[ولد الهلي]

أحييك ياعزيزي على هالموضوع ..
يجب إعادة النظر في وضع عسكر المرور في بريدة

إن استمر الحال على ماهو عليه .. و الله إن نسمع عن حوادث أعنف وأشنع من هذي .. طبعا فيه كم عسكري تم الاعتداء عليه ووصل الحال للطعن وتخريب الأملاك من سيارة واستراحة لكن حالات فردية وقليلة جدًا ..

بعضهم إذا ماشاف عليك أي مخالفة ( رخصة أو تضليل ) يعطيك قسيمة ( مسيرة !!! ) وبالجهاز تسجّل قيادة مركبة زراعية ولا عدم حمل رخصة !!!
المرور ضايع وبيد كم بزر فاقد للشخصية ويحاول التعويض بدفتر القسايم ..
و الله العظيم إن المرور بالربيعية يدخل بالنفود يلحق العالم !! سلامات
الشارع حق للجميع .. والمرور وُضِع لإدارة السير في الطرقات .. لا لمنع الشباب من السير فيه ..


ولاتلومون الشباب بالدوران بالشوارع . . لأنه لايوجد حلّ حتى الآن لإيجاد أماكن ترفيه للشباب .. والكل أمام خيارين ... أستراحة , أو دوران بالشارع ..
( نظام المهرجانات الغبي القديم لاحد يعتبره ترفيه .. جايبين لك ربع يرفع وواحد مجلعد بسيكل .. وبعدين :$ )



من الأخير .. يجب وضع حلّ لمبزرة المرور ..
ولا أظن إن هالتصرّف اللي صار للعسكري يبي يكون الأخير .. خصوصًا إننا مقبلين على عطلة صيفية وفراغ قاتل ..



نداء لرجال بريدة بأن يعودوا لمكانتهم "المستحقة " ويطالبوا وزارة الداخلية بتغيير سياسة المرور في بريدة ..


لك من الشكر أجزله ..

//