[كفايه الم]

ايش اقول وايش احكي مانقول الا حسبي الله على مقبرة الولاده والاطفال مو مستشفى قصة تميم قصه طويله وهو ضحيه من ضحايا هالمستشفى مادام كوادره هنود وسباكين الزبده تميم كان يعاني من انتفاخ في البطن انتفاخ اللي يشوفه مايصدق سوا له عمليه بعج ولكن بعد شهر رجع بطنه للانتفاخ رقد اسبوع وصوموه يومين البطن زال الانتفاخ شي بسيط طبعا تعذب وقرروا العمليه وسئلت الدكتور هل فيه خطر بدا يهز راسه مافي مشكل انا غسلت يدي حسيت ماعندك احد قلت الولد الان صحته زينه ليش ماتصير لين يكبر شوي وتسوي العمليه الولد مايتحمل قال الاستشاري يقرر وطلعت ورحت اشوف تميم قبل ماطلع كان يناظرني ويتبسم كنه يقول طلعني ارحم وطلعت وانا مو مرتاح وسوى العمليه وجلس يوم بالعنايه وبعده توفى بسبب نزيف حاد الله يرحمه راح للي ارحم من كل البشر

وماتقطع قلبي الا يوم قالت امه تكفى ابغى اشوفه قبل مايدفونه ااااااه

وراح يموتون كل اطفالنا اذا ذولي الدكاتره موجودين كل شهادتهم تزوير واتمنى اي واحد عنده طفل يحول للرياض او خاص ارحم مع اني كل مستشفياتنا خراط بس شي ارحم من شي

وانا لله وانا اليه راجعون