[ضي آلقمر]

مستواهم متدني؟
ايبود .. جلكسي .. قيم بوي.. قنوات الاطفال..اللاب توب..واشيااء واشيااء
وتسال بعد ليه مستواهم ضعيف !!!

[طاغي]

الموضوع رائع ولكن فيه إسقاطات كثيره...!! و الاسباب بنظري متعددة

1- المناهج المطوره و صياغتها الضعيفة بحيث السؤال ليس لديه المساحة الكافية لكتابة الإجابة ( تراكم الاسئلة دون اعطاء الطالب مجال واسع للإجابة بحرية مطلقة ) .
2- عدم وجود الوسائل التعليمية المتطورة التي تتناسب مع هذه المناهج ( كـالسبورة الذكية ، البروجكتر ، الكمبيوتر الصفي للمعلم مثل ماهو موجود في مدارس المجمعة ) .
3- عدم ترابط المواضيع مع بعضها ( تدخل في موضوع والموضوع الذي يليه مختلف عنه تماما ) .
4- قله الخبره ليست عند المعلمين فقط ولكن حتى المشرفين ( اخذت اكثر من دوره والمشرف لم يستطع ايصال المعلومه بشكل منطقي ، فقط كل اهتمامه [ الحديث عن المطويات التي ينجزها الطالب ]
والشي المضحك والذي يطلبه المشرف هو كتابه طالب أول ابتدائي الفائدة من هذا الدرس وهو لا يعرف كيف يكتب الحروف الى الان .
5- تناقض المشرف و المشرف الآخر و كذلك المدير بالأفكار و الطلبات و الأعمال المطلوبة من المعلم .
6-ضغط المعلم بالانصبه العالية و الإشراف و المناوبة و الانتظار و الريادة ، اضف الى ذلك الاعداد الهائلة للطلاب من الاسباب ايضا .
7- ( أولياء الطلاب) مشكله كبيره ضد مصلحة الطالب نفسه (اذا الواحد لمس طالب جاء ولي أمره يهدد و يتوعد ، حتى المدير يقول وش تبي تضربه اذا فهم فهم واذا ما فهم بكيفه بالطقاق ) يصيب المعلم بالإحباط .
8-الدلع المفرط للطالب بحيث كل طالب عنده آيفون وايباد وبلاك بيري وحنا على ايامنا ماخذينا الجوال الا بالكليه >>> الله يالدنيا .
9- بعض المرشدين وليس الكل لا يكتب تقرير للطالب الضعيف ولا يبحث عن الاسباب طايح سوالف مع ......... ((ويقول لا تعطي الطالب اختبار يوم السبت جاني اتصال من أهل الطالب يقول الطالب طالع بالاستراحه !!! طيب متى اعطيه اختبار وشلون فيه وقت يذاكر ؟؟؟؟ وش النظام الى اشغلتونا فيه انا اخبر الاختبارات يوم السبت علشان الخميس والجمعه نذاكر فيها انقلبت الآية ..!! )).
10-الله ياأيام الاختبارات الشهريه الدرجه من 15 فيه تنافس بين الطلاب على درجه وحده اما الحين اهم شي المهارات الاساسيه لا واذا سقط الطالب حطوو لجنه تسأل الطالب سؤال ( 1+1 كم يساوي ) سوال بايخ يعني مثل قولة نجحه اكيد يبي يصير ضعيف السنه الجايه .

اما بالنسبه [ أهل الشمال واهل حائل ] :.


يالغالي احظر الدورات والدبلومات في كلية خدمة المجتمع وتعرف ان ابناء الشمال يبحثون عن تطوير انفسهم الى الافضل ويسعون بالارتقاء فوق النجوم ..
وشوف الانشطه في المدارس و الرحلات الطلابية ماسكينها اهل الشمال حتى ان بعضهم يدفع من جيبه الخاص .. من وساعة صدورهم و كرمهم و حبهم للخير مو الواحد حاط سندويشته بجيبه و ترمس القهوة معاه و يقول ( ما يعرف لقهوتي الا ام سليمان ) وش هالتصريفه اللي ما لها مخرج ، لهالدرجة العفانه وصلت ؟؟!
واهل الشمال هم اللي علموك طلعات المعلمين و التكافل الاجتماعي بين أعضاء المدرسة..
شوف المعلمين المتميزين على مستوى بريده و أشد انضباط و صدقني لو الامر بيد أبناء الشمال ماجلس عندك هنا وشاف العنصريه اللي ماشافها بمدن المملكه كله على اننا محنا بديرتك انت بالذات حنا بديار ابومتعب الله يطول عمره
اللي اهل الشمال خواله وخوال عياله مو أنت اللي خوالك من سوهاج و الفيوم...
وكلامك يا صاحب رد اهل الشمال يمثلك انت ولا يمثل اهل بريدة الشرفاء..

[مزآجيه*]

اقتباس وحتى مواد الدين يدرسها في بعض المدارس معلم الرياضة والفنية والعلوم وبعضهم لايحسن أداء الصلاة !

فعلا ..
انا يوم كنت بالابتدائي .. يوميا حفظ لدروس الدين
خصوصا الفقه و التوحيد ..

لكن الحين , تغير الوضع
عندي اخوي بالابتدائي , ما يهتمون لشي اسمه دين اببببد
مع انه ف مدرسة تحفيظ ..

الله المستعان ..
المفروض يكثفون دروس الدين



شكرا لك

[أميرة الأحساس]

اعتقد ان المدرسين بالاول لازم يكونوا قدوه حسنه
لاني صراحه تفاجئت بمدرس ولد اختي يمشي بالمدرسه بلا نعااال بالعامي حااافي
وهذا الكلام نقلا عن ولد اختي اللي يدرس بـثالث ابتدائي

[ساهرالليل]

مشكلة الوقت هذا اهم شي نجحوهم

[الأسلوب الراقي]

يكمن الخطأ في نظام التقييم

الدفعات التي لم يشملها تقييم الابتدائي أفضل بألف مرة من هذه الدفعات(ولا أعمم)