[البرنس455]

المشكله حديقه الحيوان يبغى لها حال ومحتوى وصعبه تنفتح عندنا لأن صاحب المشروع بيكون همه الربح المالي وماراح يهمه هموم الناس !!
يعني اسعار الحيوانات النادره غاليه وصعبه أحد يجيبها !!

[ملامح دافئه]

الله يكتب الي فيه الخير والصالح

[ام عيون]

وع منبي حيونات نبي مجمعات معندنا الاالعثيم والنخيل ام حديقة حيونات منبي ويليت مدينة العاب بدل الخيسة الاسرة وياليت تكون عوايل

[بريداوي 7]

اقتباس المشاركة الأساسية كتبها لــــوريـــنــــــــا انت شكلك متاثر بــ الغرب قارن القصيم في المناطق الاخرا اقصد في السعوديه وسوف تعرف ان بريده مدينه سياحيه في تطور

مهوب اذا ذكرت النقص في مدينتي بريده اقارن الغرب ، الغرب ماراح نقارنهم لانهم معروفين بالتطور ، ذكرت النقص لاني من حقي اعيش بمستوى فيه الخدمات والامكانيات الرائعه ، اما مدينه بريده سياحيه ؟ اذكري اماكن سياحيه ببريده وترفيهيه ومقومات السياحه وغيرها الكثير عشان اقتنع ان بريده سياحيه ، وشكلك ماطلعتي ابد عن بريده ،،
وجهة نظري ومقتنع ان بريده ليست مدينه سياحيه ,,, وفيه مدن بالسعوديه سياحيه بدون ذكر ومتطوره كثير ،،،

[عبدالله]

رأي واقتراح ممتاااااااااااااااااااااااااااااااااز

لكن خلهم قبل ذلك يصلحون تقاطع شارع الأربعين مع طريق الملك فهد.......

وفق الله الجميع.......

[شامخا]

عااد والله صااق انت يااا اخو دريحم سوووق الانعاام ازين لنا من كل شي بس بريده غير نبي يصير به حديقه حيوان بس شرط ما يككون فيه فسااد
تقبلو تحياااتي

[شهلاء]

والله الي يقول انه بريده مكان سياحي ومتطوره

فشكله ماهو عايش ببريده اي تطور بالله

الحين انا جيت من الشرقيه وسكنت ببريده تقدر تقولي وين اقدر اطلع اتمشى مجمع النخيل ولا العثيم ؟؟

وغيره طيب وين اروح !! حتى الماركات ماهي موجوده وهذا يعتبر اقل شي مقارنة بالاشياء الثانيه

ملاهي مثل العالم والناس مافي .. جلسات عائليه نشم فيها هواء طبيعي برضو مافيه

ياتروح للبر ولا للاستراحات وبعدين !! روتين ممل

مع احترامي للمنطقه لكن وجهة نظر لا اكثر

[الدب الصيني]

تبي حيوانات رح لحديقة البصر ويمر من حولك تسلابه شفهن واذا ماكفنك رح للمليداء ماشاء الله به كل شيء دجاج وحمام ووز وبقر وغنم وبعارين وارانب يالله من فضلك اكثر من تسذا فسق..

[صاحب الجوال]

اقتباس المشاركة الأساسية كتبها قمر العالم انا لحجه البقر على قرونها يسير فيه حديقه حيوان

انا ودي ادري وشلون تحج البقر على قرونه

[انا عاشق]

أخي صاحب الفكرة :
حديقة الحيوان تحتاج لتكاليف عالية وعناية خاصة وأجواء تتناسب ونوعية الحيوانات النادرة ، ولا أعتقد أن هناك مستثمر سيغامر بهذا المشروع في ظل أجواءنا المتقلبة والاقبال الضعيف .

[السامي البريداوي]

اقتباس المشاركة الأساسية كتبها اخو دريحم سوق الانعام من أفضل الاسواق وافضل من حديقة الحيوان بشكل كبير ومن الان لايضعون قرد ذكر مع اناثي القرود فهي من اخس الحيونات

ماقلت لك يا أبو شايع ...؟!! هذولا مشرفينك وهذه ثقافتهم ..

[نـشـقـة]

آتمنـى من الادارة الموقرة وممثلة بكلاً من صاحب الموقع والمشرفين على كل منتدى أغلاق جميع المواضيع المكررة والتركيز على المواضيع الهادفة والتي من خلال مناقشتها بين الاعضاء تعم الفائدة بينهم، علماً ان موضوع حديقة حيوانات وفي بريده مستحيل اذا البنية التحتية منحدرة بنسبة 180% درجة واصلاح تقآطع كلف مبالغ طائله وفترة زمنية طويلة فكيف لكم بحديقة حيوانات.
اتمنى من الاعضاء غربلة المواضيع وحذف كل مكرر منها والمستحيل من تنفيذه
ولكم جزيل الشكر

[نـشـقـة]

اقتباس المشاركة الأساسية كتبها الدب الصيني تبي حيوانات رح لحديقة البصر ويمر من حولك تسلابه شفهن واذا ماكفنك رح للمليداء ماشاء الله به كل شيء دجاج وحمام ووز وبقر وغنم وبعارين وارانب يالله من فضلك اكثر من تسذا فسق..

بصرآحة اهني وبنفس الوقت احسد موقع يستضيف مثل هيك عآلم

[ورود و ريحان]

متى بس