[هالي]

اقتباس المشاركة الأساسية كتبها العباس الشنقيطي بيني وبينك انا مرة كنت جالس اتفرج عليهم ودي اعرف وش هي هالقناة إلِّ العالم تتكلم عليها وتصادفت اني شفت اثنين شباب يطبخون في المطبخ ووحدة جالسة اتكلمهم من المغرب مدري من الجزائر وكل اشوي حط فلفل اسود وزيد الملح اشوي وعفص بادينك اللحم المفروم وخرابيط مالها أول ولا آخر لحد ماشفت هذاك المذيع إلِّ أجزم انه شيعي خالص بنسبة 100% وهو جالس يتمخطر بينهم قلت الله يعين راحت العقيدة وطي..وطبعاً الشباب الاثنين خسروا في الطبخ وبعد ماحطوهم في السجن بدؤوا يقرون الشات الموجود على الشاشة إلِّ كله سلام وتحيات ...فيه إنسان يرضى على اخته انها ترسل رسالة تحية لشخص غريب عليها ؟!!! وين الغيرة ووين الرجولة؟؟؟! الانسان رب العزة والجلال عطاه عقل يفكر وميزه عن الحيوان مافيه انسان سأل نفسه وش هي الزبدة من هالقناة ؟؟؟!!إذا كان عن المحاضرات ياكثرها وإذا كان على الترفيه احسن يرفه نفسه بشيء مفيد لكن انه ينبطح قدام التلفزيون ويضيع وقته هذا مالا يرضاه لا عقل ولا منطق، بعدين البرنامج موجه للفتيات الشباب مالهم دخل فيه وهذا اكبر دليل ان البرنامج جداً خبيث ، ناظروا الصور إلِّ فوق وشوفوا العناق الحار والضم مع إن هذا مو من عادات المسلمين ،عادات المسلمين المصافحة وليس العناق.

تكفى لاتشمت بذولا والله إننا متأثرين لحالهم أجل يقول بنتي معجبه بفلان خخخخخخخ


ياربيه وشلون هالرجال بهالشكل وهالحريم تقول نشوف مشايخ وهن يسذبن يناظرن


الرجال وليس كلهن لن نعمم لكن بالغالب وهن معترفات بلا حياء سواء باتصال او بالشات


عموما حتى لو حريم هالرجال عاقلات فالواجب الحذر من باب الباب اللي يجي منه ريح


سده واستريح ويعلم الله مانقول هالكلام إلا من حبنا للخير للجميع