[متصفحة]

غاليتي ..

النظرة الشرعية لآتعني قبول الشكل والمظهر فقط

هي أعمق من ذلك

فسبحان الله الذي ينشيء بينهم مودة ورحمة

وفي علم الطاقة هو إنجذاب و إنسجام روحي أعمق من النظرة

تتقارب الأرواح وتتألف فيما بينها

فيحصل القبول

وإستخيري المولى الخيرة المباركة وإسأليه إياها

[على بلاطه]

ربي يوفقك ويستر عليك ويسعدكـ

اقصى مده المفروض تكون اسبوع واللي اطول من كذا اشوفها مبالغه....

[ـالتُفاحة الورديّة]

اقتباس المشاركة الأساسية كتبها الورد الجوري ليه ليه حبيبتي تتحطمين خليك ياعمري قويه وبعدين يااموره اذاما اعجبتيه بتعجبين مية واحد غيره عيون الشباب مووحده... وبعدين اذا ماوافق مومعناه انك مو حلوه زي ماقالوا الي قبلي الراحه للشخص نفسه اهم من الشكل.... وكلي امرك لربك ولاتفكري كثير ترى كثرة التفكير تذبل الوجه.... ربي يوفقك ويجعل دربك السعاده والمسلمين اجمعين....والله شلت همك...

آآآآآمين والمسلمين اجمعين والله كلامك وسعتي صدري

لايضيق صدرك حبيبتي كلنا مرينا بالتجربه هاذي

انا انخطبت قبل شهر وبعد السؤال عنه و افقنا عليه طبعا بعد صلاة الاستخاره وافقنا

وبعد الشوفه هو رفض

وجلس ثلاثة ايام اليوم الرابع علمون اهلي انه ماصار شي

وانا اتوقع انه معلمين اهلي باليوم الثالث بس حنا حصل عندنا اجتماع ولا رضوا يقولون لي

قايلين خله تستانس واشوف من كلام اخوتي لي حسيت بهالشي لانهم كانو يمزحون معي يبي يهونون علي

واول ماعلمتن امي احس الدنيا كله فوق راسي مو عشان ابي الرجل الرجل بداله 100 رجل

وهي تقول يمكن خيره لك والله يعوضك بالزوج الصالح

بس الشوفه قهر ثم قهر يشوفن ويرفض

بس شوفي يااختي صلي صلاة الاستخاره واستغفري ربك لعل لو ارفضوا يكون خيره لك انتي

[جروح الزمن]

اسمعيني يالغلا زين

الرؤية الشرعية حق لك وله واذا تمت فعلا بعض الشباب عنده تردد عجيب غريب يعني لو وضع نفسه مكان الفتاة لما قبل ان يخرج بعد الرؤية الشريعه ويترك الفتاة اسبوع اسبوعين وهو مارد على الناس لو كانت اخته لما رضي لكن الله المستعان الناس ماتفكر الا بمصلحتها

يعني يفترض يالغلا انك تحطين اسوء الاحتمالات مو تشائم لا لكن علشان ماتنصدمين صدقيني اذا مااخذت انتي من الحياة دروس واستفدت منها ماحد يبي يجي ويعطيك دروس

يعني مثل ماقالو البنات المده تختلف احد يرد علطول واحد بعد ثلاثه ايام واحد اكثر من اسبوع
لكن ابقولك ترا حتى بعد الرؤية الشرعية ورد الخاطب عليكم يمكن تتعثر الامور قريبة لي شافها ورد عليهم بعد ثلاثة ايام ومرتاحه واهو مرتاح ويمدح فيها وراح وحللو ؟؟ المفاجأه اعتذر ماصار شي تخيلي بعد فرحتها علشان كذا اقولك هيئ نفسك ولايهمك شي الحمدلله
والنظره مو للجمال وحدها انما للراحة النفسيه
وافتراضا لو لم يحصل شي واسال الله لك التوفيق وانه يرد لكم
خليك عاديه جدا ولاتنكسرين ولايصير بخاطرك ربي كاتب لك واحد احسن منه قد يكون مافي خيره انك تاخذينه
والحمدلله على كل حال
كلامي هذا من خلال تجربه وواقع
وأسال الله ان يوفقك وان يرزقني ويعوض صبري خيييير

[أم التوأم]

اقتباس المشاركة الأساسية كتبها شموخ طفله جزاك الله خيرا اختي ولكن ماهو شعورك عندما اخبرك والدك او ولي امرك بعدم الموافقه..................... اني اكتب لك ودموعي تغرر في عيني انا خائفة من ان تتحطم نفسيتي ...... هل يعيبني شي ؟؟ ام لم يعجبه شكلي ؟؟ اومظهري؟؟ وفقك الله غاليتي

