[ماشي وين؟؟]

اقتباس المشاركة الأساسية كتبها Leader.20 اجل اختي تولف علي هي تقولي انه دكتوره مهب طالبه اوريتس به

والله من عذره هالبنات كلن يجي هررج ع كيفه اول قالوا الحارس المصدوووم لين شفنا البنت عندنا الباب
الله يعين

[•ღ عــذب السجايا ღ•]

اللي مستغربه منه أن اللي كاتب الموضوع ذكر
لايصير تدرس معنا بالكليه

وخلاص عاد يكفي كذب
أربع بنات ياكافي لايصير أنا منهن وانا مادري


خاص للمسؤلين بالكليه
متي تخلصون من الشراع ترانا متنا حر وصكتنا رؤسنا وتشتتنا ولا نلقى مكان نقعد به
ولا تنسون المكيفات

لا ارجع من التطبيق الا والامور تمام

[إبتسامة امل]

اولا : مسالة الطالبه اللي توفت خلاص انسو سالفتة الله يرحمه ويغفر له يارب واهله موجودين هم ابخص

ثانيا: صدق انه فيه اسعاف جاء للكليه بس كان لحاجه خفيفه هو بعض من الطالبات جاه تشنج برجله وصديقاته اغمى عليهم وكانو كله ثلاث او ثنتين بس يعني ماله دااااعي اربع مره وحده ..وشي ثاني ترى الطالبه ارجعت للكليه مره ثانيه يعني طيبه مابه الا العافيه

ثالثا: اخذنا الفايده من وسائل الاعلام انه لما جاء الاسعاف اليوم للكليه اسمحو له انه يباشر شغله ولا امنعوه زي المره اللي فاتت وغير كذا التفاعل اللي قامن به حارساة الامن اللي عند الباب لان بعضهن راحو مع البنات << افهمو الدرس

راااااااابعا : ياللي تقول انه مسكونه ؟؟ نصيحتي لك ..
لا عاد تكتب مواضيع الا لما تتحقق من صحتها << يسمعك واحد موسوس ولا وحده تقعد تحرم بنته من الدراسه بسسب مسكونتك هذي

[خجولةالمبسم]

والله يا حبكم لتكبير الأمور والأشاعات ..
هي حالتين فقط وحده من قاعتي ومعي واعرفه انزلت بتدخل الكليه واصدمته سياره <عسى الله يقومه بالسلامه>
والثانيه تعبت واغماء عليه والله يقومه بالسلامه..

واللي يقول صارت الشرطه ما تفارق الكليه اصلا من زمان يتواجد شرطي عند الكليه ينظم السير بس اليوم زادوا الشرطه عشان اللي صدم البنت..

اقتباس اجل اختي تولف علي هي تقولي انه دكتوره مهب طالبه اوريتس به

منهي اختك ؟؟

اقتباس خاص للمسؤلين بالكليه متي تخلصون من الشراع ترانا متنا حر وصكتنا رؤسنا وتشتتنا ولا نلقى مكان نقعد به ولا تنسون المكيفات لا ارجع من التطبيق الا والامور تمام

احمدي ربك انك رايحه تطبقين ..
والله العظيم اليوم وصلت معنا تخيلي طالعه الشمس وحررررررررر وشمس تذوب المخ والكفتريا ملياااان والأسياب مليانه يوم دخلنا مبنى الأداره وجلسنا جتنا الفراشه قالت يله قومن جان اتصال من فوق يقولن لا تخلين ولا طالبه تحت طلعيهن كلهن برا ومير نقول للفراشه روحي قولي للي قالت لك طلعيهن ترانا بذمتك وان طلعنا وجتنا ضربت شمس دقي على الأسعاف على طول ودخليهم عشان ينقذوننا .. وان متنا لا تقولين القدر ومكتوب له ترانا كلنا بذمتك..
ومير تسكت وتروح وتخلينا

[عرفت اشلون]

