 |
|
|
|
|
26-08-2010, 07:25 AM
|
#23 |
|
عـضـو
تاريخ التسجيل: Jul 2009
البلد: القصيم
المشاركات: 385
|
الموقف الثاني من يوميات جدي حمد الله يرحمه مره من المرات كان جدي مدرهم نوعا ما , عاد جدي من الناس اللي يضيق صدره لا صار معه قروش مدري وش السبب ؟ الظاهر يخاف يسرقن ويقول خلن ألعبهن أحسن من إنهن يسرقن لأن به واحد من عيال خوالي إيده خفيفه لا دخل ولقى جدي نيم بالغرفه أخذ الدراهم همن جحيد  المهم كان مدرهم مثل ما قلنا وراح الصبح للغنم وشاف له واحد ولعب عليه قال غنمك يبيلهن تيسين زياده , وإذا جزمت ترى عندي بالمزرعة إذا خبرت أحد يجي ياخذهن علمن وخله يجي ويجيب الدراهم .. والله ويجي يدق على البيت : ـ السلام عليكم ـ وعليكم السلام ـ سليمان بوووه ـ إيه ياجد وش تبي به ؟ ـ قولوا له يجي لمي بالمشب ضروري  ـ طيب إن شاء الله ـ طوط طوط طوط < تراه مايعرف يقول مع السلامه منذ مبطي المهم قالوا لي أهلي يقول جدك تعال لمي بالمشب ضروري .. ويوم قالوا المشب الصراحه دخلن الماء قلت عاد وراه يبين أجي بالمشب  !!!ومن باب إحسان الظن توكلت على الله ورحت : ـ السلام عليكم ـ وعليكم السلام ـ بالخير ياجد ـ ياهلا بالسلمي <<< يتمصلح تراه ـ شف وأنا جدك عند أبوصالح الـ؟؟؟ تيسين رح جبهن ودوك الدراهم عطهن إياه ـ طيب أبشر << تراي عارف إن مابه شي بلاش خبري به لا جيت خمسين مابه منه حقت المشوار المهم وأروح وأدخل المزرعه وألقى أبوصالح وأكلمه بالموضوع قال هات الدراهم همن إحتس  قلت طيب خذ لا تبلشنا << بيني وبين نفسي  وكان معي كرسيدا XL  المهم الرجال يدخل الحوش ويجيبهن قال إفتح الشنطه ونحط واحد بالشنطه والثاني ماله مكان وجينا حطيناه بالمرتبه اللي ورى  وهنا يأتي دور الدلاخه بس تراي صرت ذهين الحين منب على خبركم  ويوم حطيناهن ومشيت لي شوي ومسكت خط مزارع إلا ويجيك التيس من ورى يمشي 260 كلم وأبو الشباب يشوف القزازه من قدام يحسب مابه شي  مادريت إلا وهو طآآآآآآآآخ بالقزازه وصارت سبعين كسره وابن الكلب ماجه شي بس فلقه بسيطه براسه وأجيك أسفط على جنب وأشغل فلشر وطردي أنا والتيس بالشارع وأشوى وقفوا بعض المحسنين وما قصروا وتحجير للتيس لما مسكناه وأجيك وأحطه بالشنطه فوق خويه قلت لابوك لابو اللي جابك << معصب وراه يكسر القزازه  وأروح لجدي وأنزلهن وأقوله السالفه قال حرام حرم
الدم إن مايقعد مع الغنم ولا ليلة وش رايك نتعشاه الليله؟ قلت : تم فكرة صايبه << يحسبن أبقول لا ونجيك نتعشاه ذيك الليله << أنعم الله عليك يابو حمد ويوم قضينا متعشين وهو يأشر لي وأجيك طيران لمه خابر إنه مانسي القزازه  وعطان مبلغا وقدره وقال هذولي حقت القزازه رح بكرى وصلحه ولا عمرك تجيب لي تيوس مره ثانيه <<< الظاهر هو اللي داق علي  إلى اللقاء مع  مواقف أخرى في الأيام القادمهأكرمكم الله آخر من قام بالتعديل sssــlــيـoـآآآنــ; بتاريخ 26-08-2010 الساعة 07:57 AM. |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي