[صقرشمر]

شكرأ لك يا بوربـــــــــــــى
على النظر والتدخل السليم في العيار الثقيل
المنصب على عقول الشباب << ساهر المجنون>>
الواقع انظار السائقين على جنبات الطريق
تقبلوا مروري

[المتقطع!!!!!]

ياشباب يقولي واحد بالمرور أن فيه أنواع سيارات جديدة لساهر يقول فيه صني وفي أنواع ثانيه....

مادري يمكن يبدون يحطون فيها الكميرات...

احذروا ياشباب منها ...

تراهم دجوا من بريدة مالقوا فلوس زي الرياض ....

القصمان شديدي الحذر .....

[ابو خميس]

بسم الله الرحمن الرحيم



وشلونكم عساكم طيبين .... بخير >>> ايه الحمد لله



انا ودي أدري هالحين ساهر ذا ايقاله هو ووجهه يبي يلعب علينا هو الاهالحين مايدري انه ببريده



المهم ماودنا نطول بالسلفة ودنا ندخل دغري على قولة السورييين ....



وحنا نمشي أنا وخيي في طريق الشاحنات في مدينة بريدة عاصمة القصيم



ليقينا على الحجاج الايمن >> يعني يمين .. جيب موتسوبيشي الصغير ذا وبوسطه كاميرة ساهر



تبي تبدا بلهم خلق الله بس الله ستر وهدو العالم قبل الكاميرا والحمد لله





الهدف من هذا الموضوع .....

1- اننا نبي نتسبب في قلع نظام ساهر .

2- اننا نبي نبه خلق الله من نظام ساهر .

3- وأخيرا تراهم بادين ياخذون سيارات هدد الشكل الجديد وجيب ميتسوبيشي .


لا تواخذونن على كثر هرجي >>> تران تسذا شد بلد .



مع تحيات : مثل أمس ها الحزة

[جود بلس]

مشكور ويعطيك العافية
والله ياهو مشكله
شكلي بحول راتبي علية
ههههههههههههههههه
تقبل مرووووووووووري

[ابوسليم]

الله يسمعك منك ويقلعون ســـارق عــنا يارب

[الهُمــام]

كنت سأكتب موضوعاً في شأن ساهر لكني عدَلت عن ذلك لبعض الأسباب الخاصة..

أما قولك أخي (نبي نتسبب في قلع نظام ساهر), فلا أظنه أمراً مجديا, وربما تقول لماذا ؟
الحقيقة أن الإنسان حينما يتأمّلُ تَبِعات هذا النظام, يجد أن جملة من الناس قد حرصت على
عدم مخالفة النظام؛ والتي-أي مخالفة النظام- ربما تسببت في كثير من الأحيان إلى أضرار جسيمة
تصل حد فقد الأرواح !
وهذا أمر إيجابي يقرّه العاقل..


إنما الأمر الذي يحز بالنفس, هو طريقة تطبيق النظام وتفصيلاته..
خذ بعض الأمثلة:

وضع حدود السرعة لبعض الطرقات والذي يُحس الإنسان فيه بشئ من عدم الدقة
أوالدراسة المتأنية؛ فتجد بعض الطرق التي تتحمل سرعة 100 أو 110 يكون حد السرعة
فيها 70 !! وهكذا ..

مثال آخر:-وهو ما جعلني أكتب هذا الرد-

الضريبة المأخوذة على المخالفة, حينما يسمع الإنسان بقيمتها 300 أو 500 ريــال
يتفكر قليلا ويقول: هل المقصد منها الردع أو الإتّجـــار ؟! ويبدو أن الثانية أقرب ..

أعرف قريباً لي عند سداد مخالفة عليه, اضطر للاستدانة كي يسددها مبكراً حتى
لا تضاعف عليه !!
ولا أظن أن جنسه قليل في واقعنا اليوم, وإن لم يكن, فقريب منه !

أقول: مالمانع أن يكون قدرها قليلا 50 أو 100 ريــال ؟؟

فالمقصود من الضريبة, سيحصل بهذا القدر من المــال, ولسنا بحاجة إلى أنظمة
تحصد أموال الناس باسم التنظيم والإصلاح !


أتمنى أن يصل صوتنا للمسؤولين ولمن بيدهم التغيير, علّ هذه العقبات
في طريق الرُّقي والصعود أن تزول..





أخوكم/ الهُّمـــام


.

.

[ضرس النمله]

والله انا اخذت ثلاث قسايم من سارق في ايام متتاليه والله قهر يعني اليوم الرابع قررت بيع السياره بس ستر ربك
ياناس دورولنا حل والله الراتب صار لهم والمشكله اني مسرعة مره يعنى متعدي السرعه المحدده برقم واحد فقط والله مشكله

[يربش بريده]

ممتآآز يا أبو ربى

[*أبو سالم*]

بشارع الثمانين الظهر دائما تحصل .....باص او جيب صغير انتبه وبعض الاحيان في طريق الملك فهد وانت راجع من البصر بعد الدائري

[فــارس]

ساهر حرامي واكبر حرامي

احناء الى متي شعب مضطهد من ساهر مافية احد يأدب هالتاجر صالح كمال صاحب شركة ساهر اين المسؤلين
لى متي واحناء ساكتين والهتاجر يكلناء مثل الافعي
القسيمة 500 والشهر التالى 1000 مدبلة والله ثم والله حرام ونصب واحتيال وسرقة بالقوة مافية احد يحميناء
والله 80 % من الشعب مو قادر يعيش نفسة وعيالة وساهر فتح فمة علية
ساهر فكني من شرك انت تستهدف فقري ومذلتي ولن تستهدف سلامتي
لوانك تستهدف السلامة كان طلعت بالشارع وظهرت امام المواطنين بكميراتك وقلت انا هناء واشرت على الموقع
وبهذة الطريقة نضمت حركة السير التي تقسد بدون قسايم ولا ضر ولاضرار
وارجو من المسؤلين حذف هذا النضام الفاشل الذي سوف يسبب مشاكل وبكل وضوح (فقر )

تاجر حرامي منفك عليناء الحقو عليناء بأخر انفاسناء
القسايم وصلت الى 50000 وبعد ايام 200000


ارحمو مافي الارض يرحمكم مافي السماء

[عـبـودي]

مايخالف خل يحطون ساهر
بس مهب 500 الواحد يبلش وشلون يسدد
انا احتري المكافئه حقت الكليه ابي اسدد 800
كلهن ساهر
وحد 300 والثانيه 500
المشكله كلهن ماتعديت 100 والله ماتسمى سرعه

[فــارس]

اقتباس المشاركة الأساسية كتبها عـبـودي مايخالف خل يحطون ساهر بس مهب 500 الواحد يبلش وشلون يسدد انا احتري المكافئه حقت الكليه ابي اسدد 800 كلهن ساهر وحد 300 والثانيه 500 المشكله كلهن ماتعديت 100 والله ماتسمى سرعه

هذا الي يبي صالح كمال

يبي يبيع سيارتك بعد

لكن لن نسكت بل نقاوم هذا التاجر الملعون الضالم المحتال

[فتىى بريدة]

مشكوور على الموضوع

[*أبو سالم*]

فيه كاشف ساهر بالطائر الجوال