[جنى الورد ~]

السلام عليكم ورحمة الله وبركاته ..


حبيت أنقلكم الحدث اللي صاار لـ بنت عمتي بالكليه قسم دراسات {اللي بالصفراء }
وحذروا بناتكم من الشخصيات اللي والله إنهن ماعندهن إيمان وخوف من رب العباد ..


بنت عمتي تدرس بالكليه دراسات
وتقول .. الكلام لـ بنت عمتي :إحدى أيام الإسبوع اللي فاات كنت أنا وزميلاتي واقفات نناظر الجدول وجت وحده وقفت معهن بس تقول ماشفت شكله ولا أعرفه وشوي حسيت براسي يوجعن وأحس بدوران مادري وش السالفه قلت لزميلاتي أحس راسي يوجع أبرتاح شوي على الكرسي
قالن زميلاتي خلاص إرتاحي وحنا نبي نجلس عن جنب {باللفه }
تقول جلست شوي وأنا ماأحس بالعالم إنتبهت وأثري أحس بدوران وغثيان وأناظر وين أنا فيه وين زميلاتي وأثري جالسه لحالي مامعي شنطني أدوره مالقيته أدور زميلاتي وأثرهن جالسات عن جنب
رحت لمهن وينكن ليش أنا جالسه لحالي قالن أنتي تقولين رااسي يوجعن وجلستي قلت طيب وين شنطتي قالن معك دورته ماحصلته
عرفت إن وحده حاطه عليّ سحر حتى تااخذ الشنطه المهم إتصلت على أخوي من جوال صديقتي وقلتله السالفه قال خلاص أهم شيء أنتِ مابك شيء
ويروح أخوي الله يحفظه للإتصالات ويوقف جوالي على طول وقبل يوقف بدأ يتصل عليه وترد البنت ولا تتكلم ساكته يتصلن زميلاتي نفس الشي بدن يرسل له وين الشنطه آخر شيء قالت لهن تلقونه بالدور الثالث بـ دورات المياه {أعزكم الله}
راحن وجابنه صديقاتي ولقيت إن البنت ماخذه الجوال والبوك فيه فلوس وثلاث ذاكرات وعطورات وكريم وجميع الكتب والمذكرات ماخلت إلا بطاقة الصرافه ..

حسبي الله عليه ماعند خوف من الله وهويراقبه بأي لحظه ..

[دوله الاحزان]

وش ذ ا وين حنا بوه

[بـحـور الـشـوق]

حسبي الله ونعم الوكيل
صحيح عالم ماشافت نعمه
قولي لبنت عمتك تحرص على ورده اليومي
والله يحفظنا وإياه وبنات المسلمين من كل شر
إنه سميعٌ مُجيب ...

[قلبــــ عبود ـــــي]

يممممممممممه ياويلي الله يستر علينا ابتمسك بصديقااتي خوفتيني

[المسافر]

سحر وقمره يا دافع البلاء

[ابتسامة تواضع]

يمـــــــه
بســـم لله علينـــا

[MEHWAR]

اعتقد انها سواليف حريم

وشلون سحر

يعني على طول جت البنت وسوتا السحر بثلاث ثواني

لا اعتقد الن السحر بهذه البساطة او بهذه السرعة

ويعني الساحره هذي ما ركزت الا على البنت هذي يعني يمكن انها غنيه

طيب ممكن نصدق تسان هذه الحادثه تكررت اكثر من مره

مهب تقلون لي تكررت 3-4-5

طيب معروف بالكلية في بنات يدوخن وتجي وحده وتسرق شنطته

حتى بالمدرسة لازم بالسنة يدوخ ثنين ولا ثلاثه

اما تقول سحر هذا شي صعب ان يصدق

انا لا اكذبك واقول ان كلامك كذب او كلام بنت عمك كذب

لا انا ااقول شي طبيعي بنت عمك داخت وراح تستريح ماد رت الا وهي نائمه وجت حرامية وسرقة شنطتها

[قلبــــ عبود ـــــي]

^^

طمنتيني شوي والله اني خفت

[توتة توتة]

الله يستر كل شي يصير بهالزمن لكن اللي يقرا ورده ويتمسك بكتاب الله وسنة رسوله لن يصيبه شيئا بإذن الله.

[جنى الورد ~]

اقتباس المشاركة الأساسية كتبها mehwar اعتقد انها سواليف حريم وشلون سحر يعني على طول جت البنت وسوتا السحر بثلاث ثواني لا اعتقد الن السحر بهذه البساطة او بهذه السرعة ويعني الساحره هذي ما ركزت الا على البنت هذي يعني يمكن انها غنيه طيب ممكن نصدق تسان هذه الحادثه تكررت اكثر من مره مهب تقلون لي تكررت 3-4-5 طيب معروف بالكلية في بنات يدوخن وتجي وحده وتسرق شنطته حتى بالمدرسة لازم بالسنة يدوخ ثنين ولا ثلاثه اما تقول سحر هذا شي صعب ان يصدق انا لا اكذبك واقول ان كلامك كذب او كلام بنت عمك كذب لا انا ااقول شي طبيعي بنت عمك داخت وراح تستريح ماد رت الا وهي نائمه وجت حرامية وسرقة شنطتها

لا مو سوالف حريم ولاشيء
هذا حقيقي حااصله لـ بنت عمتي
البنت مابه دوخه ولا شيء الحمد لله بأتم الصحه
بس هذي حاطه لبنت عمتي السحر نوع {القمره}
هذي يحطنه بأيّ شي سهل مره عادي بمنديل ولا عطر اللي يبن

شوفي أنا والله مآآآآ أكذب والحادثه صحيحه والله على ماأقول شهيد
وأبيك تعرفين إني مانزلت الموضوع لكذب وزياده لا لا أنا مو لهذي المواضيع
ما أبي إلا البنات يحتاطن ويحافظن على الورد اليومي



-


الله يحفظنا ويستر علينا وعلى جميع المسلمين

[السيف السعودي]

اشك بالسالفه حقيقه يمكن سرقه عاديه بدون سحر
او صي الجميع بالورد اليومي والله يحفظنا من شر الدنيا

[رزه مرتزه]

يمممممه صــــآدزه انتي؟؟! اغديه تسذب

ياااويلنااا يااارب تستر علينــــآ

[بقايا ذكريات]

هذا نوع من أنواع السحر وهو يسمى بـ / ( القمرهـ ) . وسبق أن كنت أحد ضحايا هذا العمل , ومفعوله لدقائق , يبث في عقلك غشاوةً من التخبط والتفكير والتذكر , وهذا العمل يكثر في الأسواق والأمكان المزدحمة بالناس , وينشق إلى نصفين , وهو قد يصيبك بالصداع , والأمر الآخر لا يحدث لك شيء ولكن مثلاً : أنت بائع محل وأشترى منك رجل فتلاعب معك بالحساب بهذا العمل ( القمرهـ ) , ولن تتذكر كم أعطيته إلا بعدما يمضي , فيبدأ الشكوك في نفسك .

هذا ما أعرفه ورأيت آخرين مروا بتلك التجارب , فالله خير الحافظين . ولا ننسى قراءة الأوراد . شكراً لكِ

[قلبــــ عبود ـــــي]

^^
وشلون يعني تاخذ من اثري شي ولا بدون؟؟؟؟