[Ghondar]

كل الاحياء يوجد فيها ازعااااااااااااااااااااجاااااااااااااااااااااات من دوران وتفحيط

[راعي المركيز زوز]

شف ابو فيصل اما ذي كلمت اشحذ موب انا الي اشحذ كل واحد يناظر الناس بعين طبعه
وبعدين احد قاالك اسكن با الرفيعه دوار الربيعية صاله في عين امك

بعدين ندور حق الضحك و الوناسه وكما قال{لحي اذا ماصار فيه لجه موب حي}

[توبه منك يادنيا]

اقتباس عليك بخب القبر والله ماتلقى أحد يوطوط حولك , جارو السعيد تسعد

لبي خب القبر

[أبوفيصل]

اقتباس المشاركة الأساسية كتبها راعي المركيز زوز شف ابو فيصل اما ذي كلمت اشحذ موب انا الي اشحذ كل واحد يناظر الناس بعين طبعه وبعدين احد قاالك اسكن با الرفيعه دوار الربيعية صاله في عين امك بعدين ندور حق الضحك و الوناسه وكما قال{لحي اذا ماصار فيه لجه موب حي}

سمعنا عبارة : شين وقوي عين ، المال مال ابونا والقوم طردونا .

موب : تفيد أن ناطقها مهذب ومتطور سلوكياً وحضارياً وجتماعياً .
انا الي اشحذ : الدنيا في محلها ياما ناس فوق حتى وصل بهم المكابرة وقال كلمته المشهورة : الفقر لا يستطيع أن يلحقني ولا بصاروخ ، والآن يشحذ قيمة فواتيرة .

كل واحد يناظر الناس بعين طبعة : هذا ينطبق على الردي يرى الردي متميز لإنه ردي مثله ، وعلى الطيب انه طيب لانه طيب فالاستشهاد بهذا المثل غير واقعي لانه ينطبق على كلا الحالتين فمن الطيب ومن الردي هل هو المفحط أم الذي دفع دم قلبه لكي يتملك منزل .

احد قالك : للإسف لو علمت أنك موجود لأتيت لأستشير جنابك .
بعدين ندور حق الضحك والوناسة : عجيب أمرك كأنه لا ضحك الا بإزعاج الناس أين انت عن من أزال غصن شجرة عن طريق المسلمين فدخل الجنه فإليك الحديث :عن النبي صلى الله عليه وسلم قال : لقد رأيت رجلا يتقلب في الجنة في شجرة قطعها من ظهر الطريق كانت تؤذي المسلمين رواه مسلم . وفي رواية مر رجل بغصن شجرة على ظهر طريق فقال والله لأنحين هذا عن المسلمين لا يؤذيهم فأدخل الجنة . وفي رواية لهما : بينما رجل يمشي بطريق وجد غصن شوك على الطريق فأخره فشكر الله له فغفر له ) اين انت عن هذا الرجل فكر بتعقل وليست الوناسة بكد قصيصه وفتح خشه .

تقول اني اقول لا تضحك لا اقول اضحك ونبسط لكن ليس على حساب دينك قال تعالى : وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِؤُونَ (65) لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ إِن نَّعْفُ عَن طَآئِفَةٍ مِّنكُمْ نُعَذِّبْ طَآئِفَةً بِأَنَّهُمْ كَانُواْ مُجْرِمِينَ (66 ..
ولعلمك هؤلاء الذين ذكرهم الله في القرآن ولا تخفاك قصتهم كانو يضحكون استهتاراً بالدين فليس كل ضحك محمود فمثلا تضحك لان صاحب بيت خرج من بيته ولم يلبس ثوبه بسبب ازعاجكم غاضباً منكم الا تخاف دعوة تستجاب فتحطم دنياك وآخراك ففكر بها قبل ما تنوي الازعاج .
ولا تضحك على حساب مصالحك ولا وطنك ولا على حساب الجد والاجتهاد الدنيا ساعة وساعة لكن للإسف كيف لا نعرف كيف نضحك شيء عجيب .



انبسط لكن هناك اماكن وطرق غير اذية الناس الناس تبحث عن الاحسان لكي تنال الجنان وانت تسيء ، ووالله الذي لا اله الا هو ياما رأيت كبار سن يدعون ونحن ندعي لكن الله يستر عليك .

[أبوفيصل]

اقتباس المشاركة الأساسية كتبها دوار الربيعية الله يعينكم يا ابو فيصل وييسر امرنا وامرك ويعينك ويشيل هالمبزرة لاهاليهم ويلعبون بدبابات خوالهم بصالت بيتهم تحياتي لك يا ابو فيصل(رفع الله قدرك)

اتوقع هؤلاء عاله حتى على خوالهم لكن الله يرحم الحال .

[دمعة حآأإشي]

من ناحية حي المالكـ،، كلامكـ، صحيح قولتك أن أهله راحوا عنه فنحن من الراحلين

ومن ناحية الدوران اللي يصير له عدة أسباب

من ضمن الأسباب عيال الحي اللي يتكددون وبناطيل جنز ومدري إيش ووسع الشارع

لكن لو كل واحد أنتبه لعياله كان ماشفنا هالشي لاكن أقترح عليك يوم الأربعاء والخميس تطلع وتستاجر لك شقه وتنام براحة