[ونـاسه]

اللهم إنهم
جيآعٌ فأشبعهم , وعرآةٌ فاكسهم , ومرضى فاشفهم,

اللهم برحمتك أنزل عليهم خيراتٍ من عندك,..
يآرب ,..

[درع القصيم]

لا حول ولا قوة إلا بالله ..
+
1- يمه ثلاثة ريـال ما تكفيني مصروف للمدرسة أبغي خمسة ريالات ..
2- يمه يبه مليت من البلاك بيري تورش أبغى الآيفون ألي نزل جديد 4 أس ..
3- الأم : يا أبو وليد اشتر للبنت ( والبنت عمرها أربع سنين ) أشتر لها آي بُد عشان توسع صدرها فيه ، يحول بنت عمها معها وهي ما معها .. الأب : حاضر يا أم وليد بس اضبطي العشاء وحطي كل شي لا تفشليننا اليوم علي الطلعة في الاستراحة . الأم : خلاص إذا تبيني أزبط لك العشاء جب هذولي المقاضي ( الخ ........1،2،3،4،5،6) ورقة تحتوي على صفحتين من الطلبات ) يذهب أبو وليد للعثيم ويشتري الأغراض << وتطلع الفاتورة 1200 ريـال ) << طبعاً هي طلعة خفيفة ..
4- البنت : يمه خوياتي كلهم معهم آي باد وأنا فشلت عندهم ما معي تقل فقير ما عندي شي ، تكفين يا حبيلك يمه أبغى آي باد ،، الأم / وه خلاص أقول لبوك يشتريلك بس وخري عن وجهي خليني أعرف أكلم الحرمة <<< تقرق ( تثرثر ) بالتلفون ..
5- الابن : يمه يبه أبغي سيارة جديدة مليت من السيارة ذي ما هي قوية ما تطلع النفود بس تغرز . الأم / يا أبو وليد تراه الولد ذبحنا يبي سيارة ، الأب : خلاص إن شاء الله أشتريلك يا وليدي سيارة بس أنتبه لدروسك الأبن : أيه يبه على دربك أشترلي دباب بانشي أبوسع صدري فيه الأب : خلاص بس أنتبه لدروسك ..
6- الابن / يمه عندي طلعه أنا وخوياي بعسيلان وعندنا قطه .. الأم / خلاص دوك 100 ريـال ،، الابن : لالالالا ما يكفيني ابغي 250 ريـال الأم : أوه خلاص دوك بس وخر عن وجهي خلني أعرف آكل الشُكولاته مع القهوة .. << على طاري الشُكولاته أيه عطني الجوال ابغي أكلم على أبوك < ألوووو هلا ابو وليد الأب : نعم يا أم وليد ،، الأم : يا أبو وليد نبي شُكلاته من المحل الفلاني ترنا ملينا من ذاك والي عندنا خلص ،، الأب : خلاص << (( التمر متراكم في الثلاجة ولا يملا العين ولا يشتهونه أبد ومستغنين عنه )
7- الأب : يا أم وليد جاني رجال يخطب البنت وش رأيك .. الأم : منهو و وشي بيتهم هو وارث فلوس وشي سيارته ،، الأب : أيه وارث من أبوه خير ومعه سيارة فخمه والولد طويل وشخصية ،، الأم : طيب أروح أقول للبنت .. الأم : يا بنيتي هذا واحد أتقدم لك خاطبك يبيك وتراه هذا مواصفاته لا وأزيدك من الشعر بيت أمه متوفيه ( ميته ) ولله لقطه الولد لا يفوتك يا بنيتي .. البنت : خلاص أبيه .. الأم : يا أبو وليد البنت ما عنده ما نع أنه تاخذه خلاص ضبط الوضع بس ها نبي الزواج بالقصر الفلاني ونبي حفله وزفه تجنن وطقاقات وبوفيه مفتوح وحلويات بأنواعه وتُرتات ...الخ .. أبو وليد : تتوقعين كم يكلف ،، الأم / مدري احسبها ،، الأب : كذا + كذا - كذا + كذا + كذا + ++++ = 150 ألف ريــل ( هذا المتوسط ولا يوجد زواجات تكلف 300 ألف ريــال ) خلاص زين راح آخذ قرض من البنك عشان أزود الفلوس على مهر البنت ..
8- الأم : البنت قربت ولادتها ونُفاسها عندي إن شاء الله ،، وراح يزورونها حمولتها < نبي كنب مودرن وطاولة تقديم حلااا وووو << وقبل زيارة الحمولة بيوم يا أبو وليد نبي حلااا وهدية مولود وووووو...الخ .. أبو وليد : حاضر إن شاء الله ..
9- الأم : يا أبو وليد بعد أسبوع التاريخ الفلاني يوافق تاريخ ميلاد البنت ،، تراه نبي نسوي حفله مثل حفلة بنت عم البنت ونبغاها في الاستراحة الفلانية وراح نطلب بوفيه مفتوح ووووو ...الخ الأب : حاضر ..
10- البنت يمه أبشرك تخرجت من الجامعة ،، الأم : ما شاء الله مبروك يا بنيتي << ( وعلى فكره القسم أخس قسم ) البنت : بس يمه أبي حفله مثل زميلتي فلانه .. الأم : لاه هي فلانه حطة حفله ،، البنت أيه يمه .. الأم : وش حطو .. البنت : حطو كذا وكذا وكذا ...الخ .. الأم : أيه نسوي حفله بس راح نحط أزين منهم وراح نخليها الحفلة بقصر الرصافة وراح نجيب طقاقات وراح نحط بوفيه مفتوح وحلاااا وتاج على راسك يليق بمقامك الرفيع يا بنيتي .. البنت : ياحبيلك يمه أنا أحبك يا يمه .. البنت : أيه بس راح أطلب الكوفيره الفلانية يقولون أنها زينه ويجنن مكياجها وشغلها بتسريحة الشعر ( على فكرة الكوفيرة سورية للأسف ،، ولو راحن الحريم لمشغل تملكه سعوديه كان أفضل وأهون وأرخص كمان وأقل شي تنفع بنت بلده مهب السوريات ألي تتضرب على الناس بمبالغ خيالية ) [[[ الحين الزواج من الأجنبيات جريمة عندكم يا الحريم طيب ليش تقبلن أن هذولي الأجنبيات يستغلونكم بالفلوس ويلعبون في عقولكم ]]] . الأم : كم تكلفة الكوفيره يا بنيتي .. البنت : بس ثلاثة آلاف يا يمه .. الأم : بسيطه يا بنيتي باااااس جيبيها أهم شي نبيك كشخة يقطر حلاك ..
11-
12-
13-
14-
15-
إلى مالا نهاية والأب حاضر حاضر حاضر <<< بدون تفكير ولا إدراك ولا وعي ولا إحساس فسق × فسق ..
أقسم بالله نُحن نسبح في هذه النعمة ولا حنا دارين عن شي ..

