[قـــصـــيـــة]

السلام عليكم ورحمته وبركاته



اليوم كُنت أتصفّح مواقع الأخبار من خبر إلى خبر ومن صفحة إلى صفحة فوقعت عيني على خبر مُحزن ومؤثر
وهذا الخبر نزل يوم الثلاثاء 25/4/1432هـ والحادثة حصلت أعتقد الإثنين أو الأحد في القصيم
ربما بعضكم قد قرأ الخبر لكن لاأُريد ذكر المدينة .. وكان الخبر يحمل عنوان

[ شاب يطعن اثنين من أفراد هيئة الأمر بالمعروف والنهي عن المنكر أثناء محاولتهما القبض عليه بتهمة الخلوة غير الشرعية..! ]

وهذا مضمون الخبر

تعرض عضوان من هيئة الأمر بالمعروف والنهي عن المنكر للطعن بعد محاولتهما القبض على شاب بصحبة فتاة مساء أول من أمس.
وأوضح الناطق الإعلامي لهيئة الأمر بالمعروف والنهي عن المنكر بمنطقة القصيم الشيخ عبد الله المنصور أمس، أنه تم الاعتداء على رئيس مركز وأحد الأعضاء عندما لاحظا سيارة متوقفة في مكان غير مأهول وبداخلها شاب وفتاة.



وأضاف بحسب الوطن السعودية أن عضوي الهيئة حاولا السيطرة على قائد المركبة إلا أنه اعتدى عليهما بسكين، مشيراً إلى أنه تم نقل عضوي الهيئة إلى المستشفى .



العجب هنا التعليقات على الخبر ..!!!

اقتباس من تدخل فيما لا يعنيه لقي ما لا يُرضيه شافوه في مكان غير مأهول ومع فتاة يمكي ياخي تكون اخته خالته بنت خالته احد قرايبه زوجته وعندها مشكله طالع معاها ليش النيه الفاسده الدين يقول احمل اخيك على سبعين محمل يعني كل شاب وبنت صاروا في سيارة صارت خلوه غير شرعية؟!!!! يعني السواق الاجنبي والحرمه في السياره مو خلوه غير شرعية؟؟؟

اقتباس من احلا الاخبار اللي توسع الصدر .. دايم يمثلون انهم مساكين وانهم مصابين وانهم تعرضوا للأذى و ماينشرون افعالهم .. كم واحد سوّا حادث وماات بسبب همجية الهيئه .. و كم واحد صار له حادث وصار مشلول بسببهم .. عاقبهم الله دنيآ و آخره .. لو فيهم خير يروحون يمنعون اللي مسوين الفتنه ويحرضون على المنكر في القطيف واتباعها من المناطق .. والا بس فالحين على شبابنا وبناتنا والاشياء الثانيه ماتقدرون عليها لأنهم مأكلينكم تراااب

اقتباس حقهم ما جاهم هؤلاء الطفيليين .. ياخي مالك ومال الآدمي إنسان الله ساتره وانتم تتربصون به لفضحه ، ألم ينهاكم دينكم عن التجسس يا أوباش .. فلماذا لا تنتهون .. لماذا تفترضون السوء دائماً .في الناس . وتتبعون سقطاتهم .. هل هذا من الدين في شئ . .هل هكذا يكون الامر بالمعروف والنهي عن المنكر يا متخلفين .. إنه لمما يسئ للدين أن تتحدثون باسمه وتدعون الدفاع عنه ...

اقتباس كفو والله ليته قتلهم مرا وحده وفكنا من اهل العقول المتحجرة

اقتباس احسن الله لا يردهم الهمج الاوباش المتخفيين وراء الاسلام و هو بريء منهم هذي شغلتهم بس فضح الناس وضربهم وسبهم وسجنهم هل هذا هو الامر بالمعروف ؟الا لعنة الله عليكم يا هيئة السوء والفساد , وبعدين نرجو من الاعلام ان يسلط الضوء على مفاسدهم اولا ومشاكلهم وظلمهم للناس لازم يكون فيه عدل بالموضوع مو بس يعرضون مشاكل المواطنين ضدهم , الناس ضاقت خلاص وراح تنفجر من ظلمهم وفسادهم الواحد ما يقدر يطلع مع اخته او امه او احد قريباته يخاف منهم ليش وين عايشين , وارجو نشر تعليقي لان كالعاده اكثر من مره ارسل تعليق و ماتنشروه

اقتباس كفو والله ,, والله يكثر من أمثاله ,تنتهي هالناس ذو العقول المتحجرة علشان نتطور

اقتباس الحين البنت طالعه معه برضاها...وش دخلهم ينطون عليهم...بعدين وش يرتجون من ورا التلصص على الناس اللي في باله دشره ما راح احد يمنعه...كل واحد رقيب نفسه...تعبنا من همجيتكم

اقتباس خبر سعيد جدا وياليت كل الشباب يرددون (الشعب يريد اسقاط المحتسبة)

لا أستطيع التعليق سوى حسبنا الله ونعم الوكيل !

