتعبي نفسك وتردي بموضوع تافه , ثم من الذي سألك عن الموضوع تافه أم لا 0

[في داخلي قلب طفلة]

انا اشوف عادي اذا كان معها محرم من با ب التغيير

[حايمتن تسبدي]

ههههههه قضت مشاكلكم؟؟

ام الفضاوه والتعقيد... واااوك بقعد اهوجس بمطعم

اللي مايبي لايروح اما نمنع الخلق هذي نكته

[فشخره]

اقتباس المشاركة الأساسية كتبها حايمتن تسبدي ههههههه قضت مشاكلكم؟؟ ام الفضاوه والتعقيد... واااوك بقعد اهوجس بمطعم اللي مايبي لايروح اما نمنع الخلق هذي نكته

الله يبارك فيك ليس تعقيد وليس فضاوه بل العكس هذا موضوع مهم جدا وقد يترتب عليه مشاكل


وربما يصل للطلاق , تصور الزوجه تريد المطعم والزوج يرفض , وكل واحد متمسك برأيه


تصور وتخيل مالذي ينتهي عليه , ماذا لو تزوج شابا لايحب الذهاب للمطاعم ويكرههم وأنا


أحدهم وغيري الكثير, وتزوج بنت تعودت الكسل والراحه والذهاب للمطاعم بصفة مستمره


بل ربما أنها لاتعرف الطبخ , وماله خلق تكوي ثوب وشماغ , كيف ستكون حياتهم الزوجيه


هذا الموضوع أخوي من أجب الفائده ومعالجة سلوكيات قد تسبب مشاكل نحن بحاجه ماسه


للحياة بدونها 0

[ابويسرى]

بالعكس الروحه والجيه مع الزوجه والاهل والتمشي له طعمه الخاص والاكل في المطاعم مافيه شي حتى لو كان كل اسبوع مره قمة الروعه البيت ممل لانستطيع نحن الرجال الجلوس فيه عدة ساعات فكيف بالمرأه والتي تجلس عدة ايام لاتخرج منه ، المفروض تحط يوم رسمي بالاسبوع تخرج انت وعائلتك لترفيه عن النفس والتغير وعدم الكبت ترا ماخلى البنات الوقت ذا يطيحن بالغزل والخرابيط الا الكبت بالبيت والشده التي افقدتهن الكثير من طعم الحياة وانت جاي هداك الله تطالب بمنعهن من ابسط الحقوق ياخي والله لو تطلع معه بالاسبوع مرتين ماوفيته حقها اتمنى منك التراجع عن هذه الفكره تقبل مروري اسف على الاطاله ......................

[فشخره]

اقتباس المشاركة الأساسية كتبها ابويسرى بالعكس الروحه والجيه مع الزوجه والاهل والتمشي له طعمه الخاص والاكل في المطاعم مافيه شي حتى لو كان كل اسبوع مره قمة الروعه البيت ممل لانستطيع نحن الرجال الجلوس فيه عدة ساعات فكيف بالمرأه والتي تجلس عدة ايام لاتخرج منه ، المفروض تحط يوم رسمي بالاسبوع تخرج انت وعائلتك لترفيه عن النفس والتغير وعدم الكبت ترا ماخلى البنات الوقت ذا يطيحن بالغزل والخرابيط الا الكبت بالبيت والشده التي افقدتهن الكثير من طعم الحياة وانت جاي هداك الله تطالب بمنعهن من ابسط الحقوق ياخي والله لو تطلع معه بالاسبوع مرتين ماوفيته حقها اتمنى منك التراجع عن هذه الفكره تقبل مروري اسف على الاطاله ......................

أخوي أحترم وجهة نظرك وأنت حر بالذهاب وعدم الذهاب , لكن لست معك بربط البقاء بالبيت


بإنحراف البنات , وتسمية من لايذهب للمطعم بالمكبوتين , هذا إتهام خطير , ستسال عنه يوم


القيامه , أي بنت لاتخرج من بيتها , تقع بالحرام والمعاكسه , لاحول ولاقوة إلابالله , حتى العفيفات


الشريفات الطاهرات , لم يسلمن من الإتهام الغير مسؤل للاسف ,

[باربي بريده]

خل النااااااس يستاانسوون ياهل بريدة دوروون شيء مالة دااعي
بس اشووف ان قسم العائلات معزول عن قسم الشبااب

يعني وين المشكله

[فشخره]

اقتباس المشاركة الأساسية كتبها باربي بريده خل النااااااس يستاانسوون ياهل بريدة دوروون شيء مالة دااعي بس اشووف ان قسم العائلات معزول عن قسم الشبااب يعني وين المشكله

ياخوي الله يبارك فيك طرحنا موضوع للنقاش للفائده قل رأيك , وماله داعي اللوم والكلام اللي ماله


داعي وأهل بريده , لامثيل لهم , لكن أنت ترى مافيها شي , هذا رأيك وليس لأحد منعك 0

[فجوووره]

ياحووووووووووووووووووووول

وانتم مايخالف تروحون >> اوبس حنا ياحول مايصلح واجبها

حلوووووووه ذي

اقول انا موب معك وش فيها لاراحت ان شاء تسكن بالمطعم

شي راجع لها اي تطبخ صح بس موا دااايم

[فشخره]

اقتباس المشاركة الأساسية كتبها فجوووره ياحووووووووووووووووووووول وانتم مايخالف تروحون >> اوبس حنا ياحول مايصلح واجبها حلوووووووه ذي اقول انا موب معك وش فيها لاراحت ان شاء تسكن بالمطعم شي راجع لها اي تطبخ صح بس موا دااايم

لا يا أختي والله ما أحب القرف والقذاره وهذا منتشر بالمطاعم , لكن مالفائده من المطعم


, ولماذا لاتطبخ دائم وش فيها ,وطبخها لها ولأهل البيت زوجها وأولادها ومن معهم بالبيت


ثم صحيا لاينصح بأكل المطاعم لأسباب عديده , عدم النظافه , رداءة المواد الغذائيه ,


أسوأ أنواع اللحوم وأرخصها , أرخص الزيوت , أستخدام الألوان الغير جيده ومنها القديمه


وبكميات وحفظها بطريقه غير صحيه , أستخدام كربونات الصوديوم لطهي اللحوم , وأشياء


كثيره سيئه بالمطاعم , إضافة لأن المرأة تتعود على المطاعم وشوي شوي تتكاسل حتى يأتي


اليوم الذي ترفض فيه الطبخ نهائيا , عموما هي آراء لكل شخص حق برأيه 0

[لي قلب مايعرف يخون]

[عادي وش فيها لارحنا لمطعم
احيانا مو دايم
اصلا لو دايم كان يجين مغص