[غالية الثمن]

بسم الله الرحمن الرحيم

السلام عليكم ورحمة الله وبركاتة

إلى أخواتي المعلمات:

كثرة الشكاوي من بعض الطالبات في وقتنا الحالي

هل هو من سوء تعامل بعض المعلمين والمعلمات؟

الحين أنتن يا بعض المعلمات وشولة الأستهزاء والأستهتار باالطالبة يا أخواتي يامعلمات أعرفي شئ واحد انتس تأدين أمانه تاخذين عليه راتب شهري ..يعني الطالبة في وقتنا الحالي لازم تعطى الأهتمام والعاطفة على الأقل أعتبرية زي أختس ...بعدين إذا لقت الطالبة الإحترام منتس أكيد تبي تحترمتس و تحببتس ....أنا الحين لي أخت بمتوسط تعااااااااني من هاذي المشاكل خلي الطالبة تذكرتس بخير مب بشر ..حتى لو كانت الطالبة غير محترمه أنتي أفهم منه عقل...... بعدين خوذي الطالبة على قد عمره الحين هي بمرحلة المراهقه تبي شويت عاطفة ومعاملة زينة .

ملاحظه:الكلام هذا موجه مب بس للمعلمات....موجه للمعلمين بعد.

[نـــــــــــــــواف]

وراتس وشفيس عليهم

[الجرح العطيب]

الأحترام صفه إنسانيه

اذا قدمتها واتصفت بها .....قدمت لك

[فسفوريه]

بعد لاتنسين المعلمه له طاقه مثله مثلتس وراتبه الشهري تاخدوه مكافئه لدروس اللي تشرحهم طول هالشهر.. انا استغرب من بعض الاهل يزعلون لو المعلمه او المعلم يرفع لسانوه على طالب طيب هذاك انت تهوش عيالك اذااخطوو بماانك تطلب من المعلم انه يعامل عيالك على انهم ابناء له انت لازم تعتبروه ابوو لهم يحق لووه يامر وينهى اذا اخطوو والمفروض نربي عيالنا على احترام المعلم وانوه يعتبر ولي امرك بالمدرسه واجب عليك طاعتوه ..وبالنسبه للمعلمه اللي تستهتر يشكونه للمديره وتسنع

[نوووف]

في اخطاء من بعض المعلمات والطالبات................نبي علاج لهذي المشكلة

[الأمبرطورة]

يا فسفوريه أنا معك في ان المعلمة تاخذ راتبه الشهري علشان شرحه ...بس مع الشرح لازم شوي تهتم باالتربيه ..الحين وشوله سمو الوزارة(وزارة التربيه والتعليم)عشان تعلمين وتربين..مب تستهتر وتستهزء..""""صح ولا لا <مع السلامة>

[الصمت الهادئ]

أنا مأدري وش صار فيه زمنا هذا

هل المعلم او المعلمه صارو مايتحملون لكثرة مسؤلياتهم

او الطلاب الي غيرهم التفتح وحب تقليد الغير بعدم أحترام المعلم\ه

والله أنا أعاتب كل الفئتين

[مهندس دايخ]

حرام عليتس يا غالية الثمن موب كل المعلمات تسذا بس المعليم تسذا بعد خخخخخخخخخخخ

[غالية الثمن]

الحين لا يفوتكم على الراديو في اذاعة القران في برنامج بيوت مطمائنة موضوعه عن العاطفه

[وحده مفهيه]

اقتباس المشاركة الأساسية كتبها غالية الثمن بسم الله الرحمن الرحيم السلام عليكم ورحمة الله وبركاتة إلى أخواتي المعلمات: كثرة الشكاوي من بعض الطالبات في وقتنا الحالي هل هو من سوء تعامل بعض المعلمين والمعلمات؟ الحين أنتن يا بعض المعلمات وشولة الأستهزاء والأستهتار باالطالبة يا أخواتي يامعلمات أعرفي شئ واحد انتس تأدين أمانه تاخذين عليه راتب شهري ..يعني الطالبة في وقتنا الحالي لازم تعطى الأهتمام والعاطفة على الأقل أعتبرية زي أختس ...بعدين إذا لقت الطالبة الإحترام منتس أكيد تبي تحترمتس و تحببتس ....أنا الحين لي أخت بمتوسط تعااااااااني من هاذي المشاكل خلي الطالبة تذكرتس بخير مب بشر ..حتى لو كانت الطالبة غير محترمه أنتي أفهم منه عقل...... بعدين خوذي الطالبة على قد عمره الحين هي بمرحلة المراهقه تبي شويت عاطفة ومعاملة زينة . ملاحظه:الكلام هذا موجه مب بس للمعلمات....موجه للمعلمين بعد.

ماينلامون المدرسين من تعاملهم
الحين بعض الطالبات قليلات ادب خصوصا المتوسط
تخيلو تقول دكتوره تشرف على البنات الي يطبقن بالكليه
ان فيه بنت من المتوسط اخذت طالبه الكليه عند المديره تشتكيها
وشكواها ليش طالبه الكليه تهاوش طالبه المتوسط
طبعا بعد مارفعت صوتها علي طالبه الكليه وهاوشتها جرتها عند المديره

[الوساااام]

الشباب يتخوفون من بعض المعلمين ..

رغم فيه إنفلات بسيط بسبب

انفتاح الطلاب .. وتدليلهم ..!

بعض المعلمين هداهم الله وخاصة الجدد مهتمين بالأسهم والسهر والعقار ..

والأهتمام بالطالب من آخر اهتمامته ..!!

المعلمين الجدد وللأسف ليس مثل المعلمين السابقين عندهم أمانة بالعمل ..!

طبعاً كلامي على أقليه منهم ..


هذا نظريتي للمعلمين والطلاب فقط ..

أما المعلمات ..

فأرى حقوقها مهضومة بكل شي ..!

لا من الإدارة ولا من الرئاسة ولا من الطالبات ..!


أما الطالبات فقد سمعنا ان الإحترام لديهم قد قل ..

لا يحترمون المعلمات أبداً .. ولا يعبروهم .. !!

أستغرب من هذا رغم أن حرياتهم مكفوله وميسره لهم داخل المدارس ..

لكن لازال إذلال وعصيان المعلمة من أهتمامات الطالبة ..

فعجبي بذلك ..