[وين عايشين]

1/ لماذا ؟؟

الأمر من المباحث اذكر قبل فترة عندنا محل حاسب جو لمنا المباحث قالوا حتى تصليح الأجهزه لازم بالبطاقه وعطونا اوراق لتسجيل الهويه , طبعاً الأمر ما جا عبث او خمة راس علشان كثرت السرقة " لكن أغلب المحلات او كل المحلات ما طبقته لأنه اولاً ما جا شي رسمي وثانياً الزبون مستحيل يتقبل هالشي الا لما يشوف شي يثبت اننا ملزومين بالإجراء هذا مثلاً لوحه مختومه من المباحث ..
لكن الجولات ضروري يطبقونه لأن سرقة الجولات أكثر من سرقة الأجهزه

2/ ما رأيكم ؟؟

إجراء ممتاز لكن الي سارق يقدر يسوي شي اكبر
يجيب لك بطاقة ثانيه تكفى عاد يابو يمن يبي يدقق بالوجه يبي ياخذ الجهاز اهم شي
اتوقع قريباً تطبق البصمه ..

3/ ماتعتقدون إن هالطلب يسبب إشكالات أو شي من هالقبيل ؟؟

مستحيل محل يشتري جوال الا بالبطاقه يا بطاقك ولا جوالك عندك ويا دار ما دخلك شر

بعض الناس ينزعج من هالمطالب انا اشوف ان المواطن لازم يتعاون مع الدولة وييسر هالامور اللازمه الحين كثرت السرقات بشكل جنوني
بعض الناس يخاف انه يستعمل رقم بطاقته لأشياء مخالفه او تسجيل بشركة
عادي تشيّك على بطاقك بموقع الداخليه كل فتره وفتره , والأوراق الي عند المحلات تسحبه المباحث كل فتره ..

الله يحمانا وياكم