[&زهور الجوري&]

بالانتظار

[الفهد الأسود]

.: السلام عليكم ورحمة الله وبركاته :.


[ الجزء السادس ] (والأخير)

بسم الله الرحمن الرحيم ..


كيف حالكم ؟ إن شاء الله الجميع بخير ..

اليوم التقرير الذهاب إلى الشلال ثم الذهاب إلى كوتشين ثم في اليوم الثاني رحنا للبحر وسبحنا به ثم من كوتشين إلى مومبي بالطائره ثم من مومبي إلى أرض الحرمين

مكون من 48 صوره أتمنى أن ينال على اعجاب الجميع .

أولا راح أقول لكم جميع تكاليف الرحله للشخص الواحد مع التذكره ..

طبعا التذكره درجة رجال أعمال ( 1470 ) ريال سعودي ..

طياره من كوتشين إلى مومبي بقيمة (400) ريال << وهذا أكبر خطأ سويناو بالرحله إننا نزلنا بمومبي ..

القطه من ( 1600 ) ريال سعودي ..

1470+1600+400= 3470 ريال سعودي أي 41640 ربيه هندي للشخص الواحد ..

طبعا نحسب قطتنا بس يعني .. 1600 × 3 = 4800 ريال سعودي لثلاث أشخاص لمدة 10 أيام
أي بالربيه الهندي 57600

وهذي المصاريف كامله

الأن نأتي للتقرير السادس والأخير لان فيه ناس تنتظر أني انتهي
-------------------------------------------------------------------------

أولاً هذا إهداء للجميع



صحينا الصبح وأفطرنا فطور يحبه دين فؤادك همن مشينا إلى الشلال
رسوم الدخول ما يقارب 5 ريال للشخص ..



هذا المدخل تمشي ما يقارب 200 متر عشان تنزل للشلال ..





ترجمة قوقل لا أحد يدقق

dont feed wild animals
لا تطعم الحيوانات البريه .
teasing wild animals is punishable under wild life protection act 1972
إغاظة الحيوانات البرية ويعاقب بموجب قانون حماية الحياة البرية 1972 .



لقينا خوينا الي بكندالا ما كأن فيه لوحه تقول لا تطعم الحيوانات .. إذا كانت ترجمتها صح



متطنز بأبو يمن مخزن الرجال



قربنا للشلال



وهذا هو الشلال الحمد لله على السلامه



مهب أنا



بعض الصور للشلال .







ضربت علينا مطر وتغبينا تحت هالحصاته







هذا مجازف





خوينا جازف ونزل معه طبعا أنا ما نزلت هاه
صراحه عليه قوة جرف هالماء يعني الي ما يمسك روحه يروح بخبر كان وأخواتها



غطس



بالمكان الي فوق تبهذلت الصراحه ..
وأنا قاعد أنط من حصاته لحصاته عشان أصور طاحت نعلتي واقعد الاحقه ودور عصى جب عصى طب لا تطب والحمد لله اخر شي لحقناه انا وواحد هندي لمين مسكناه وصطرناه << مسك بكم خط

نكمل



هالصوره صراحه ضحكنا عليه ضحك .. أتحداكم تلقون خوينا من بينهم



طبعا سبحنا وفليناه وضحك وأخر شي ضربت علينا مطر حوالي 10 دقايق ضرب ما عمره مر على بريده مثله وقعدنا تحت حصاتتنا الي فوق لمين وقف المطر ومشينا عاد رجعنا للفندق

وهذي صوره بهلوانيه لخوينا الي بكندالا



مشينا من الشلال ورحنا سكنا بكوتشين لمين باتسر لان صارت مشكله شوي بالحجز بس الحمد لله عدت على خير . وهذا الي خلانا نرجع من الشلال بدري







صورت لكم الحمام (وأنتم بالكرامه) ما أدري وش الحكمه هالقزاز











طبعا صاحب الفندق يلعب هاللعبه وكل الفندق صور للاعبين الكبار وصور أفضل لاعب بهاللعبه والله ما ادري وش اسمها





فرقه موسيقيه كل ليله





الدرج طبعا مافيه لفت يقولون الرياضه زينه



قمنا الصبح وراح خوينا يحل المشكله الي صارت وهذا الي خلانا ندفع 400 ريال زياده على القطيه

المهم صار العصر مشينا للبحر يبعد تقريبا 30 كيلو وفيه امواج وحركات فله صراحه ..
وهذي كم صوره للبحر وطبعا ما قدرت اصور لاني طبيت صاروخ

في الطريق







وهذا هو البحر .





وقت الغروب .



رجعنا ونمنا ومن بكرة الصبح على قولة السوريين الساعه 6 مشينا للمطار وهذي بعض الصور وحنا بالمطار ومن هالحركات .





