[الفينوكه الأنيقه]

هذا فضل من الزوجه ع زوجها

[عصير مشوي]

اولاه المرة لاصارت ماتعرف تطبخ وش ابي به قولي لي يالله اشوف
يعني ابجيب شغاله لا معصي شوفو المشاكل من الشغالات لاتعد ولا تحصى من سحر ومشاكل زوجيه وكل بلا وجلاء لو اببتل اعد مشاكل الشغالات ماقضيت يعني شغاله كنسل
طيب يعني تبونن اجيب من المطعم عاد من زين مطاعمكم انواع الوصاخه البلديه نمين لا رقابه والا شي
وبعدين تخيل فطور غداء عشاء مطعم >>اصير عزوبي احسن
ولا تبون اطبخ انا<<لا بعد ماتبي انوم العيال ورضعهم لامنهم صاحو
وبعدين وراه ماتعرف تطبخ يعني ماتوفر عنده ادوات الطبخ الا متوفرات مير عجز وكسل ودلع زايد ولا وراه ماتعلمت الطبخ
طيب دامه ماتعلمت الطبخ لانه كسل ودلع
توقعون انه تبي تعرف تربي؟؟؟؟؟؟؟؟؟؟؟؟؟؟
يعني دامه ماتعلمت الطبخ ماتوقع انه تعلمت تربي لان الكسلان يبي يبتل كسلان
يعني اولاه لاتقولون انت معقد
اقولك انتم اولاه لاتفهمون التطور والتقنيه بعد غلط تجون علطول
يعني التطور موهب شغاله تطبخ لك او مطعم يعشيك
يعني فكرو اولاه لاتصيرون تجون جميع يعني موهب تسذا التطور
(وجهة نظر)

[دفا]

بالاول مـــــــــــــــــــا قلتي رايك صاحبة الموووضوع

خدمة الزوج تكون بالمعروف وانا بطبعي ما احب شيء فيه كلافة
وحلاوة الحياااة العيش بعزة بغض النظر طبخ او غيره
اذا الزوجة ما تسوي الشيء من نفسها انا ليه اطلب منها
والحياة تعطي من يعطيها

موضوع حساس ومفيد بنفس الوقت شكرآ

[السيد غلط]

دعي المذاهب الاربعه جانبا وحكمي عقلك وعواطفك
والله اذا انتي تحبينه ستسعدك خدمته والطبخ له وتنظيف وترتيب ملابسه
حتى لو هو رفض الطبخ او تنظيف البيت او الملابس, ستجدين نفسك تحلفين عليه

,,,,,,,,,,

من هذا الموضوع تتضح لي ملاحظه هامه على شخصيتك, احتفظ بها لنفسي,

على فكره الملاحظه ايجابيه!!!!!!!! لكن عسى الله يكفيك شرها!!!!!! كثير غيرك اكلنها على روسهن بسببها

,,,,,,,

السيد غلط

[الصباخ]

ههههههههههههههههههههههه دقيقه بضحك وبرجع لكم.
هههههههههههههههههههه ياربيييييه.
استغفر الله العظيم صدق لا قال حريم، تآخذون الدين على مزاجكم وعلى هواكم.


طيب خلونا نآخذ الموضوع حبّة حبّة بما إنكم تكلمتوا عن الواجب.
علماء الإسلام اتفقوا على أن الواجب على الزوج أنه ينفق على زوجته في المأكل والمسكن والعلاج والاحتياجات الضرورية فقط.
بمعنى أوضح: ماله داعي البنت تشتري ذهب وبديله إنه تشتري إكسسوار، كذلك وماله داعي تطلع للسوق بالشهر مرتين وبإمكانه الذهاب للسوق بالشهرين مرّة، وماله داعي تشتري ملابس ماركات وبإمكانه شراء أي ملابس رخيصه وكلهن يؤدين الغرض، وماله داعي تستخدم جوال وبديله الهاتف الثابت، وماله داعي تروح مستشفى أهلي وبديله المستشفى الحكومي، وغير ذلك من الأمور الكثيرة.

يا إخوان لا جينا نتكلم عن حياة زوجية، يجب إننا نتكلم عن حياة فيها تنازل من الطرفين.
من الرجل والمرأة، فالرجل يتنازل لأجل زوجته، وكذلك المرأة تتنازل لأجل زوجها.
أنا أرى كثيراً من الغير متزوجات هن من المتحمسات، وأجزم تمام الجزم إن الوحده منهن لا تزوجت راح تتغير نظرته للحياة بشكل 180% وحتى لو كابرت الحين، لأن الحياة الزوجية مبنية على الحب والمودة والعطف والحنان، الحياة الزوجية ليست عفرته وهواش ومن اللي أقوى من الثاني!
لكن الله يزوجنا ويزوجكم الأزواج الصالحين، آمين يارب.

