[وايليهـ مخمليهـ]

اقتباس المشاركة الأساسية كتبها حمامة شوق وايليه مخمليه والله اسعاارهم غااليه ولا ادري ياليت اللي مجربتهم تقوولنا اومجرربه مستشفى ثاااني بالقصيم وش راايك بنبات السعد صراااحه بديت افكر فيه حلوه بطلتي خوووذيه على مستشفى واطلبي من الممرضه تعلمك عليه بس ابسالك من وين شريتيه وبكم ؟

شكرا ياقموره على ردك

انا بجرب خلطة القحطاني اللي فيها مرارة ونشادر

وبرد عليكي

الله يحفظك

[حمامة شوق]

وايليه مخمليه
انا احس نبات السعد اسهل واعرف وحده استخدمته وهي بالبدايه الحين
شالت بموووس وحطت وجلس اكثر من اسبوع ماطلع
ونااويه اذا طلع تشيل وتدهن لحد مايختفي
انتظر ردك اذا سويتي خلطتك
وبالتووفيق

[•°انكسار الأماني°•]

طرفة العليان خشن مكياجه مرررة صديقتي حجزت عنده وغسلت وجه بعد ماطلعت ,
لذا نصيحتي تأخذون أم عبادة أو أم ريما مضمونات وحسب طلبكم يحطون .

بالنسبة لليزر يارابعة أذكر عيادة بالرياض أسعارهم حلوة لكن ناسية إسمهم إذا حصلته أرسله لك ,

موفقين ,

.

[رابعة]

مشكلة صرااحة بعد طرفة مكيااجه خشن الي اسمعه انه نعوووم..!!!

وام عبااادة الي اسمعه عنها انه نكابة وغير كذا يقولون احيانا مكياجه خشن مرة واحيانا ناعم.!!

وأم ريما اعرف وحدة مجربتها ماتمدحها..

ابغى ببريدة وانا الليزر احسه يبغى مجاازفة ..!

مشكووورة ياانكسار كللك ذوووق..

[•°انكسار الأماني°•]

88

أم عبادة على حسب ماتطلبين ,
وحدة من زميلاتي طلبت ثقيل سوت له ثقيل ,
وأختي وبنت خالتي طلبن خفيف ونااعم وسوت لهن خفيف مرة ,
وطبعاً كلهن شفتهن والشغل مررررة روعة ولابعده روعة ,

أم ريما مجربتها بنت أخوي وتمدحها ( كذلك ناعم )

طرفه أكثر من وحدة أعرفها تعاملت معاها وتقول مضبوط بس خشن قووة حتى لو وصيتيها بالتخفيف مايتغير شيء .

؛

الليزر أنا تعاملت مع الصفوة لكن مو لشيل الشعر .
ومع ذلك كلفني حول 9000 ولاأستفدت هــه لابعد عند المسعود .
مشكلتهم يتعاملون معك ويوهقونك بالفوائد ثم ماتلقين ولانص فائدة .

نصيحة ترى العيادات في القصيم غاليات لإنهن محدودات ,
لو تتعاملين مع عيادات في الرياض أو جدة كذا يطيح نص السعر أو أكثر .

يعين الله ,

.

[اها عاد]

السلام عليكم


& حبيت اسالكم بنات عن شغل الكوفيرا صباح شغلها زين للعرايس

انا اسمع عنها من زمان بس ماعمري شفت احد جربها
وبعد بما انها من زمان راح يكون شغلها قديم ابشوف هي تتطور شغلها او عادي وقديم

وصح سمعت صباح انه كوافير الاميرات مدري الاميرهـ صدق او لا ؟

& واذ تعرفون وحده شغلها مرتب مابي مكياج تقل طاؤؤوس ابي نعومه مثل لبناني قمه الاناقه ..

====

& سؤال ثاني تعرفون صبابات لبسهم كشخه ومرتب والنفسيه زينه ويكون فلبنيات او عربيات مابي سعوديات,,

& وتعرفون طقاقات زينات ويكون معها راقصات انا سمعت عن مشغل مسايا

& وتعرفون ارقام فرقه فنون شعبيه رجال

& وصح صبايا الطاولات الي بعد العشا وش الدارج الحين وش الافكار

ضرررروي بسسسرعه


الله يحقق ماببالكم يارب

[pink touch]

الله يوفقكم عرايس !

وحاولوا ماتبالغون بحفلاتكم وترضون ربكم وتتجنبون مايغضبه !!

