[ابو سليمان 2]

بسم الله الرحمن الرحيم
اليكم قصة والدتي مع اسواق الوشاح في بريدة
طلبت مني والدتي ان تذهب الى اسواق الوشاح بصحبة اختي الصغيرة
وبعد ان دخلت الى السوق كان هناك لوحات تبين منع دخول جوال الكاميره , وحيث ان والدتي كبيره بالسن فهي لاتقرأ , استمرت في المشي الى الداخل وعندما وصلت عند احد العاملات في الاستقبال الاتي يبحثن عن جوالات الكاميره اكتشفوا وجود جوال كاميره مع والدتي التي تبلغ من العمر خمسين سنه وليست مراهقه وانما قدمت لمعرفتها بوجود محاضره بأسواق الوشاح , هل تعلمون ماذا عملت بوالدتي !
أخذت منها جوال الكاميره وعندما قالت لها اعطيني الجوال رفضت اعطاء المراه الكبيره بالسن الجوال ومنعتها من ان تستخدم الجوال لمكالمتي واخباري وعللو هذا الشي لانها لم تعطها اياه عند دخولها السوق جوالها للعاملات , والسبب بإختصار لان امي لا تقرا ولا تكتب فكيف تعرف لوحاتكم يا اسواق الوشاح المانعه لدخول الكاميرا..
بعدها طلبت امي ان تخرج من السوق لانها لا تريدكم ولا تريد سوق لا يحترم كبار السن فمنعوها والطامه الكبرى ايضا انهم قالو لها جوالك سوف نحوله لهيئة السوق, نروح للهيئة عشان جوال كاميرا لم يخرج من الشنطه ولم تدخل صاحبته للسوق وكبيره بالسن ايضا ومحضر من اسواق الوشاح للهيئة يبين انها اخفت جوال الكاميرا عند دخولها للسوق , يعني امي يا اسواق الوشاح داخله تصور وتنشر صور فاضحه !
امراه عمرها 50 سنه ممكن تسوي هذا الشي الاجدر بكم ان تعاملوها بلطف وتطلبو منها جوال الكاميرا وتقولو لها ممنوع يا خاله وخليه عندنا لا بغيتي تكلمي تعالي مو تحولوه للهيئه ,والأمر من ذلك ان فيه جوالات اخذوها للهيئه دون اغلاق طيب امي اغلقت جوالها فيه حريم وجدوا نفس مصير امي لكن ما اطفو جوالاتهم ,
من المسؤول اذا احد فتش جوالاتهم ؟ الن توصل الجوالات الى رجال باسواق الوشاح ثم لهيئة السوق , المهم وصلت واخذت الوالده فأخبرتني بأن جوالها بالهيئة وان هذا الي حصل فعصبت ونزلت لمسؤول اسواق الوشاح ومديره وهو لم يبلغ من العمر 19 سنه يعلمني بالدين ويقول انصح والدتك انها ما تاخذ جوال كاميره , المهم قلت له مالكم حق قال الا لنا حق المهم قلت لكم حق تاخذون جوالات حريم مفتوحه ممكن فيها صور, قال حنا اناس ثقه والهيئه ثقه , قلت انا اعرفك عشان تقول ثقه الم يمسكو مشائخ يسحرون وانا ما اثق الى بنفسي المهم بكل بساطه قالي اذهبوا الى هيئة السوق قبل ما يسكرون رحت واخذت الجوال بعد ما طلبو مني اثبات ونصائح اني انصح امي عن جوال الكاميرا ووالله ان اكثر ما بمكتب مدير الهيئة البشوووت بالله هذا الي اوصى عليه الدين بمعاملة الكبار بالسن , جوال يحول للهيئة وش حصلتو فيه فجو رذيله مقاطع مخله با الادب

[قوقل]

