[حفيد اعقيل]

.
.

[poem="type=1 bkcolor=#663300 color=#ffffff font="bold large 'traditional arabic', arial, helvetica, sans-serif""]أتعبت برقاني وباق المعاميل = والنار تشكي مانطفي لهبها
ماتسمع إلا دوم حس الفناجيل = وضميد قلطته وفاخر رطبها
الباب مفتوحٍ إلى تالي الليل = والنفس لاجل الضيف تنسى تعبها
يامرحبا بالضيف عد التهاليل = وعداد ماخطت حروف وكتبها
علمٍ جميلٍ كاسبينه من عقيل = خذيت منهم كل علمِ وأدبها
أهل الكرم والجود ذباحة الحيل = رجالهم يبذل ولاقد حسبها
يازين ذكر عقيل نعم الرجاجيل = النفس لأجل عقيل زادت طربها
عساك يابريدة على الدوم للسيل = سيل على داري وباقي خببها[/poem]

حفيد ...

.
.

[الـعـابـر]

صح لسانك و يستاهلون او تستاهلون
الشطر الاول من البيت الرابع ما المقصود ب عد التهاليل ؟

[دفا.]

يارب ترحم جدي وعمي
كل ماسعت بعقيل تذكرت قصصهم

ونبل اخلاقهم وكرمهم

اشكرك على الابيات

+
هيضتانا

[صعب المحال..]

عندما تجولت بين سطورك
شعرت بأن روحي استكانت على هذه السطور ،،
تتأملها بإندهاش وتصفق بحرارة
لصاحب الحروف اللؤلؤيه !!..
ليس غريب أن نرى سطورك بهذه الروعه
وحقا أنت دائما مبدع
أعذرني فكلماتي عاجزه أمام كلماتك المخملية ..
دمت لنا ودامت لنا حروفك القديرة




،،

[مخاوي الصمت]

صح لسانك يا حفيد اعقيل
.
.
+ تميز +

[حفيد اعقيل]

اقتباس المشاركة الأساسية كتبها من الجماعة صح لسانك و يستاهلون او تستاهلون الشطر الاول من البيت الرابع ما المقصود ب عد التهاليل ؟

.
.

صح بنك يالغالي ..

ولاعليك زود ..

عد التهاليل = عدد ماقيل لا إله إلا الله ..

شــكراً لحضورك هنا ..

.
.

[أبو سليمان الحامد]

أبيات جميلة أخي حفيد ما شاء الله

وأهل العقيلات أشهر من نار على علم في الكرم والنخوة والشهامة ,, رحم الله ميتهم وبارك في أحيائهم ..

شكرا لك أخي حفيد ...

[حفيد اعقيل]

اقتباس المشاركة الأساسية كتبها دفا. يارب ترحم جدي وعمي كل ماسعت بعقيل تذكرت قصصهم ونبل اخلاقهم وكرمهم اشكرك على الابيات + هيضتانا

.
.

اللهم آمين ..

بالفعل قراءة تاريخ عقيل يشعرك بالفخر والإعتزاز

تشرفت بحضورك هنا أخي الكريم ..

.
.

[فــتــى بــريــدة]

لحظة!! دقيقة!! وقف هناك يــازيـن .... ان كان صارت للفخر حنا أهلها

حرب العريقة كاسـبـيـن المزايـيــن .... كــلــن على حـالـه يـزيـن فحلهــا

ان كان صارت للقاء بالمياديــن .... الكـل يـعـرف من كسب ملحـمتـهـا

وان كان صارت لمجالس هل الدين .... من كل رجل عندنا من شهدهـا

والكل فيه الخير والكل غاليـن .... ماهـي جـهـالــه لــكـنـنـا نـوب نسـهـا

والنعم بعقيل الرجال العزيزيـن .... النــعــم قــهــوتـه زمــان شــربــهــا

معروف ببريده وكل الشرايين .... يعنـي علــى ماقيـل " وماجاوتــهــا"

لكن ان صارت لدق الطواحين .... لـ " حرب" العريقة عرقها وجبلـهـا

.................................................. ...............................................

أقصد بالبيت قبل الأخير بريده والمدن الي حولها وشبهتها بالشرايين لأن بريده كالقلب والباقي كالشرايين فهي القلب فعلا.

