[أبوعاصم]

السلام عليكم ورحمة الله وبركاته
هذه قصيدة عامية طريفة اذكر اني سمعته بشريط وانا ادوره الحين
وهذه القصيدة مكتوبة:

ألف أولف بيـن معـزى وبرابـرالحظ عنـدي يامـا لاشيـن خابـر
على الخساير والشقى دوم صابـرسموني ابو مكيرش كثير الدعايـات

البا بنيت من الحضاير والاحـواشوشريت انا بيض البرابر والادباش
اما رضو بالدين ندفع لهـم كـاشبس البلا - يا فلان- كثر الوفيـات

والتـا ترانـي ياجماعـة توذيـتادور المكسـب ولكنـي دجـيـت
من لامني لو صحت بعالي الصيتيصير حظه مثل حظي خسـارات

الثـاء ثلاثـة بالفكـر شاركونـيقالـوا نمـدك بالعمـل والفنونـي
اشتر ولا يهمك وخابـت ظنونـياشوى انها بربر ولا هيب خلفـات

والجيم جمعنا الذرة مـن اقروقـهلكـن غنمنـا كاثـرات ذروقــه
تذرق لو ان الخبز ماهـي تذوقـهغلطان من عد البرابـر تجـارات

والحاحمد قـال الكـلام المفيـديمن شاركك يافلان حظـه قريـدي
يوم السعد يافـلان عنـك بعيـديالحظ عندك ناقصه عشر جرعـات

والخـا ختمناهـا بطـق الشبـوكوكثرت علينـا الشبـه والشكـوك
بالغاف لو سافرت فـوق المكـوكلحقوك خمـس مقـرد بالونيتـات

الـدال داويـت البرابـر وكويـتوبدا يسعبـل كـن بعيـون فليـت
من بعد ما نكويه من باكـر ميـتندور الخيـرات لوهـن خسـارات

الذال ذرقـه واصـل حـد كوعـهومن الضعف متلويـات ضلوعـه
يموت سبـة فـي نهايـة سبوعـهاشقيت حالي بين روحـه وجيـات

والرا رعـن دايـم بـراض لبيـدةنرهي عليهن بالعلـف والحصيـده
لوضفت واحدهن حشا مـا تصيـدهلكن يجيه المـوت عقـب ساعـات

والزا زرنا مـن الدخاتـر كثيـريولا لقينـا فـي علاجهـن خيـري
يقول لي يـا خـوي دور لغيـريما عندي للبربـر عـلاج ودويـات

[غـنـدر]

[c]قصيده حلوووه ( أحسبه مره ) :D :D

الله لا يهينك ولاعليك امر ممكن تعطين اسم الشاعر

[/c]

[الحليل]

على ما اعتقد إنها بشرطي لتركي الشاوي ...

نسيت اسمه لكن هو الشريط الذي أنشد فيها تركي الشاوي نشيدة محسن الهزاني (( دع لذيذ الكرى ))

واسمها حول (( قصائد من القرية )) أو حول هلاسم >> تذكرته عقب ما كتبت هههه


خلوا سعفة يجيبه !

[أبوعاصم]

هلا غندر

اشكرك ولكن ما ادري منهو الشاعر انا اذكر اني سامعه ولكن ما اذري وش اسم الشريط ولا اسم الشاعر.

الحليل جزاك الله خيراً