[مدحت شوقي بريده]

السلام عليكم ..

صباح الغرق .. صباح الأحساس والطيـنـة ..

اشرقت شمس الخميس .. في الرياض ..
على هدوء وسكون .. بعد ليلة عاصفة .. مثيرة ..


كانت في شرقها مثيرة .. واحداثها كثيرة ..
غرق .. وهدم .. وتشريد ..


وشمالها لم يكن بأحسن حالاً منها .. فقد كانت الأجواء عاصفة ..
ولكن لم تصل لدرجة الكوارث .. طبعاً لأنها فقط ( شمال الرياض ) ..


وغربها .. كان هادئاً نسبيا ..


أما الجنوب .. آه يالجنوب ..
والله يرحم حالتك يالجنوبي ..

فهناك وعلى مشارف ( حانف وديدة ) ( وادي حنيفة ) ..

حيث ( انا ) هناك .. ممدداً بين تلك الأشجار .. تارة امدهن .. وتارة اكفهن ..
كانت الأجواء هاااااااااااادئة .. وساكنة ..



اليوم الخميس الــ22/5/1431هـ

الجو مشمس .. والرياح ساكنة ..
ودرجة الرطوبة طبيعية ..
والسماء صافية ..

ولم تظهر أي تشكيلات من السحب .. يحتمل ان تكون ممطرة ..



واليوم ابو الجيران مسوي فلم ..

نزل ولقى ام الجيران مولعتن الدينمو .. تبي تغسل الحوش ..


قاله .. انتي دبشة .. انتي ماتفهمين ..


انا ماقلت لتس امس لاتغسلين الحوش .. يبي يجي مطر وعجاج همن مايفيد الغسل ..
وخليتين الين طلعت مع هالباب ومديتي ( اللي ) ..

والا تبين هاللحين .. امد ( هاللي ) على ظهرتس ..

يابنت الحلال لاتغسلين الحوش .. لاتغسلين الحوش ..
تسيف اشغلتينا انتي وغسيل هالحوش .. الله يجعلنا نغسلتس هالليلة ..


هاليومين كله أمطار .. اصبري الين توقف ويزين الجو ..
همن اغسليه وافركيه الين تشوفين خشتس بالبلاط ..

همن التفت على الشغالة وقاله .. اها يالله دخلي المساحة ورجعي هالصابون الي معتس يالله ..

قالت الشغالة .. ايوه بابا ايوه اللهين ودي ..

قالت الأم ياويلي .. يابن الحلال انا اصلن مانيب غاسلته .. انا اطوي ( اللي ) والفه بس ..


وطلع ابو الجيران .. وهو يحضرم ..




وسنوافيكم بأخبار الطقس .. كابراً عن كابر ..
اليوم مع الصور من تصويري ..


وايضاً .. هل طلعت فاطمة بنتهم معهم أو .. لاا ..
ابقعد عند الباب اشوف ..



سي يو ..