[الهدبه]

السلام عليكم :D

عزيز الرجل المملوح الوسيم
كيف تمشي زوجتك على صراط المستقيم ؟ !

قاعدة ( 1 ) :

في البداية ما يحتاج أذكرك بموضوع القطو اللي تمصع رقبته ليلة العرس ... ودي أقول أسد ولا نمر بس أخاف تتفشل لكن القطو يؤدي الغرض .:D

قاعدة ( 2 ) :

يا ليت أخوياك يبشكون عندك أول ليلة من الزواج وتخليها تكبس لكم ذيك الكبسة اللي يحبها قلبك ... لا تخلي أخوياك يضحكون عليك وتتفشل قدامهم وتجيب عشاء من برى

قاعدة ( 3 ) :

أول صباحية حبذا إنها الله لايهينها تصلح لك الفطور وحاول انك تطلع فيه أي عيب حتى لو هو نواشف وإن حطت صامولي قل أنا ما آكل الا مفرود وإن حطت مفرود قل أبي توست ( إستقعاد من جد ) :D .

قاعدة ( 4 ) :

شف أهلها وين ساكنين وابعد عنهم من( 20 الى 30 كيلو) واط ( علشان تعقدها في نفسها وتخليها تنسى وجه أمها وخواتها وأساميهم .

قاعدة ( 5 ) :

كثر من العزايم لأهلك وخصوصاً الوالده ( راجمة الصواريخ البالستية ( كل ما شافت المدام باديةً ترفع خشيمها ولا تتفلسف عليك ).

قاعدة ( 6 ) :

لا تماشي من ربعك الا اللي متزوجين ثنتين أو ثلاث إن وجد ( وإثن عليهم وخلها تحس إنك تشبعت بأفكارهم ومبادئهم ) .

قاعدة ( 7 ) :

من فترة إلى أخرى حاول إنك تطنش فاتورة تلفون البيت ولا تسددها الين يفصلون عليك الخط ... ولا تستعجل بالتسديد ... على مهلك الدنيا ما هيب طايره ولا سله !!

قاعدة ( 8 ) :

إذا حوشكم وسيع فليس هناك أي مانع من إنك تدخل الموتر للحوش وتخليها توسع صدرها بتغسيل السيارة وتلميع الكفرات وترتيب الأشرطة :D :D .


قاعدة ( 9 ) :

إذا رحت القصاب علشان يذبح الذبيحة وقالك : تبيها ثلاجة ؟؟ قل : لالا باوديها للطباخ خلها قطع كبار ... ثمن رح انطلها في المطبخ وقل : يوووووووووووووووه نسيت أقول للقصاب يقطعها معليش يا عمري

قاعدة ( 10 ) :

وانت جالس معها حاول إنك تسوي نفسك مرتبش اذا جاك إتصال على الجوال ,,, وكثر من كلمة يا عمري ويا حبي لك .


قاعدة ( 11 ):

سو نفسك ديمقراطي وجمهوري ومستقل .. وشاورها في كل شيء وإذا قالت رأيها سو العكس على طووووووووووول .

قاعدة ( 12 ) :

اهتم بأناقتك ولبسك وتعطر واكشخ دائماً قبل لا تطلع من البيت ولا تعلمها وين أنت رايح ... حتى لو إنك رايح تتقضى من عتيقة .

ملاحظات مهمة :

1-لا تبلشنا بكره اذا لقيت عمرك في كيس بلاستيك أسود .
2- الخوافين شوري عليكم لا تطبقون هالنصايح .
3- المماليح طبقوها بعد كتابة الوصية .

تحياتي / الهدبه

[التاجر]

حرام عليكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الهدبه]

اقتباس المشاركة الأصليّة كتبت بواسطة التاجر حرام عليكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الصباخ]

الله يهديك يالهدبه تبي تنكد على هالمتزوجين ,,





خل كل واحد على راحته ,,





بعدين الحياة الزوجية أخذ وعطاء ,,




مب الرجل يعامل زوجته كأنها خادمة ,,




هذه شريكة حياته وكاتمة أسراره ,,




يعني كل واحد مكمل للثاني ,,




وأرجو أني ما أكون طولت عليكم ,,






ودمتم سالمين ,,

[حاذق]

يابن الحلال

أنت جبه .. ويسهل ربك

عزوبي بدت سعابيله تقاطر

يوم بدى يفكر بالعرس

محبك::::::
حااااااااااذق

[مدحت شوقي بريده]

وشواله تعرس اجل ..

بعدين ما أحد يرضى ان هالكلااااااااااام يطبق على اخته او احد قريباته <<((== والله ويتولجه ..

الزواااااااااج سكن .. مهوب حرب ..
واتركوا عنكم شغل الشيبان الأولين وخرابيطهم ..

والمراءه .. قد ماتعطيه تعطيك ..

مشكور يالبي يالهدبه .. موضوع رووووووووووووعه ..
ونااااااااااااااااااااسه ..

[المنخرش]

الهدبة عطن أختك إنشاء الله لا أطبق كل اللي تقول

وش رايك:D