[خوي السرور]

سلام عليكم ..

حيّ الله العيلان اللي قسّوا سنبهم قسّ .. واللي ماقسّوا سنباتهم قسّ واللي ماهايتو

تسيف أني شسمه !

مبطي عنكم ياعيال .. ياخي قسم بالله أني مالي حق .. تسيف نفسي تطيعن أنقطع عن هالشباب الحلوين هالشباب المزايين .. يعني دريم مثلا مثلا أحد يروح ويخليهـ ويقطع به ؟!

وميضه هالعصل أحد ينشغل عنهـ وينقطع عن أخبارهـ ؟!

مير تعال وميضه بقولك شي

مير صح !! أنا زعلان وأبسوي مظاهرة مايصلح أحتسي وأسولف وأسوي مقدمات


دقيقة خل أعصب










الحين وشلون تسذا ..



أنا بصفتي خوي السرور ـ مشرف سابق على قسم سواليف كشكولية ـ أطالب بما يلي :



1 ـ تعيين كايدهم حلاق للمنتدى .



2 ـ إسقاط أبو مهند من الإدارة ووضع أبو غلا ..

3 ـ وضع سقف لقسم سواليف كشكولية وتزويد الدرايش وتركيب مراوح شفط .. أوب معقولة قسم البنات أول ماتدخل ورود وحركات وحلا .. وحنا قسمنا ماتشم ألا صنان و xxxx <<< ألتزم بالأدب بارك الله بي لا والله الحين يجي ذاك وينط على زر التبليغ ذذ

4 ـ صرف ثلاثة ألوان لكل عضو مهب معقولة أنعمينا من بعض ناس يحسبنا حصة فنية ماتدري أنت تقرا ولا تحك عيونك من شين الألوان وكثرهن ذذ .

5 ـ نزع جملة ( الطرائف والألغاز ) من جنب اسم المنتدى ووضع عبارة تناسب عام 2011


6 ـ تبون نشيل روقان ولا نسامحه هالمرة ؟

7 ـ وضع قانون بعدم رد العضو في الموضوع أكثر من ردين .. قسمن يابعض المواضيع ماتدري من اللي كاتبه .. فلان ولا فــــلان


8 ـ وضع بنر إعلاني يكون ريعهـ لجوائز قسم سواليف كشكولية التي تصرف للجوائز والألعاب وخلون أنا المسؤول عنهن

9 ـ نطالب برفع مستوى الديموقراطية والسماح بالتجول في القسم بسروال وفنيلة علاقي




10 ـ تنفذ كل مطالبنا خلال شهر ولا قسمن عظمن أننا مانحبكم ..






يالله ياشعب الكشكول العظيم .. أزيلوا الظلم والظلام .. أزيلوهم وخلوهم يهجون للحمام ..

واحد اتنين تلاتة .. همّا اتنين واحنا تلاتهـ