شوفي
صراحه ما اكذب عليك واقول ماهمني لا ؟؟ هامني ونص
يوم الاول حزنت
الثاني حزنت كثير وبكيت
الثالث لسا ما ادري

بدأت تقل ثقتي بنفسي وشكلي لكن انا احاول انو مايصير هالشي عندي واجاهد نفسي
لكن كثيرا ماتغلبني قلة الثقة لكن بأانتصر عليها باذن الله

لكن هذا كله ماراح يروح هدر
كله على أجر
الشوكة هالبسيطة اللي يشاكها المسلم له أجر عليها
فكيف بالامور الكبيرة

أسأل الله أن يخلف علي بمن هو خيرا منهم علما وتقى وخلقا وصلاح و و و و و كل شي

الله يربط على قلبك ويثبتك ويكتب لنا ولك مافيه الخير في ديننا ودنيانا

[أم التوأم]

شموخ اذا اردتي اي استشاره ولا شي خاص

ارسلي لي ع الخاص

وفقك الله

[شموخ طفله]

اقتباس المشاركة الأساسية كتبها بحر الهناء ياقلبي ياشموخ منه هالرجال اللي يستاهل انه تنزل دمعه منك ابوك اخوك شوفي ياقلبي الجمال مو اساس رفض الخاطب وقبوله كثر الراحه النفسيه لشخص شوفي نفسك يمكن تقبلتيه وهو قبيحه ومفارقه الجمال بس انك ارتحتيله واعرف واحد خطب كم وحده جميله ولايعجبنه بالاخير تزوج وحده عاديه جدا وانتي استغلي هالوقت بالاستخاره ولاتجلسين بمكان لوحدك واشغلي عمرك باي شي وخليك بهالفتره متوقعه اي شي ولا تحلمين احلام يقظه بفارس الاحلام علشان ماتنصدمين لويرفضك واسالي ربك الخير في كل شي يصيرلك الله يرزقك وبنات المسلمين العبيد الصالحين دعواتي لك بالتوفيق

مشكوره اختي جزاك الله خير

[شموخ طفله]

اقتباس المشاركة الأساسية كتبها الورد الجوري ليه ليه حبيبتي تتحطمين خليك ياعمري قويه وبعدين يااموره اذاما اعجبتيه بتعجبين مية واحد غيره عيون الشباب مووحده... وبعدين اذا ماوافق مومعناه انك مو حلوه زي ماقالوا الي قبلي الراحه للشخص نفسه اهم من الشكل.... حبيت اذكرلك موقف صارلي يوم كنت بثالث ثانوي زميلتي الي كانت بجنبي نوعا ما كانت مو جميله مره عاديه وتعرفين كل ما صار وقت فراغ كنا نسولف مع بعض مره قالت كيف الزوج يحب زوجته وهي موجميله اللي فهمت من كلامه انها تقصد نفسه مانخطبت وقعدت تقارن بيني وبينه وتقول انتي كذا وانا كذا قلتلها الحب بالقلب مو بالشكل قالت صدقتي واسكتت بعد فتره تقولي كل ماتذكرت كلامك رفع معنوياتي بعده دخلنا الجامعه هي ثاني سنه تزوجت وهي كانت تعد نفسه موجميله وانه ماراح تنخطب وكانت تقولي بتتزوجين قبلي واناللحين ما تزوجت تزوجت هي قبلي الارزاق بيد الله يعني لاتعتبرين نفسك شينه اذا رفض وتتحطمين.... وكلي امرك لربك ولاتفكري كثير ترى كثرة التفكير تذبل الوجه.... ربي يوفقك ويجعل دربك السعاده والمسلمين اجمعين....والله شلت همك...

جزاك الله خيرا
اختي انا مؤمنه بان الارزاق بيد الله ولكن بعد ماتدخلين عليه وبعدين يرفض احسن لازم النفس يصيبه شي من الانكسار ......
اما لو كان الرفض قبل الشوفه لكان اهون بكثيييير

[شموخ طفله]

اقتباس المشاركة الأساسية كتبها الـصـمـصـام أسأل الله التوفيق للجميع ..

جزاك الله خيرا اخي

[شموخ طفله]

اقتباس المشاركة الأساسية كتبها ماتهاب ياشيخة لايضيق صدرك ولا شي كانك مستخيرة فإن رفضك خيرة وإن قبل فيك خيرة الحمدلله , وبعدين إن رفضك بيجيك عشرة أفضل منه الدنيا مو واقفة عليه ! ولاتفكرين انه رفضك لسبب في شكلك أو أنك مو حلوة أو شي من هالحكي , مثل ماقالوا اللي قبلي المسألة راحة نفسية مالها دخل بالشكل .. * نصيحة توقعي أسوأ رد منه علشان ماتنصدمين .. الله يوفقك ويكتب لك الخيرة ..