وربي يطرح لكم البركة ويجمع بينكم بخير

[•°انكسار الأماني°•]

آها عاد // الظاهر بقولك أها عاد : ) كل ذا تبينه خخخخخخخخ .
ياشيختي مشغل سيدتي سبق سمعت إنه لأميرة ,
أما بالنسبة لصباح كذلك أذكر صبغت عندهم وسمعتها تتكلم مع كوافيرة ثانية ,
تقول إني أشتري ميك آب ماركات على مستوى وغالي يكلفني بس المهم مايكون شغلي سيء ,
وطبعاً الثانية مادخلت مخه سالفة الماركات هـه بعدها كبرت بعيني وحسيتها تشتغل بضمير حي لا ميت .
ومع ذلك لاأستطيع الحكم عليها بالدقة لإني لم أجربها ,

بالنسبة للصبابات أغلبهن وأفضلهن السعوديات ماسبق شاهدت إلا صبابات هنديات الظاهر واللي تديرهن مصرية إسمها أم أمير .

بالنسبة للفرقة النسائية عندي لك فرقة رائعة جداً بس مامعهن رقاصة لعل الحاضرات يمثلن الدور بدلاً عنها خخخ

بالنسبة للفرقة الرجالية والله ماأعرف شيء عن هيك لأنه خارج نطاق سوادينا هـه ,

طاولات مابعد العشاء حالياً لايحضرني حركات نيو لكن بإذن الله أفيدك لاحقاً ,

بالتوفيق .

,

[ريما نجد]

بالنسبه لصبااااح انا شفت شغلها بأختي سوتها وهي عرووسه مرررره يجنن

[الابداع القادم]

أم أصايل بكم تسوين العروس بحدود كم تقريبا الله يعافيك؟وارسلي لي رقمك الله يوفقك..

ويابنات صباح وشي جنسيتها؟ وأكيد شغلها حلو؟

[رابعة]

^^
سبق وحدة امدحتها لي
واعتقد جنسيتها من دول الشام..
وسوي برووفة اريح لك..

[سوآلف حرف]

اقتباس المشاركة الأساسية كتبها اها عاد السلام عليكم & حبيت اسالكم بنات عن شغل الكوفيرا صباح شغلها زين للعرايس انا اسمع عنها من زمان بس ماعمري شفت احد جربها وبعد بما انها من زمان راح يكون شغلها قديم ابشوف هي تتطور شغلها او عادي وقديم وصح سمعت صباح انه كوافير الاميرات مدري الاميرهـ صدق او لا ؟ & واذ تعرفون وحده شغلها مرتب مابي مكياج تقل طاؤؤوس ابي نعومه مثل لبناني قمه الاناقه .. ==== & سؤال ثاني تعرفون صبابات لبسهم كشخه ومرتب والنفسيه زينه ويكون فلبنيات او عربيات مابي سعوديات,, & وتعرفون طقاقات زينات ويكون معها راقصات انا سمعت عن مشغل مسايا & وتعرفون ارقام فرقه فنون شعبيه رجال & وصح صبايا الطاولات الي بعد العشا وش الدارج الحين وش الافكار ضرررروي بسسسرعه الله يحقق ماببالكم يارب

تلاقين اغلب طلاباتك عند مرايا ومحل بجانبه بالصفراء
وفيه بيت الكرم بشارع المشاغل عندهم الطاولات والصبابات تقريبا يسون لك الحفل كامل

[بريداوية ام الهبال]

اقتباس أم عبادة على حسب ماتطلبين , وحدة من زميلاتي طلبت ثقيل سوت له ثقيل , وأختي وبنت خالتي طلبن خفيف ونااعم وسوت لهن خفيف مرة , وطبعاً كلهن شفتهن والشغل مررررة روعة ولابعده روعة ,

كلام سليم أم عبادة شغله حلو وقد أشرفت عليها ذات مرّه
مجربته أختي وبنات خالاتي وكل وحده تشرّطت طبعاً هذا اللي ينفع
بس طلع مكياجهن ماشاء الله خطير وناعم كلّش كلّش ..

[الابداع القادم]

اقتباس المشاركة الأساسية كتبها رابعة ^^ سبق وحدة امدحتها لي واعتقد جنسيتها من دول الشام.. وسوي برووفة اريح لك..

الله يعطيك العافية ماقصرتي رابعة..


بنات وش رايكم بالكوافيرة أم وليد مكياج وتسريحات؟