الحمد الله وشكرر الله يعفيهم ولاا يبلنا
الله يهديهم المفروضيتعاملون مع حرمه كبيره بسن بي اخلاق واحتررام
هي مو من الي تبي تدخل وتصور المفروض يقدرون حااله الواحد
الله يهديهم

[أبــوبــاســل 99]

انا مع الهيئه دائما وأبدا لاكن ليس مع هذه التصرفات النتنه إن كانت فعلا حاصل مثل هذا بالظبط,,,


عاملات ليس عندهن أخلاق والله دورات تثقيفيه لمدة شهرين بعد ذالك يوضعن بالسوق ,,,


أجل عمرها خمسين ويعاملونها بهذه التصرفات وذا المدير يقول حنا ثقه يعني لو الهيئه ممكن ,,,,

[ام لمى ودرر]

شكواي لله اجل حرمه كبيره بسن ويعاملونها كذا والله ضاق صدري لييييييش يا الوشاح الحرمه والرجال اذا كبرو يصيرون اباء وامهات الجميع............ ولا نرضاء بلي صار............

[buraydah]

أخي الكريم أبوسليمان معروف عن أسواق الوشاح الحرص والالتزام والمحافظة على العملاء وهذا من حرصهم ولله الحمد وسبب منعهم ليس لأنها امرأة كبيرة ولكن حتى لايقال أن أسواق الوشاح تسمح بجوالات الكمرة ثم أن هناك خطأ يتحمله أبناء هذه المرأة وهو عدم إخبارها بأن جوال الكمرة ممنوع في مثل هذه الأماكن ، وقد يكون هناك حدة في التعامل مع والدتك فهذا قد يكون وهو أمر طبيعي لايعني التعميم على مثل هذا السوق المحافظ ..

وفقك الله حبيبي أبوسليمان واسأل الله أن يجعلنا وإياك من البارين بوالدينا ..

[حلوة القصيم]

انا ابقولك موقفي
انا مره رحت للوشاح ولا جبت جوال معي
وفتشت بالشنطه وفتشت بكل اغراضي
يوم سألته وش عندك
قالت ادور جوالك
قلت مامعي
قالت مو معقوله ولدي ما سلم نتفته تنتيف
وما لقت
انا ما جبت معي لاني متعنيه ما اجيبه
مالي خلق انقل شرايح من جوال لجوال
بس كل ما مريت من عند الاستقبال بس تناظرن
الحمد لله والشكر...
بس موقف والدتك ما يسكت عنه...

[طموح مشرق]

الغلط من العاملات كيف تم الدخول بالجوال بدون تفتيش..والتعامل والتصرف هذا مع بنت مراهقة سيء جداً فكيف بإمراءة كبيرة بالسن..والله قهر اللي يصير.مافي ذوق في التعامل..
.زادك الله برا بوالدتك..

[يـزوودي]

لاحول ولاقوة الا بالله
بس هاذي به عنصريه
كيف دخلت جوال كام
مو فيه تفتيش؟

[شقى الروح]

الحمدالله وشكرالمشكله ان العاملات الي عند الباب كلهن معهن جوالات كامره

وين المسؤل عنهن وين الهيئه

[الماسة الذهبية]

:لا تعليق على هذا الموضوع ,,,,,:

[ـالتُفاحة الورديّة]

الحمدلله والشكر هذا تصرفاتهن !!!!!!!!!

والله اسواق الوشاح مالي خلقه كتمه كتمه تعجز تنفس

اخر مره رحت له وحرمت بعده اروح ثانيه

[~وراهـ تسذا~]

تعاملهم غبي صراحه مع كبار السن (( اذا كان هذي اولها ينعاف تاليها))

[صوت البحر]

اسواق الوحوش مو اسواق الوشاح اسواق منتهية الصلاحية هههههههههههههههههههههه

[ابوولعf]

يحبيبي الخطاء عليكم انت بعد مترضي اي وحده تدخل بجوال كاميره وتصور اهلك لوكانت كبيره بسن النظام نظام