[Sense Designs]

لا أستطيع التعليق سوى حسبنا الله ونعم الوكيل !

..( اختي ورقة خريف هو شي واحد تفسير ردودهم .. اكيد كد مسكوهم الهيئة متلبسين حسبي الله عليهم هالجرذان ),,

..

[صمت النار]

نصيحتي لك

ابعدي عن الموقع اللي نقلتي منه هالردود

ذا الموقع بالذات , كل اخبارة تسد النفسسس .. وهدفهم واضح ..

وبالنسبة للخبر .. وش فيها إذا ذكرتي اسم المدينة وقلتي عنيزة عادي .. طيب يمكن الشاب من بريدة

أجل رايح للدائري الغربي

[xX DUNHILL xX]

اغلب اذا كان موب كل اللي ما يبون الهيئة سبق وان مسكوهم بقضايا أخلاقيه ..
الله ينصر الهيئة ويستر عليهم و يوفقهم
مشكوره اختي

[ٳثمڍ فرζ]

حسبي الله ونعم الوكيل .,. عليهم
هم مجرد حثاله لاتقرأ حروفهم .,.

والله ماستر على خوات المسلمين من بعد الله الا الهيئه .,.
وش راح تكون دنيانا من غيرهم .,.
من يحمينا من شياطين البشر الا هم وأول الشياطين كاتبين هالردود ..
يخطون ومايبون من يعلمهم ان الله حق .,.

الله لايكثر من أمثالهم .

[عبدالله الرقيعي]

السلام عليكم ورحمة الله وبركاته

اولاً مايكره الهيئة الا الي فيه بلااا<<او له سوابق
يعني يبي يلف ويدور ويلعب على البنات ويبيهم يجون يحبون راسه يقولون تكفا اعقل
الحين اذا جلست بمجلس وبه بعض الحثالة قالوو الهيئة يفضحوون بك ويمكن يتسببون بفصلك من الوظيفة
الهيئة غير كيذا تماما تستر وتتكتم على الموضوع لاكن لاطوله اكثر من مرة طيرو ظهره ويستاهل
لاكن لو فصلته من وظيفته يستاهل
هي فوضاء تبي تلعب ببنات خلق الله وتبيهم يصورون معك
مهب يفصل عن وظيفته المفروض يفصل راسة عن جسمه

الشيئ الثاني ياأخت ورقة المتعلق بالردود الي مقتبسة انتي
اكثر الناس عاطفيين يتأثر ويصدق بما يكتبون الي قبلة
والله شاف الي قبله راد رد زين رد مثلهم
والله شاف الي قبله راد رد يسب وجايب قصص من الخيال رد مثله
يعني بعض الناس امعة ان احسنو احسن وان اسائو اساء
و للاسف مافيه انصاف للهيئة الله يجزاهم خير
اي نعم فيه اخطاء من بعضهم
اي نعم بعضهم غشيم شوي
لاكن ياحبني لهم هم واخطائهم واخطائهم لاتقارن بمنافعهم
قبلة على رأس كل رجل هيئة

اخيراً شكرا ورقة خريف موضوع في الصميم

[الرحاله العربي]

جـ : لأنهم يحولون بينهم وبين شهواتهم .

[فسفوريه]

وش هالعالم التعبااانه الله لايبلانا معقوله فيه ناس تفكر بهالطريقه

[غريبة الأطوار]

حسبنا الله عليهم

يبون يآخذون راحتهم وينشرون الفساد

الله يشفي أسود الحسبه

[غيث بريدة]

اذا المراء كره الدين فمن الطبيعي ان يكره من يحمل لواء الدين

شكرآ

[ابو كندا]

هولاء أصحاب شهوات ويبون يأخذون راحتهم
اللهم أهدهم صراطك المستقيم @

[احساس خواطر]

الله يهدي شباب المسلمين
ويوفق الهيئه يااااااااااااااااااااارب


بارك الله فيك ع الموضوع

[ibraheem]

كره وإبغاض الهيئة على وجه العموم .. يعني كره شرعية الأمر بالمعروف والنهي عن المنكر !

وبهذا الفعل مخالفة ومصادمة صريحة مع النصوص الشرعية .. والكل أعلم منّي بما يعنيه ذلك ..

لكن الذي لا مانع فيه أن يكون الإختلاف على كيفية أداء الهيئة .. لأنهم في الأخير بشر والخطأ وارد من الجميع بلا إستثناء ..

لكن المشاهد لـ الردود المرفقة يرى كرهاً متمثّل بين كثير من الحروف ، والمفترض أن يرافق كل عبارة من هذا النوع شيء من المنطق يبرر لها موضعها ..

فلم أرى أحد من المخالفين ناقش الموضوع بحيادية وذكر أسباب منطقية تدعم كلامه !

وهذا لا يدع لنا إلا روؤية كرهاً عميقاً متمثل بين تلك الحروف لأسباب الله أعلم بها ؟!

[الــمــفــتــرس]

قبح الله كل من إعتتدى على أسود الحسبة