اقتباس المشاركة الأساسية كتبها صاحب محل تراكم اشغلتونا بلكليه موب اول بنت تموت بعالم واقول والله مينفعه اللى اعماله واذا كانت من راعية الجنوز والطيب والكحل ياويله الحين بلقبر واذا كانت راعية صلاة وعباده ماشاء الله

الجنوز اخوي ادع للبنت واسكت طيب وانت من قالك اننا ندخل الجنه باعمالنابرحمة الله الواسعه

اصلحك الله اجل راعية جنوز الله يرجك بس اقول لايكثر الهرج

[وردة حياتي]

اقتباس المشاركة الأساسية كتبها صاحب محل وانا صادق اول وحده تموت

ياخوي هذي سالفة ثانية غير سالفة ياسمين الله يرحمه
بعدين ياخوي البنت الله يرحمها كانت قمة الاخلاق
المفروض انك تدعي لها بالرحمة

[ايرين]

الله يهديكم بس

[حلوة القصيم]

مافيه مدرسه مو مسكونه
تترك بالاجازه ولا يجيه احد
وكل الليل فاضيه مافيها احد
الله يعين
يمكن اللي حصل في الطالبات اليوم في الكليه صدمه
وخوف بعض الطالبات
يقرون وردهم وما يجيهم الا العفيه
الله يحفظهن ويستر عليهن

[الحذر]

اليكم الخبر البنت طبت من الباص وصدمها سائق يوم شافن البانات الثانيات اغمي عليها والثاني يقولون انها انهارة و

[r0007]

اقتباس المشاركة الأساسية كتبها صاحب محل تراكم اشغلتونا بلكليه موب اول بنت تموت بعالم واقول والله مينفعه اللى اعماله واذا كانت من راعية الجنوز والطيب والكحل ياويله الحين بلقبر واذا كانت راعية صلاة وعباده ماشاء الله

ايش هالكلااام ؟؟؟ بما اني ادرس بهذي الكليه بقولك بصدق مو اول وحده تمووت على قوولتك بس شووف الاسباااب ("(مااعترض على القضاء والقدر ))بس شووووووف الاهماااال اللي حصل هو سبب وفاه البنت كان فيه امل تعيش بس بطريقه تفكيرهم السخيف رفضو يدخلون الاسعاف <<هذي حادثه السبت واذا سكتوا الناس على هالشي بيصير اكثر من كذااا اماا اللي صاار اليوووم هوو شي عاادي بس طريقه الموظفااات اللي موضفينهن على البلوووشي خاااايسه يكفي ان الكليه مافيهاا طبيبه كان اسعفت الموقف اناا ماعرف اللي صاار بالتفصيل اليوم عشان كذا ماابي اتكلم وانا ماادري وقاالو مسكووونه ايش هالتخلف هذاااا والله عقولهم معششه بيغطووووون على اهمااالهم جابو سبب مثل وجيههم طووول عمرناا والكليه مافيها الا العافيه وووين المسئولين عنااا بالله فيه كليه بدووون طبيبه ؟؟؟؟ واخووي اذا هذاا كلامك وكلاام غيرك مراح يحصل تطووور اوو تغييررر لانهم بيعرفون انكم بترضوون اجل يااويله من القبررر ؟؟؟ لااازم يعرفون اننا مو راضين على هالوووضع

[جيورين]

صـآحب محـــــل .. أتـق الله ,

[ξــزتــےِ مَالهَـآ כــد]

لاحول ولاق وه الا بالله
وش به هالكليه هالايام اللهم ادفع البلاء ياااااااااااااااااااررررررررررررررررب

[%بدريه والذئب%]

ههههههههههههه
انا اقول
لا هو يقول
لا بنت الجيران تقول
لا الخبر الاكيد ولد خالتي يقول
لا عامل مزرعتناء يقول ومتأكد بعد

معليش طولت بس ما تحسون انكم كثرتو الاشاعات