[فيتامين]

الشاليهات هنا بازدياد..

والإجازه قادمة..

المطوع إذا زار الشاليهات وش يسوي..؟

أبغى توجيهاتكم لأنه بصراحة تلجئن بعض الظروف لزيارتها أحيانا ؟


ساعدونا الله يخليكم؟

[شبل الغابة]

الحمد لله الشاليهات هنا كويسه نوعا ما ...

لذلك لاتحمل الامر أكثر مما يحتمل

رح واستانس وانا اخوك مادام ماهنا محظور شرعي

لكن اذا رأيت منكر أنكر ولو بلسانك فهو واجب عليك بالقدرة

[بريماكس]

سبحان الله ..

و هل المطوع مخلوق آخر ..

يزور الشاليهات زيه زي أي شخص مسلم ثاني ..


إلا إن كانت مكان للفتنه و غير ذاك .. فيستوجب على (كل مسلم) الإنكار و النصيحة باللتي هي أحسن ..

و السلام عليكم و رحمة الله و بركاته

بريماكس

[المستشار]

اقتباس المشاركة الأساسية كتبها فيتامين المطوع إذا زار الشاليهات وش يسوي..؟

يسوي بيض مقلي و يقطع فوقه علب حبحر ..
و الله يا هو يبي يطلع طعمه شييييييي ..



أقول فيتامين ..
أنت معطي رقمك السري احد ؟

[فيتامين]

عفوا المعرف معي وباسمي لا احد يستغرب هاالاسلوب وربما تكون من سلبيات العبارات التي ستكون تحت إسم بعض الاعضاء انه سوف تحجره على اسلوب معين وطرح نخبوي ثقافي يبتعد فيه عن العفوية وهذا مالاريده فنحن في البداية ومن حق المشرفين سحب الوسام لنعيش بحرية ولنبتعد هن مجاملات النقد الذي يخشى الشخص في الاسقاط وربما يبدا الشخص بهذا الوسام يكتب مايريد الاخرون لامايريد هو لانه يمثل من(ازين الموجود)على قولتهم..

ــــ ثانيا هذا الموضوع طرحته لشئ واجهته امس واريد اشوف وش رايكم بعيد عن الرسمية الاكاديمية..



الشاليهات بصراحة أـني لم زأورها إلا مرتين مرة في الطائف وكنت في الحقيقة متلثم من الفشيلة والمنكر الي اشوفه وعجزت الحق عليه ...

واناظر عيون الناس تطاردن وتلاحقن وتقول وش جاب هذا هنا .. عقبها حركت اطب شاليه..

ومرة زرت شالية وكان فيه ثمار جيده وفيه اقبال ..

واخيرا راحوا الاهل بالامس لشاليهات دريم لاند وجو متكدرين من الهوشة الي صارت بالشاليهة والشرطة علشان الشباب الي داخلين بسم العوايل وصوروا..

علشان اوضح وش ابغى من الموضوع مايجي واحد يزمر ولا يشجب ويستنكر ولافيه مانع برضه..؟

المطوع اذا راح للشاليه ينصح ويدور وينكر ولا يتغبى علشان الناس مايشوفونه ويقولون ليه مايقول شي ولاينكر..
وهل يودي اهله او لا؟

وش طرق المناصحة الي يسويها يكلم البنات ولا الواليدن ..؟

[عالمية]

رأيي وأنا أختك أنك تروح وتوسع وصدرك(((ولاتنسى نصيبك من الدنيا))) وادعس وغمض عيونك وخليك واثق من نفسك يالله لك الحمد انت ما رحت لمكان دعارة عشان تتضايق لابد من وجود المنكرات والمنكرات في كل مكان هذا رايي انا مدري عن رأي الدين اللي اشوفه انك انت رايح تونس مهب تنكد على عمرك انت واهلك حاول انك تدخل الشاليه الخاص بك واتوقع انك بتصير عن معزل عن البقية فحدك حد اهلك بس تونس وعين خير وخل الشوي عليك والدنيا ما ملحوقن له طرف وخلي في بالك وانت رايح انك مو رايح كرجل هيئة بتدور على شي تهاوش عليه قصدي تنصح عليه اذا شفت شي قدامك انكر ولو بقلبك
اما بالنسبة لمناظر الناس فالناس هاليومين مشفوحة تناظر غيرك مثل ما تناظرك مو قصدهم انك مطوع
اقول عين خير
والله يزيدك طاعة وعبادة
وأهم شي أهلك خلهم يتونسون ألا فاستوصوا بالنساء خيرا ياعمري يالرسول

[فيتامين]

عالمية انا رياح اروح عن النفس مو رايح اغمض اعيوني واكدر على نفسي وانا امشي وكيف ارتاح واقدامي مغازل وترقيم وتصوير وبلتثة وحجاب لك عليه ..