إشــارة : هذا الموضوع الذي وضعته الأخت قُصية المتضمن صورة مأساوية عن آثار الجوع في أفريقيا ، هو بوابه كبيرة للمئات من المواضيع والقضايا في هذا المجتمع ، فلا تبخلوا بمشاركاتكم عن أي شيء يخص أو يدور حول هذه القضايا .. ضعوا كل شي .. شاركوا ولو بسطر واحد فقط ،،
أرجو من المشرفين تمييز الموضوع وتثبيته لأهميته القصوى << وأعلم أنه ليس بخافي عليهم ، وكذلك أرجو من الأعضاء التصويت معي ومساندتي بالتثبيت اسأل الله لكم دوام الصحة والعافية والنعمة الدائمة ..

شكــراً ألــف قصيـــة ..

[قـــصـــيـــة]

اقتباس المشاركة الأساسية كتبها درع القصيم شكــراً ألــف قصيـــة ..

العفو .. الشكر لله أولًا وآخِرًا ثم لك بارك الله فيك وأجزل لك الأجر والمثوبة على ما أضفته للموضوع

وفقك الله وحفظك

اقتباس المشاركة الأساسية كتبها حمامة الريف ... حرااااااااااااااااااااام عليك أختي قصية ليش حاطة الصورة .. والله فيه ناس مايتحملوووووووووون .. على الاقل كان نبهتي .. ربي يرحمهم .. سامحين حبيبتي بس والله تصيح وتوجع القلب ..

أعتذر

وضعتها تذكرة قال تعالى ( فذكّر فإنَّ الذِكرى تنفع المؤمنين )
وللعظة والعِبرة حتى لا نكون نحنُ العِبرة لغيرنا !

اقتباس المشاركة الأساسية كتبها صعب المحال.. صورة لها عده معاني

اقتباس المشاركة الأساسية كتبها صعب المحال.. من ألم ..وحزن ..وشقا ..وجوع ..إلخ هذه الصورة ألجمتني عن الحديث !!،، والله إننا جميعا محاسبون عن هذه النعم التي نتنعم بها وهم محتاجون!.. لا يكتفي منا أن نقول عنها أنها أليمه فقط.. هم مسلمون ونحن كذلك فلماذا لانمد لهم يد العون؟!! موضوع جميل جدا والأجمل أن نعرف أن هناك أناس يعيشون بمثل تلك الحالات ..لكي نحمد الله سبحانه،، رائع ما كتبتي أختي لك شكري وإحترامي .. شكرا لك ،،

بارك الله فيك الشكر لك ولكلماتك الطيبة والتي تحمل الحق جعلكَ الله سيفًا للحق دومًا

اقتباس المشاركة الأساسية كتبها الحياة مدرسة وأي بؤس حملتها تلك الصورة !!!!

اقتباس المشاركة الأساسية كتبها الحياة مدرسة اللهم فرج عنهم فأنت القادر على كل شي

سبحانه

ممتنّة لحضوركِ وفقكِ الله

اقتباس المشاركة الأساسية كتبها الفتى الحسني اللهم فرج عنهم فأنت القادر على كل شي

اللهم آمين

أشكرك بارك الله فيك

اقتباس المشاركة الأساسية كتبها جبل شمر لاحول ولا قوه الا بالله .. اللهم لك الحمد على نعمك وفضلك .. اللهم لاتؤاخذنا بما فعل السفهاء منا .. وأدم علينا نعمتك ..

آمين يارب

شكرًا لك حفظك الله

اقتباس المشاركة الأساسية كتبها نالا جدا مؤلمه ...

اقتباس المشاركة الأساسية كتبها نالا غفر الله لنا

آمين

شكرًا لمشاعركِ

اقتباس المشاركة الأساسية كتبها سامي بريدة صورة أبلغ من ألف مقال

اقتباس المشاركة الأساسية كتبها سامي بريدة كفى يامسلمين إسرافا وتبذيرا بالشكر تدوم النعم وبكفرها تفر اللهم اجعلنا ممن يتعظ بغيره لا ممن لا يتعظ إلا بنفسه جزاك الله خيرا على هذا التذكير

صدقت بارك الله فيك وأسأل الله أن يستجيب دعواتك ودعوات الجميع

جزيل الشكر أخي سامي