وهذي أبيات كتبتها للتو عاد ما أدري ان كانت أعجبتكم أو لا .

أهم شي اني تحمست وكتبت.

والسلام.

[حربي عابر دربي]

صح لسانك وتسلم يمينك

رحم الله والديك الاحياء منهم والاموات

ورحم الله موتانا وموتى اعقيل وموتى المسلمين اجمعين

[ماجد عبدالله .]

صح لسانك بس حبيت انك تغير البيت اللي يقول اول شطره
الباب مفتوحٍ إلى تالي الليل << قويه بحقكم ياعقيل يعني بس لتالي الليل وبعده يسكر ؟
والمعروف عن الرجل الذينا اشتهرو بالكرم والصيت ووو ( من غير ذكر اسماء ) انهم لايسكرون ابوابهم لا اول الليل ولا تالي النهار

[Ŏ s Ċ ά Я]

اقتباس المشاركة الأساسية كتبها فــتــى بــريــدة لحظة!! دقيقة!! وقف هناك يــازيـن .... ان كان صارت للفخر حنا أهلها حرب العريقة كاسـبـيـن المزايـيــن .... كــلــن على حـالـه يـزيـن فحلهــا ان كان صارت للقاء بالمياديــن .... الكـل يـعـرف من كسب ملحـمتـهـا وان كان صارت لمجالس هل الدين .... من كل رجل عندنا من شهدهـا والكل فيه الخير والكل غاليـن .... ماهـي جـهـالــه لــكـنـنـا نـوب نسـهـا والنعم بعقيل الرجال العزيزيـن .... النــعــم قــهــوتـه زمــان شــربــهــا معروف ببريده وكل الشرايين .... يعنـي علــى ماقيـل " وماجاوتــهــا" لكن ان صارت لدق الطواحين .... لـ " حرب" العريقة عرقها وجبلـهـا .................................................. ............................................... أقصد بالبيت قبل الأخير بريده والمدن الي حولها وشبهتها بالشرايين لأن بريده كالقلب والباقي كالشرايين فهي القلب فعلا. وهذي أبيات كتبتها للتو عاد ما أدري ان كانت أعجبتكم أو لا . أهم شي اني تحمست وكتبت. والسلام.

اخوي فتى
مشكوره على القصيده

بس حبيت اوضح لك اخونا حفيد عقيل كتب قصيده في (عقيل)
والمقصود رجال عقيلات اللي كتب التاريخ ملاحمهم وبطولاتهم وقصصهم وشهامتهم
وهم من قبايل مختلفه
ولم يمحدح قبيلته ربي يسعدك

والشكر لحفيد عقيل على ابداعه

[فــتــى بــريــدة]

^^^^^^^^^^^^^^^
... مشكوره :::: أو مشكور..؟؟؟

يابن الحلال والله أدري لكن تعرف يجين الهياط بعض المرات..

والله اني ما اعتقد بكل التفاهات هذي سواء بطولات او نكسات كلهن عف عليهن الزمن .. والله ما اهتم بهن أبد..

لكنها قصيده وكتبتها.. وأول مرة أكتب بالفخر ع فكرة..

شكرا لك ..

وأعتذر ان كانت القصيده أزعلت أحد .. لكني والله ما كنت أقصد أي شي.. ولا أهتم بالامور هذي..

[حفيد اعقيل]

اقتباس المشاركة الأساسية كتبها صعب المحال.. عندما تجولت بين سطورك شعرت بأن روحي استكانت على هذه السطور ،، تتأملها بإندهاش وتصفق بحرارة لصاحب الحروف اللؤلؤيه !!.. ليس غريب أن نرى سطورك بهذه الروعه وحقا أنت دائما مبدع أعذرني فكلماتي عاجزه أمام كلماتك المخملية .. دمت لنا ودامت لنا حروفك القديرة ،،

حبيبي صعب المحال ..

أشكر لك حسـن ظنك بأخيك , متمنياً أن تكون القصيدة
قد ارتقت إلى ذائقتك الجميلة .
وفي الأخير لاأخفي إعجابي الشديد بأسلوبك الأخآذ
والذي يأسر الألباب ..
.
.