آمين
الله يجزاك خير

[شموخ طفله]

اقتباس المشاركة الأساسية كتبها يرموك عليكم السلام ورحمة الله وبركاته . الأخت: أسعدها الله ووفقها . أسأل الله لكم التوفيق، وأن يكتب لكم الخير حيث كان . ولا بد من التروي والانتظار، ولا تجزعي إن أعرض الخاطب، فالزواج رزق من عند الله . والقلبُ -لا شك- يزيد وجْده في مثل هذه الأحوال، فاللجـأ إلى الله -عز وجل- في هذه الظروف لا يعدله شيء، والله قد قدر الأرزاق والآجال قبل خلق الإنس والجن، فكل صائر إلى حيث ما كتب له، فارض بما قدّره الله لك، واسع في تحصيله . ثم إني أعتبُ على بعض إخواني الذي عرّضوا بالخاطب، ولعلهم لا يعلمون عن الأحوال شيئًا، فينبغي التروي في مثل هذه الأمور، وأن لا تطرح الآراء بهذا الشكل. ولأن الزواج ميثاق غليظ، وحد من الحدود؛ فالتأني فيه أمر مهم جدًا، والنظر إنما جعل لأجل الراحة، كما قال النبي -صلى الله عليه وسلم- انظر إليها؛ فإنه أحرى أن يؤدم بينكما. فعليك الصبر والدعاء بالتيسير وتعجيل الزوج الصالح . أعانكم الله، ورزق العُزَّب من الرجال والنساء أزواجًا صالحين .

الله يجزاك خير
صحيح انه لابد من التروي والصبر في مثل هذه الامور لكن ان تبقى الفتاة منتظره هذا صعب ومقلق في نفس الوقت.......
وبعضهم قد لايخبر بشي يخرج ويصمت لانعلم هل صمته موافقه ......
ام صمت بلا رجعه والصمت كفيل باخبارهم بأنه رافض.......!!
لا احب الصمت في مثل هذه المواقف...............

[شموخ طفله]

اقتباس المشاركة الأساسية كتبها متصفحة غاليتي .. النظرة الشرعية لآتعني قبول الشكل والمظهر فقط هي أعمق من ذلك فسبحان الله الذي ينشيء بينهم مودة ورحمة وفي علم الطاقة هو إنجذاب و إنسجام روحي أعمق من النظرة تتقارب الأرواح وتتألف فيما بينها فيحصل القبول وإستخيري المولى الخيرة المباركة وإسأليه إياها

جزاك الله خيرا

[شموخ طفله]

اقتباس المشاركة الأساسية كتبها على بلاطه ربي يوفقك ويستر عليك ويسعدكـ اقصى مده المفروض تكون اسبوع واللي اطول من كذا اشوفها مبالغه....

مبالغه!!!!
ام تروي.....

[شموخ طفله]

[quote=لبنى عبدالعزيز;2411476]آآآآآمين والمسلمين اجمعين والله كلامك وسعتي صدري

لايضيق صدرك حبيبتي كلنا مرينا بالتجربه هاذي

انا انخطبت قبل شهر وبعد السؤال عنه و افقنا عليه طبعا بعد صلاة الاستخاره وافقنا

وبعد الشوفه هو رفض

وجلس ثلاثة ايام اليوم الرابع علمون اهلي انه ماصار شي

وانا اتوقع انه معلمين اهلي باليوم الثالث بس حنا حصل عندنا اجتماع ولا رضوا يقولون لي

قايلين خله تستانس واشوف من كلام اخوتي لي حسيت بهالشي لانهم كانو يمزحون معي يبي يهونون علي

واول ماعلمتن امي احس الدنيا كله فوق راسي مو عشان ابي الرجل الرجل بداله 100 رجل

وهي تقول يمكن خيره لك والله يعوضك بالزوج الصالح

بس الشوفه قهر ثم قهر يشوفن ويرفض

بس شوفي يااختي صلي صلاة الاستخاره واستغفري ربك لعل لو ارفضوا يكون خيره لك انتي[/
quote]

الله يجزاك خير
الرفض بعد الشوفه جدا محبط
واحس حتى اللي حولي مشفقين علي

انتي بعد ثلاثة ايام .........
افضل بكثير من اللي جالس ينتظر لايعلم ماهو مصيره ...........
خرج وهو صامت ومازال.....