[بنت ناس ماتنــداسّ ّّ]

ليست المشكله بس فيه هوو
المشكله اذا كان الاب والام الله يهديهم يكونو معاااه في كل شي
والضحيه البنت المسكينه

[بنت ناس ماتنــداسّ ّّ]

اقتباس المشاركة الأساسية كتبها الله يسامحك ياكرهي للمراهقه انا عندي اخوي مره مراهق كل يوم انا وياه هوشه مع اني اكبر منه بس هو اقوى مني الله يصلحه يااارب مااادري متى يكبرون ويعدون هالسن حتى اذ جلست ع النت يراقبن حتى كل يوم يقول انتي وش مسجله في المنتدياااات مره معقدن سبحااان الله ماخذ راحتي ممكن سؤال؟؟ متى اخر عمر للمراهقه .؟؟<<ونفك منها

الله يعينك عليه
لاتستغريبن اختي الغاليه لانه يثبت رجولته

[الطاوؤس]

على حسب التربيه وحيانا يكون وراثه بس وش تسوين لازم تحترمينه وتذلين نفسك عشان يوديك لمشاويرك او املي جيبه
ادعي ربك ماتطحين بواحد مثله

[ونـاسه]

ادخلي عليه من ابواب كثيرة.. وشوفي وش الباب اللي يخليه يجي على كيفك..

واللبيب بالاشارة يفهم..

[سُـقيا]

وعليكم السلام ورحمه الله وبركاته

الصراحه ياأوخيتي اني كنت أعاني مثل معاناتك وأكثر
لكن لارفض يودين أخلي ابوي أو اخواني الكبارين يتصلون عليه ويجي غصب عاد شوفي كيف يودين واااااوك أتشهد وأنا متمسكه تسني عجوز بالمساك اللي فوق الباب وقطع بالا شارات وتحديد وقت بالساعه ولانزل معي للسوق يحدد ترى لتس 7 محلات بسسسسس والكشك نص محل قسم عذاب
وكنت عادته بزر مو مراهق يعني عادي وهو يتكلم أمشي وأخليه بعدين يحمق

عاد أني جربت اسلوب جديد جربييه الصراحه نفع أحترمه وأطيعه وهو يسولف أتحمس تسنه أكبر من بالعكس زاد احترامه بدأ لا اتصلت يرد ويقول سمي وأمري >>>>أول مره ماتعودت قلت أنا فلانه قال عارف >>>واوك فشلت توقعته يحسبن أمي

وعقبه أروح وأرجع مولازم أكلم على أحد يتوسطون لي والطريق سواليف مو صمت ماأحس بطوله

يالله يارب ان تحفظه وتوفقه وترزقه المعدل اللي يتمناه والمسلمين

[بنت ناس ماتنــداسّ ّّ]

^
^
^
هلا بخيتووو نبرة شجن
ماشاء الله عليك عندك اخوان كبار وابو يناظر لك
موانا



الي يقلون املي جيبه اختي ماقصرت معه انوع الهديا والفلوس
اول شي يصير مستحي ويوديه بعد كم يوم ينسى
الى مره قالت ابي الصيدليه قريبه مررره جلس حول اسبوعين وهو يقول بوكرى

[الأسلوب الراقي]

اقتباس المشاركة الأساسية كتبها ابو صالح . وعليكم السلام ورحمةالله وبركاته أولا: لدي تحفظ على لفظ ( مراهق) لماذا التشاائم لماذا كل هاذاه السلبيه حتى باللفظ الشاب مابين 15 إلى 23 يحتااج للأحتراام والتقدير وإشعااره بأنه مهم و مؤثر في العائله وإشعاره بأن رأيه محترم وعدم إتعابه بكثرة المشااوير لا أقصد الضروريه بل التافهه وللأسف ليس كل المشاوير مهمه بعضها يستطيع هو القياام بها لكنه لم يمنح الثقة وكثرة النقد الغير بنااء سبب لأضرابه عن الخدمة.

كلام سليم

انظروا الى جيل الصحابة كيف كان بعضهم (وهو في ذاك السن) يحفظ أحاديث الرسول - صلى الله عليه و سلم - و يلازمه في مجالسه يحفظ القرآن مع تطبيقه..