فوق السحاب .



احسن شارع شفته في الهند كلها



وصلنا مومبي الساعه 11 بالنهار وطيارتنا 11 بالليل اخذنا فندق قريب للمطار واخذنا لنا غفوه لمين العصر همن رحنا للمطار ومشينا للرياض والحمد لله على السلامه ..






كان معكم ( الفهد الأسود )




بهالصوره كنت بقلد بعض الناس بس ما ظبطت






وفي النهاية نصيحه للجميع ..

الي يبي يروح للهند يروح لكيرلا وبس .. يعني يحجز من الرياض إلى كيرلا على طول

فيه أفضل طبيعه بالهند بنظري طبعا ..


أتمنى أني وفقت في طرح صور الرحله كامله وأتمنى أنها نالت على اعجاب الجميع ..

واي استفسار أنا حاظر ..

تحياتي واحترامي لكل من مر من هنا ..

[الفهد الأسود]

^
^^
راعي الردود

[&زهور الجوري&]

متى بتنزل التقرير؟

[&زهور الجوري&]

تقرير رهيييييييب
بس لو تحذف الصورة الأخيرة
بوركـ فيكـ
دمتم

[الفهد الأسود]

اقتباس المشاركة الأساسية كتبها &زهور الجوري& تقرير رهيييييييب بس لو تحذف الصورة الأخيرة بوركـ فيكـ دمتم

حياك أختِ

عادي مافيها شي الصوره الأخيره .

[الجادي المدوف]

تقرير رائع ، استمتعت بمتابعته حتى النهاية ، جزيل الشكر الفهد الأسود

[الفهد الأسود]

اقتباس المشاركة الأساسية كتبها سواق تريلهـ ! تقرير رائع ، استمتعت بمتابعته حتى النهاية ، جزيل الشكر الفهد الأسود

العفو .. حياك أخوي ..

وإن شاء الله القادم أحلى

[نالا]

الحمدلله على السلامه
تقرير جونااااااان
طيب تصلح للعوايل
شكرا اوي اوي
والى رحلة قادمة ماتعة بإذن الله

~دمتم بخير~

[ام الملايين]

تقرير رائع
متابعه من البدايه
بس ابغى اسال عن اسواقهم يعني فيه مراكز كبيره
وهل هي حلوه ورخيصه
لاني اتمنى اروح للهند من زمااااااااان
وان شاء الله تبي تحقق امنيتي
وفيه عرب وخاصه سعوديات
وجزاك الله خير
ع التقرير الحلو

[الفهد الأسود]

اقتباس المشاركة الأساسية كتبها ام الملايين تقرير رائع متابعه من البدايه بس ابغى اسال عن اسواقهم يعني فيه مراكز كبيره وهل هي حلوه ورخيصه لاني اتمنى اروح للهند من زمااااااااان وان شاء الله تبي تحقق امنيتي وفيه عرب وخاصه سعوديات وجزاك الله خير ع التقرير الحلو

ايه في مراكز كبيره .. حتى أننا دخلنا مول أربع أدور كله أقمشه وشكله حلو صراحه ..

من ناحية الرخص يمن أقل منا بشي بسيط يمكن عشاننا سعوديين يغلون علينا ما ادري والله ..

من ناحية العرب ما شفت الا قليل مره ..

حياك الله أختِ .

[الفهد الأسود]

اقتباس المشاركة الأساسية كتبها نالا الحمدلله على السلامه تقرير جونااااااان طيب تصلح للعوايل شكرا اوي اوي والى رحلة قادمة ماتعة بإذن الله ~دمتم بخير~

الله يسلمك ..

بإذن الله .. حياك .

[نهـاوي]

رحله ممتعه
لو فكر احد يبتعث هناك كيف العيشه يعني بصراحه كذا
حسيتو بأمان ولا ع قلوبكم
لأن هناك في جامعات قويه ومعترف به لكن رغم المميزات في رخص المعيشه وبساطتها
ألا يبقى الأمن هناك هاجسي ..

وشوكرن

[الفهد الأسود]

اقتباس المشاركة الأساسية كتبها نهـاوي رحله ممتعه لو فكر احد يبتعث هناك كيف العيشه يعني بصراحه كذا حسيتو بأمان ولا ع قلوبكم لأن هناك في جامعات قويه ومعترف به لكن رغم المميزات في رخص المعيشه وبساطتها ألا يبقى الأمن هناك هاجسي .. وشوكرن

لا والله من ناحية الأمان مافيه أي خوف صراحه ..

صحيح كثير شفنا سعوديين مبتعثين بالهند ..

لا الأمن ماشاء الله غير ما توقعنا صراحه ..