[الخفاش]

إجآبة على أسئلة الغآلي شقرآوي من أحد المنتديات المهتمة بالسفريات
الحقيقة أن الأسئلة ذي مهمة جدا و قد يحتقرها البعض لكن ما يتبين أنها مهمة إلا إذا كنت هنآك و بلشت

اقتباس س1/ بالنسبه للفلوس ( الكاش) تعرف اني راح امر على الاردن وسوريا وثم تركيا لازم اصرف لكل دولة مبلغ معين او اني اكتفي بالفيزه ( اقصد اللي عند الراجحي اللي تشحنها على كيفيك .. ان شاء الله عرفتها) ولا ما تنفع هذي وان كان تنفع هل كل الصرافات تصرف منها او البعض (كم ياخذون عليك على كل عملية ؟ سمعت 20 او 35 ريال ؟؟ ) لاني وانا اخوك شايل هم الكاش ما ودي آخذ معي 15 او 20 الف في كل مكان ؟

طريقتنا كالآتي : كل وآحد معه قطيته و إذا إحتاج مسؤول الميزانية لشيء سحب منا مبلغ معين .
و أعتقد الفيرى تغنيك لكن إسئل عنه لأني مآلي خبرة فيها
أما كم ياخذون عليك على كل عملية فللأسف لا أدري لأني ما جربت الشيء هذا

اقتباس س2/ بالنسبة للسرعه والرادارات في كل مكان ولالا ؟ وكم السرعه عندهم << اخوك يسرع الله يهديه؟؟ قد اخذت قسيمة يا ابو فهد؟

الأردن مليانه رادارات وخاصة من الجمارك السعودية إلى عمان و من عمان للجمارك السورية أما في سوريا لم نشاهد أي رادار و ربما تكون صدفة لكن خذ حذرك .. أما في تركيا فلا يوجد إلا في الطرق الرئيسية ذآت المسارات المتعددة .. و السرعة تختلف من شارع لشارع .

أما حنا أخذنا قسيمة على طريق الجوف حول جبة

اقتباس س3/ السكن في اوزنجول تحصله على طول ولا قروشه شوي اخاف نجي ولا نحصل شيء وبعدين سكنهم ممتاز ولا مش حالك ؟

حنا رحنا في وقت أغسطس و الناس في كل مكان معطله و الحمد لله حصلنا سكن وخاصة إذا كنت ما تبي إلا غرفه وحدة بسهوله تلقى , لكن الإحتياط وآجب لو تتصلون على أصحاب الشقق هناك و تستفسرون , و الأرقام موجودة بالملف المرفق في آخر جزء .
و سكنهم ممتاز بالحيل و النظافة جداً رآئعة .

اقتباس س4/ بالنسبة للسلطان مراد وبحيرة السمك ووو اقدر اروح لها بالكامري ولا صعب الطريق مره ؟

سلطان مراد أغلب طريقها معبد ( أسفلت ) وسهل جداً
أما بحيرة الأسماك فطريقها صعب و يزدآد صعوبة في بعض حالاته و أعتقد أن الكامري صعب عليه نوعاً ما لأنه طريق صعود بالجبال ..

اقتباس س5/ افياش الكهرب في اوزنجول كيف شكلها ؟ ثنائي ثلاثي ؟ نجيب قسام ولا ما يحتاج .. عشان الشاحن وغيره؟

اللي رأيت هي تحتاج لأفياش بهذا الشكل :


لأن نوع الأفياش اللي عندهم من النوع اللي ثنائي مدور و داخل شوي .

اقتباس س6/ حنا ناوين ان شاء الله ناخذ العزبة معنا ولا نبي نكثر من المطاعم تهقى نلقا عندهم تيوس ولا خرفان ههههه لحم بشكل عام ( << راعي طوووويله )؟

كفووو هذآ السنع
أنصحك تاخذ تيس من سوريا و تحطه في ثلاجة كهرب إذا كان عندك متسع .
لأن في أوزنجول ما حصلنا إلا لحوم أبقآر و دجاج .

اقتباس س7/ بالنسبة للأتصال انا جوالي فاتورة معمم وش رايك في خدمة التجوال ؟ بعدين سمعت انهم يقولون الجوال إذا كان موب من تركيا يطفي بعد كم يوم لازم يكون شريحة تركية ؟

خدمة التجوال حلوه لكنها غاليه شوي يعني يحولونك على شبكة قيمة الدقيقة 4 ريالات و فيه شبكة ثانية قيمة الدقيقة 18 ريال ( للمكالمات الدولية ) ولا صحة لمقولة أنه يطفى الجوال إذا كان من غير تركيا و هذا مجرب .
إذا كنت راعي إتصالات أنصحك بالشريحة التركية لأنها أرخص .

اقتباس س8/ تنصح بالقارمن ولا ما يحتاج واضح الطريق ؟

لابد من توفر القارمن بشكل أساسي سواء كان جوال أو غيره و أقل القليل خريطة لكن القارمن راح يريحك و يختصر لك أشاء كثيرة جداً .

اقتباس س9/ بالنسبة لغسيل الملابس عندهم مغاسل ولا انت وشطارتك ( فيه غسالات في البنسيونات ) ؟

الغسل مو مهم لأنك إن ما حصلت مغسلة أو أحد يغسل لك أنت تغسل على طريقة الأجداد
لكن المهم هو التجفيف لأن الجوء هناك رطب جداً و رذآذ صعب تجف الملابس بدون آلة التجفيف اللتي يندر تواجدها هناك و قد تختلف الأمور بإختلاف الزمان و الأجوآء .

اقتباس اتمنى اني ما اكثرت عليك الاسئلة وتحملنا ياابو فهد

غآيتنا مسآعدة أخوآننا بما نستطيع لتيسيير لهم سفراً هانئا بإذن الله ..
و أي سؤال أنا موجود