 |
|
|
|
|
28-09-2010, 12:38 PM
|
#1 |
|
مشرف أخبار بريدة
تاريخ التسجيل: Feb 2010
البلد: بريــدة || ~
المشاركات: 3,242
|
~ || new student ||~
دق جرس المنبه .. إنها التاسعة والنصف .. يآ إلهي لقد تأخرت كثيرآ أرتديت ملابسي على عجل توجهت إلى سيارتي وعندما ركبتها تذكرت إني نسيت جوالي فالغرفه <~ فيس كسلان ووده يغير القناة  اليوم قرر سماحتي بالتوجه للجامعه .. أبشوف وش عندهم يقولون إن الناس تدرس ! عاد قمت الصبح الساعه 9 والمزاج روقــآن [ من قال يلزي ] وفل الفل لبست ثويبي وشميغي وطقيت المشلح وتطيبت وطلعت ورحت للمسجد <~ شايب يولف شغلت الموتر وشغلت شريط ياسر الحزيمي أسمعه لي إسبوعين وعيا يقضي ..  توجهت إلى الجامعه وأنا ماغير هواجيس والسرعه المقرره من 80 إلى 90 وأقول والله يهالنظام مصيخن العالم مآدريت إلا بوايت يسقط من يمين والأكيد يمشي فوق 90 ! قلت والله يا هالأشكال الي تعدم العالم والموتر بإسم الكفيل ولو يصدم قال فلوس سويا انا مسكين ماعليه من آحد .. ! وقفت عند الإشاره طبعا الناس منتظمين ولا أحد يتعدى المشاة . الصرآآحه أأأوم الفله ياجماعة حسيت إني بلد كشخه .. طبعآآ كل هالعالم انواع الذراقه . وأنا منهم بعد الحقيقة سلبية هالنقطه إننا حنا الوسيمين نحرج من مضايقات الفتيات لنا عند الاشارات ذذ <~ كم غثيت من واحد ؟؟ ذذبعد شويات لقيت حادث يا ستــآر . فيه واحد كله @ جروح @  من قال يلزي ؟الله يستر علينا بستره ويحفظنا بحفظه  هاا أنا أقبلت .. هاهي الجامعة تبدو كـ قنى نخله بين عسبان <~  وصلنا الجامعة يآلله لك الحمد . لكن أول مادخلت البهو لقيت بنتين قدامي . قلت معقوله الجامعه خليطي  أو هذولي من المعجبآت الي ذبحنن بكل محل  الحروة إنهن ضايعات صح . إيه أولاه قولوا ضايعات حتى أرتاح <~ ماراح أكلمكم عن أني مسكت كل هندي بالجامعة . مدير فين روح انا جديد ولا راح اكلمكم إنه به كم واحد بلش بي . كل واحد أمسكه أقوله بابا <~ مسوي بزر ضايع بالحرم طبعا أعرف حظي انا . مستحيل أبي شي وآوصل له على طول لابديد من المشورة والتلعـ .. ] لكن اليوم صافن سرا أبي أخذ جدولي والعالم ماشاء الله كلن ياخذ جدوله والي يبي يحذف والي يبي مادري وشو . أمورهم طيبه يوم وصلتهم قال السستم عطلان عاد أحتريه يزين وأناظر بالجامعة . ماشاء الله تبارك الله نافورة وشغل عدل قسم بالله ما أحط هالنافورة ولا بسوق الحمام ! عآآد لعله تآآخر علي قلت أجل فمآن الله  وتوجهت للموتر ونكست للبيت ماغير صرفية بنزين وهواجيس . الحين كل هذا وانا يوم أقوم والشيطان قاضبن يقول وش تروح له ؟ وانا اتعوذ من الشيطان وأروح للجامعه أثر الشيطان معه حق اليوم يوم يقضبن إبراهيــــم .. هذي محاولتي .. قود بآي
__________________
قال أحدُ الصالحين : .. { نسْالُ الله تعالى أنْ يعطينآ .. فإنْ أعطانا فَرحنَآ مرّةً .. وإن منعَنا .. فَرحنآ . عشرُ مرّآت ..! لإن العطآء إختيآرُنا .. والمنعُ إختيارُ اللّه .. ~ وإختيار اللهِ . خيرٌ من إختيآرنا .. ! } .. آخر من قام بالتعديل أبو غــلا; بتاريخ 28-09-2010 الساعة 01:37 PM. |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي