[فهد.]

[POEM="type=1 color=#0000FF font="bold medium Tahoma, Verdana, Arial, Helvetica, sans-serif""]عديت فـي رجـمٍ طويـلٍ مسيّـان=ياما على روس الطويـلات عدّيـت
ما نيب والله يـوم اعديـه طربـان=متضايـق دايـم زنيـت وتناهيـت
أزنت زنيت اللي من الزهد زهقـان=وانهت نهيت اللي تنهت على (هيت)
ياقلب ياللي بالهواجيـس غرقـان=اترك كثيرات الهواجيـس ياشيـت
لا تبحث المكنون والصـدر مليـان=لادك هاجوسك مـن النـوم فزّيـت
ذالي ثمان سنين يا حيـف وجعـان=لو (ليت) تبري علًي قلت (ياليـت)
لاشك قولة (ليت) للرجـل نقصـان=اما حصل لي مطلبي مت ماابطيـت
إذا انفتح للشعـر بالصـدر بيبـان=تراسلـن كالـورد بيـت ورا بيـت
ما اني على نظمي للاشعار شفقـان=ياكثر ماالوي قافهن لا استحسيـت
انشي وعايرهـن بفكـري بميـزان=ومن قول شعّار العرب مااستمديـت[/POEM]

القصيدة 74 بيت
اخترت 10 من بداية
وهذولن 8 من النهاية

[POEM="type=1 color=#0033FF font="bold medium Tahoma, Verdana, Arial, Helvetica, sans-serif""]تكفن يالترفات يا نجـل الأعيـان=شومن عن اللي غافي تقل خرتيت
ياللي هدب نجلك كما ريش غربان=في سوق بياع الذهب ما تمشيـت
ياغصن موز ناعم وصط بستـان=من أي ماهبّ الهوا بـك تثنيـت
وخد كما بـدر يشعشـع إذا بـان=نظيف جيب وللعشاشيق مااغضيت
ابـو ثمـان كنهـا حـب رمـان=او قحويان في محانـي سواريـت
شم ياحسين القد يامطرق البـان=للـي إذا لـذت بذراهـم تذرّيـت
(تميم) دوح المجد ممتد الاغصان=اهل الشرف في مدحهم ماتخفيـت
ماناض برق ورف طير بجنحـان=على النبي سيد المخاليق صليـت[/POEM]

الشاعر / عبدالله بن علي بن صقيه
اتمنى باني وفقت بتقديم
مايروق لذائقتكم
ولكم أجمل وارق التحايا