[عرفوج]

يقولون ياوليدي إن العامل حق مخطط الكباري لاقين خريطة كنز ببريدة وقاعدن يحوس في هالشوراع لأنه الى هالحين مالقى علامة x حقت موقع الكنز والعمل مستمر حتى يلقى الكنز همن يرقع الشوارع ترقيع وبدون كباري وبدون سفلته هذا على كلام شيبان عندنا هالعصر ، عاد هو يعني إني اشتغل مار نصيحتي أنكم تفزون فزة أسد وتدورون الكنز قبل لا يلقاه ويهج به ويقولون أنه ضحى بخمس معدات وبوكلين و جنزير وخمس شياول في سبيل هالمشروع العظيم .

[مرآم]

من جججد تفشل بريده شوارع ولا بريال =(
وقلته الرياض موب بريده بريده ساحبييين ع امن جابته =( الله لنا بس

[الجنتلمان]

اقتباس المشاركة الأساسية كتبها هنودة بريده تدري متى لاشبعو دراهم والا اذا حجة البقر على قرونه

لا هم ما راح يشبعون أبدا

وإنما لو كان محاسبة ومتابعة ومساءلة لمثل مؤسسة الراواف

أشكر لك تعليقك

[ظهرة لبن في قلوبنا]

الي يقول فين التاريخ والعقود

في تقاطع طريق الملك فهد مع الملك عبدالله كانت فيه لوحه صفراء بأن مدة العقد سنتين بعد مرور السنتين اللوحه تم اخفائها فقط وجود لوحة زرقاء مكتوب الشركه المنفذه واسم الطريق !!

شركة الرواف اذا شفتهم بدا في الشغل تقول خلاص هذا بيخلصها ب8 شهور ثم شهرين فقط وتحصل المكان الي اهم يشتغلوا فيه شبه خالي !!

[الازغر]

انا امس وقفني واحد يسألني عن مكان في الدائري وهو باين انه من خارج بريدة . ماقدرت اوصف له . ومالقيت حل الا اوصله بسيارتي . واسبب كباري وتحويلات وطرق مسدودة

وعلى هالطاري ابشركم .. تم فك القيد عن طريق الملك خالد ( الشاحنات وانت متجه جنوب ) حيث ازيلت الحواجز والان القادم من الشمال الى الجنوب يقدر يوصل اشارة المحاكم بدون مايتجه للتخصصي ويرجع

[التنكه]

الحقيقه الشركه هذه ماعرفتها الا بعد مامسكت الكباري واعمالهم تسير ببطيء يعني كل كبري يحتاج لسنوات لأنشائه

[ذيب متلطم]

أحس إن هالرواف محسود ... والله أعلم

[ابوزياد2008]

بالمختصر المفيد بريده بنيه تحتيه ماكو وعشوائيه وبزع وفزعات وامسكلي واقطع لك
بريده تبي شركه فرنسيه شركه سويديه شركه امريكيه شركه كوريه شركه هنديه مو شركه الرواف اللي تقل مابها البلد الا ها الولد من يوم بديت اسوق وانا كل مطب اتحسب الله على المتسبب

[ابوزياد2008]

ارجو من كل مسؤول في بريده التجول في جميع احياء بريده للوقوف على المشاكل التي يعاني منه المواطنيين والتي اثقلت كاهلهم وليس قراءه التقارير الوهميه والمشاريع التي لم تنجز