[راقيه باخلاقي]

أذاكان هو يخرج من صباح الله خير الى أن تشتد حرارة الشمس من أجل أن يصرف على بيته وزوجته
وبعضهم من شروق الشمس الى غروبها يكد ويتعب
هل من المعقول أن تعجز الزوجة عن طبخ لقمة عيش يسد بها جوعه بعد تعب يومه !
تعب من أجلها فلابد أن تتعب هي من أجله مش معقول إذا جاء تعبان يروح يدور مطعم يتصدق عليه
والهانم ماغير حاطتها نومه يسمع صوت شخيرها اللي بالشارع
ليست المسألة واجب والا مش واجب بل تقدير واحترام
شكر خيتو شذى على طرح مثل هذه المواضيع

[نهوض امة]

خدمة الزوجه لزوجها شرف لها وسبيل لاادامة المودة والرحمة بينهما ثم هل هناك زوجه ترضى ان زوجها ياكل من المطاعم وهي عنده او ان يكون كل وجباته ياكلها عند اهله بحجة ان زوجته ترفض الطبخ له
واخيرا يكفي قول الرسول صلى الله عليه وسلم(ايما امراة ماتت وزوجها عنها راض دخلت الجنة)
الله يرزقنا الجنة واياكم وجميع المسلمين

[كتكوتة]

كلامك صحيح ليس واجبا..طبخنا وتنظيفنا لبيته وحتى لو طلبت خادمة ليس من الممكن ان يرفض..بل يجب عليه احضارها..ولكن حتى الزوج مو مسؤول يعالجني بمستشفى خاص ولايطلعني نزهات بريه ولايسافر بي ولايشتري لي كماليات. ولايوديني بيت اهلي كل يوم...؟!
لكن اقابل الاحسان بالاحسان عندما يوفر لي مااريد انا كذلك..
فوالله انهم يريدون سعادتنا ويلبون رغباتنا لو على حسابهم ..ليش مانحاول نسعدهم ونخدمهم كما يريدون..
ولكن دون ان يضغط علي فو ق طاقتي..
مثلا يتصل انا عازم 4رجال اطبخي وانفخي وسوي..؟؟
ليش مادقيت قبل تعزم وشاورته وشفت عنه هل هي فاضيه او تعبانه ؟؟عشان مايصير بخاطرها انك معتبرها خدامه...؟؟
لان الانثى رقيقة المشاعر ولاتحب الاهانه لنفسها وتحب من يقدرها ويعاملها بالحسنى..
وفق الله الجميع

[على طريق الأمل]

مثل ما أنتي تتعبين برضوه هو يتعب فهذا من أحترامي وحبي له أخدمه..

صدقيني لو تجربين حياة الرجال يوم وآحد يجيتس الشيب وتنهبلين!!

تخيلي نفسك يوميا طالعة تداومين
وتصرفين على بيت .**

وربي بتقولين أبسكن بالمطبخ*..


موفقه قلبي

[طبعي ذبح غيري]

من محبتك للشخص إنك تخدمينه ولو يطلب منك عيونك ماتردينه

و زوجي الي بيكون أقرب لي من حبل الوريد عجزانه أخدمه و أوفر له الراحة
وأنا بسوي الشيء الي يمليه علي عقلي وقلبي و خدمتي له دليل على المودة الي بيننا
وبصراحة أنا أكره الي تقول شايفني خدامه عنده وإلا أبي خدامه
هذا زوجك وإذا خدمتيه ماراح يضرك شيء والخدامة تقتحم الخصوصية
(( وعلى قولتهم المطبخ مملكة المرأة ))-->وهـ يحبي له المطبخ
فكونِ أنت الملكة

[* شــــذى *]

إلى البعض
ٌ
الرجاء توليع اللمبة عند قراءة الموضوع مرة أخرى وشكرآ









.
.

[الورود الناعمة]

يعني يتعب ويشقى وكمان يجيب لك أكلك من المطاعم وراه ما يجي من شغله ويطبخ لك ولعيالك يا أختي هذا من إكرام المرأة بس تصوري يجي بعد تعبه وأقوله مش من واجباتي أطبخ وكنس وغسل وكأن وجهي مغسول بمرقه وش خانتنا نحن النساء إن ما قمنا بواجب الأزواج

[حديقة العنب]

اضعف الرجال من يهدد زوجته بااخرى لاسباب تافهة ليست الرجولة بتهديد انما بقدرة على احتواء المشكلة بعقلانية تنبهر منها الزوجة فتكون لها ملكا في كل مكان وتصل خدماتها لك بكل حب وولاء فجرب الهدوء وروية والكلام الين وسترى مايسرك

[شجرة التوت]

والله الوحده لو تسمع كلمة شكر و مدح كان تطبخ طول النهار ما حست


لكن المشكله انقد و المقارنة هذي اللي تقسم الظهر لا تقولون اجرك من الله مهب منه. ادري . بس ليش حنا


لو يطبخ كان يوم كامل بس نتشكر ..حتى هو ينقز الاكل بمره من كثر مدحه روحه انا اعرف انا طباخ انا انا ااااا



صراحه انا مليت لا شكر ولاحمد .. حتى لو اسوي حاجه غريبه والله ما يتلفظ ولا بكلمه .؟
.


ولا لو يذوق شاهي اسود عند احد برى كان قال حتى الشاهي يحكرونة .يعني يعرف يهرج لا بغى .




لاتقولون يمكن ماتعرفين تطبخين لا والله اني اعرف وبشهادة اهله و اهلي ..بس المقرود مقرود