وهل ماعلي شي اذا ماانكرت عليهم ؟

تذكري اني انا مانكدت على نفسي الناس نكدوا علي بسلوكياتهم الغلط...!

بعدين مااظن واحد يستاجر شالية علشان يجلس بالغلرفة .. كان قعد ببيته...

[عالمية]

ليه اخوي الشاليه اللي انت بتروح له مو بعارة عن غرف وساحة مزروعة ومسبح خاص فيك يعني مثل الاستراحة ؟؟؟!!!! ما تكفيك هذي بالله عشان تتونس مع اهلك
ربما يكون الشاليه اللي انت تقصده بتصميم اخر يختلف عن اللي اعرف
بس الشاليهات اللي انا اعرفها زينتها انك تجلس فيها بروحك بمعزل عن الناس
يعني ما يروح لها الا اللي يبي ينعزل عن الناس اللي مثلك ما يبي يشوف اي منكر امامه
اسفة اذا فهمتك غلط

[فيتامين]

عالمية والبعض منها كما ذكرت لكن لو كنت اريد هذا كذلك لاستغنيت باستراحة فارهة واسعة بسعر اقل وراحة اكثر ولكن لااظن ان الآخرين بتجهون للشاليه من اجل ذلك لولا وجود بعض المرفهات التي تسعد الابناء..الملاهي نموذجا

ومع احترامي لك انك يوجد بعض المغالطات الواضحة في كتاباتك ممايجعلك تحتاجين لمزيد فرترة حول هذا الموضوع وترتيب..خاصة ردك الاول

شكرا لمساعدتك وطلتك ..

[عالمية]

فيتامين
شكرا لك
أبوكم يامنتدى التحطيم

[المنتدى]

لم أقم بزيارة الشاليهات من قبل ، و أتمنى أن أجد ما يفيدني هنا لزيارتها مستقبلاً إن شاء الله
ما لفت نظري في هذا الموضوع أسلوب (عالمية) و كأنه أسلوب ( عالمي ) {أنا عالمي ليس لي أرض أسميها بلادي}

[التويجري]

ياعالمية...

المنتدى يرتاده الكثير من الزوار فاتقي الله في نفسك وفي ردودك الاستفزازية....!!

[فيتامين]

اعتذر للأخت عالمية ان كنت قسوت عليها فلم اقصد تحطيمك بقدر اني ارد بنفس الاسلوب لردك كقولك(وخلي في بالك وانت رايح انك مو رايح كرجل هيئة بتدور على شي تهاوش عليه قصدي تنصح عليه )فلم نغضب او نزبد باستهتارك العفوي ..!
فلم اكن وانا اتابع ردودك انك دلوعة لهذا الحد فتحملي كما نتحمل...ولامحل للزعل..بسبب سؤ او خلل من اخوك فيتامين..,,
وتقبلي اعتاذره...

وننتظر الحل بعيدا عن المهاوش؟؟

[الـصـمـصـام]

أخي فيتامين (( مطول الغيبات ))....

سواء كتبت بالفصحى أو باللهجة الدارجة أو باللغة البنغالية .... سيظل التميز قرينا لا ينفك عنك ...

لكنني أريد أن اساهم في هذا الموضوع ... بما تجود به نفسي :

# قبل ان تذهب إلى المنتزه حاول أن تعرف من مالكها؟؟؟ .. فإن كان من أهل الخير فاذهب و أنت ((مغمض ))....

# حاول أن تكون مباركا أينما كنت من خلال أخذ بعض الأشرطة الشيقة والمطويات والكتيبات وفي نفس الوقت المؤثرة .. واجعل أبنائك الصغار أو أخوتك يومون بتوزيعها على الرواد لهذه المنتزهات .. لتخرج بفائدتين :
الأولى : إنكار المنكر بأدب ولكي يعلم الناس أن الغيورين على الدين في كل مكان .
الثانية : تعويد الصغار على كيفية المساهمة في إنكار المنكر و خدمة الدين .

لأن الصغار ادعى للقبول عند الناس لبرائتهم ...

#أختر الوقت المناسب للذهاب إلى تلك الأماكن ..

# التعاون من رجال الحسبة وعدم الإنكار الشديد الذي يجر إلى مفسدة أعظم ..

# هناك بطاقات منتشرة ولله الحمد فيها جميع أرقام مراكز الهيئات .. فلماذا لايتم توزيعها واقتنائها .

وهناك الكثير من التوجيهات تؤخذ من أهلها ... هذا مماتيسر لي وهذا الموضوع بحاجة إلى عرض على أهل العلم ... لكي يكون أجمل و أكمل .....


************************************************** ******

أخوكم
الصمصام