[شهقت @ المخنوق]

ياالله ياخالق ابن آدم من الطين* يامنشي مزون السحاب بسماهـــــــــــا

تطفي لهيب النار عن قلب مسكين** ناراً تلهب فيه زايد صلاهــــــــــا

من حرها تصلى الضلوع المساجين**من زود حر النار زاد انحناهـــــا

والدمع ينزف نزف من حاجر العين** كنه قدر ينزف من النار ماهـــــا

حاولت أخفيـــــــها ولكنها تبــــــين**الدمع فوق الخد كـــــــلاً قراهــا

على الفقيد اللي رحل يوم الاثنيــــن** جته المنيه بالسفر ماحتراهــــا

ذاع الخبر بديارنا والخبر شين ** في ساعةً محداً درى عن خفاهــــــا

فزيت يوم أني سمعت العنـاوين ** اللي على قلبي تنثر بلاهــــــــــا

أمشي ولا أدري وين انا وموجهاً وين ** بلوى على قلبي وربي رماها

وصلت الأسياح مع ربوعاً كثيرين** كلاً تحدر دمعته من قصاهـــــــــــــا

ننعى جسد غالي من أول وهالحين **روحه مع الاموات ربي ولاهـــــا

والله لولا بسنة الله راضين ** مايندفن ذاك الجسد في ثراهــــــــــــــا

شلناه فوق كتوف ناساً عزيزين ** بعد الغسيل ولبس ثوباً تباهـــــــا

حطوه قدام الصفوف المصلين ** جثه بليا روح ربي خذاهـــــــــــــــا

فوق النعش شالوه كل المحبين**ناساً مع الجثه وناساً وراهـــــــــــــا

راحو على قبره جموعاً ملبين** حطوه في قبره وهلو حصاهـــــــــــا

ودعت قبره والاوادم مقفين** أمشي وانا رجلي تقصر خطاهـــــــــــا

شياً يحش القلب حش السكاكين ** يوم أختفت روحه وجسمه معاهـــا

كنه يقول أوصل سلامي لغالين** وأمه عنه ياناس يطلب رضاهـــــــا

عساه للجنه ويسكن مع العين** من الثمر ياكل ويشرب صفاهـــــــــا

ياليت أبو سويلم قضى عندنا أسنين** دنياي بعده قلل الله حلاهـــــــا

ويالله تلطف باليتامى المساكين** وأمه عن المرحوم تحسن عزاهـــــا
على الفقيد محمد سويلم الصالح
مرثية أبن عمه /فواز فهد الصالح

[لجين الدباء]

غفر الله لميتكم واسكنه فسيح جناته
القصيييييدة روووووعه. وصح لسانك

[ملامح دافئه]

الله يغفرله ويرحمه
جميله القصيده

[مطرق الريحان]

الله يرحمه ويعوضه الجنه خيير من الدنيا ومافيها.

قصيده مؤثره ولالنا الاأن نرضى بقدر الله.

لله ماعطى ولله مأخذ.

لكن ودي أسأل هل أمه من البطي.رحمه الله.

صبرها الله وأنزل عليها السكينه.

[مسكين قلبي كم يعاني]

الله يرحمه ويرحم جميـــــــــــــــــــــــــــــــــــــع موتنا

[حلى البيت]

الله يغفرله ويرحمه.

[لاتشتكي همك لمخلووق]

قصصيده في قمه آلروعهه ..
ععســى ربي يرحممه ويينور على قبره ويجعله روضه من رياض آلجنه ياارب آلعالميين ..

وعسى ربي يربط على قلب وآلدته آلصبر يآحــي يـآقيــوم يااااااااااااارب