هذه فترة تحتاج الى وعي و ادراك لشخصية الانسان،,

لكن مهما كان انفعاله فهذا لا يعطيه الحق في التحكم باخواته أو من ليس له عليهم سلطة..

[المملكة الصحراوية]

لا رفض يوديك مشوار

اضربيه بالمرزبة مع الراس لمين يدوخ

وصدقيني راح يصير خاتم باصبعك

[ملح يذر]

حالة اخوك منذو الازل (عادات وتقاليد البلد !!) ولا تزال وستضل الى يوم القيامه اتوقع
عادددددددي
وليش معصبه
هاللي بهالعمر لا تعطينه وجه قوه ولا تبعدين عنه
يعني حسسيه انه ابو 30 سنه
احترميه ووش مشتهي اليوم على العشاء وش رايك بتغييري لديكور الصاله اليوم تتصلين عليه يالله تجي المغرب ازين قهوه (وانتي مزينته بلاوه ومستانسه من دونه)
بس لا تخلينه يمون عليك بزياده
وبيني نيتك مهب للطلعات وفعلا عشان تكسبينه وتفرحين اخييك والطلعات شي ثانوي
يعني لا تطفين اسبوع وتملين خلي هذا طبعك حتى مع الكل

ليش الانسان مايصير راقي بتعامله يسوي الشي لله ولا ينتضر معروف ويعطي هذا ابتسامه وهذا مدحه وهذا الي يحب
بكذا نكسب الكل ونصير مالكين قلوب الي حوالينا

وصدقيني
بتعرفين اليوم تكسبين اخوك وبكرى زوجك والي بعده ولدك
بس يبيلها تحريك مخ شووي

وفيه سر تخلينه يحبك
ادعي له بضهر الغيب صدقيني يجيك ركض وهو مايحس وانتي ماسويتي له شي يدري به !!

اتمنى افدتك وافدت كل من هم بحالتك

[هاجس الود]

الله يعينكم
عندنا وعندكم خيررر
الحل
اذا كان عندك حاجة ........
قلة ياااااااااااااسيدي

[وخر شوي ...!]

اقتباس المشاركة الأساسية كتبها حربي عابر دربي الصبر الصبر الصبر الصبر الصبر الصبر الكلمة الطيبة و خوذوه على جوه ( امدحوه ورفعوبه لين ياصل الغماء ) حاولوا انكم لا تعاندونه ابد فترة طفه وتعدي ( ما هنا الا كل خير ان شاء الله )

[بنت ناس ماتنــداسّ ّّ]

جزاكم ربي خير على ردودكم الرائعه

وارئكم الي ان شاء الله اجربه واشوووف

[بدربريدة]

انامريض من اخواني المراهقين؟
واعتقدإني عندي خبرة10سنوات من متابعةومصايل المراهق
توفي والدي وانابعمر18
وعندي 4اشقاءبأعمارمتفاوتة؟وكل ماقلت إرتحت من واحدجلست سنةولاالي بعدة مرتفع وحس إنة رجل ودخلت دوامةأخرى من المتابعة والإجهادحتى يكبرويدخل الي بعدة؟
رحمك الله ياوالدي فقدحملتني مسؤليةفوق طاقتي وعمري وفقدت حلاوةشبابي ؟
ماشاء الله تبارك الله اليوم أقطف ثمارجهدي وتربيتي لهم؟ماعداواحدمازلت أجاهدفي توجيهةومتابعتةوالله يعينني على ذلك
كلة بأجرةوعن قريب سيصدرمدونة بسيطةلي ثمارخبرتي ومعاناتي لذلك بشكل مبسط

[قـــصـــيـــة]

بكرا يكبر ويعقل .. يكون بعلمك المراهق كلمة توديه وكلمه تجيبه
وعقدته اللي يعانده خصوصًا البنات اللي أكبر منه بكم سنة يعني بيثبت لك وحتى لو كنتي أكبر مني أقدر أفرض رايي عليك!
علشان كذا خليك معه مثل العسل وكثّفي معه المزح واجذبيه بالأشياء اللي يحبها وحاولي تنزلين تفكيرك لتفكيره
بكذا تكسبينه وبإستطاعتك تبعدينه عن الأخطاء



موفقه وكان الله بعونك