[الـدعساوي]

السلام عليكم ورحمة الله وبركاته
سجل يابوعمر تقرير بتوع مسابقكم , مع انه لك عليه شوي
حيا الله بأهل الكشتات وراعين المعنى , حيا الله الطيور كلهم
طبعا باجازة عيد الاضحى , وبعد مانزلت هالخيرات قررنا وحنا وبعض الشباب نروح طرقية ونشوف وين وصلت هالخيرات , عسى الله يطرح به البركة
الرحلة مكونة من ستة أفراد أمير الرحلة [ الدعساوي ] , مشينا ثالث العيد والرجعة يوم الخميس يعين مدة خمسة ايام

طبعا طريقة المشي , بداية من بريدة ومرينا صلاصل الى حائل ومن ثم الى العليم ومن ثم قطعنا النفود الى عذفاء ومن عذفاء لاشيقر وبعده الحيانية ومن ثم الى تربة ومن تربة الى الزبيرة ومن الزبيرة الى البعيثة وبعده قبة وبعده وجهنا لشعيب السهل ومن ثم البريكة ومن ثم للبسيتينات وآخر شيء للنبقية ومن ثم بريدة
الامطار بكل مكان ولله الحمد , كل اللي مرينا جايه خير

نبدأ التقرير :



اتجهنا مباشرة الى صلاصل والحمد لله جايه خير طيب





وكان به الفطور



والطريق ماشاء الله تبارك الله به خير




وهذا شعيب يمشي بطريق حايل







دخلنا حايل نبي ناخذ بعض الاغراض , ومرينا من عند قصر بن رشيد واخذت كم من صورة على الطاير





والفاكهة لزوم بهالرحلات



ومرينا الصالحية , وكملنا باقي الاغراض



واتجهنا مباشرة الى جبة ومن جبة مسكنا طريق الجوف الجديد وهذي المطينة من جبة للطريق الجديد



واتجهنا مباشرة الى العليم



وهذا جبل العليم



وهذي المحظة بس هالحين سكرت . يبدوا انه علشان المطينة الجديدة [ اتوقع ]



وهذا مكان الجلسة شبت الضوء وعلوم رجال [ ايه هين ]
زينة النفود هاك الوقت انه قمراء تشوف مد بصرك , بس مشكلته لارحت تشنتر مشكلة هذي والله كود تمشي لك كيلو , علشان تصد عنهم



الليلة كانت باردة , ويوم قمنا الفجر ولا كل شيء متجمد



الفجر وشبة الضوء



وبعد ماطلعنا من العليم متجهين لعذفاء , قابلنا الخفاش والجني العبد , طبعا نسيت لآخذ لهم لقطة , ما أراد الله



وهذي مدرسة العليم , اعرف واحد يدرس به بس يقول اني مستانس , الدوام ثلاثة ايام بالاسبوع ومع التخفيض يومين بالاسبوع



عاد خبرك الارض تهيض شوي , ولوم اللعب





طبعا الخطة انه كل شوي نجلس بمكان يعني نقطع النفود على رواقه ماحنب عجلين , وفعلا الفطور بمكان والعشاء بمكان , خصوصا انه قمراء ياحلالي بس

وهذا مكان االفطور وتقطيع التسبدة





الكمونية :



صور من النفود الكبير :











جانا الليل وحنا نمشي , طبعا مانمشي الا بالوقت يعني نقول الساعة 4,30 ناقف خلاص نوقف لو فوق رمثة ماعلينا , خبركم االمدير شديد بالحيل << ايه هين ان تسانهم معبرينه
وهذا مكان المبيت , وذاك القرم الدعساوي يطق الطنابات ولا أمدح ابعض ناس



بعد ماطقينا الخيمة , ومكان الجلسة



2 من الشباب يتهاوشون على ام خمس يقاله مب يدعدعون به واحد يصلح العشاء وواحد يصور واثنين ملفزين يمين ويسار , مايبون التصوير



وهذي جلسة فجرية



من بعيد المكان



الدعساوي , بريدة ستي



الارطاء متوفر , ومعنا اثنين ابلشونا كل شوي وقف وقف , تقل يبي يقضي النفود من الحطب
وهذي بعض الجذوع , مايبي له متل امتله بيدك





شجرة غظاء كبيرة



التسبدة , والشيف الدعساوي






هنا انتهى االجزء الاول , انتظرونا في الجزء الثاني
سلاااااااااااااااااااااااااام , عجل بالحيل , الاهل فوق راسي يبون يكشتون سلطة